Innsýn í líf mitt

Vistaskipti

2007-06-04T21:09:00.000Z

Ég hef tekið ákvörðun um að flytja bloggið mitt yfir á moggabloggið. Loks tel ég mig hafa fundið bloggkerfi á íslensku sem mér líkar við. Þetta gamla góða fær þó að vera uppi eitthvað áfram en verður líklega ekki uppfært á næstunni.

Nýja slóðin er http://ormurormur.blog.is/ svo endilega kíkið þangað. Þar er ég líka komin með myndaalbúm með skartgripunum sem ég er að dúlla mér við.

Perluæði

2007-05-31T20:52:00.000Z

Á morgun föstudag ætlum við vinkonurnar að vera með bás í Mjódd og selja handunna skartgripi. Vorum um daginn með litlum árangri en lítum björtum augum til mánaðarmótanna. Vantar ykkur ekki skartgripi? Gott til gjafa og bara að skreyta sig með. Allir að kíkja við og kíkja á perluvinkonurnar :-)

Það fór sem mér datt í hug. Ég fékk grænan miða á bílinn. Pústið var ekki nógu þétt til að hægt væri að mengunarmæla hann. Mátti svo sem vel vita það. Mig vantar að vinna í lottó á morgun svo ég geti keypt draumabílinn með lyftu fyrir hjólastólinn.......

Annars fór dagurinn meira og minna í stærðfræði með Heklunni minni. Verð að finna annan tíma fyrir Gambíusöfnunina. Smá félagamálastúss en aðallega heilabrot. Það er erfitt að hjálpa krökkum í dag í stærðfræði þar sem ekki má nota gömlu aðferðirnar sem hafa dugað síðustu kynslóðum. En vonandi gengur henni vel á morgun hef svo sem ekki trú á öðru enda vel gerð stúlka og samviskusöm.

Er enn að prófa mig áfram með moggabloggið, bætti við nokkrum tenglum

bloggspekuleríngar

2007-05-31T00:18:00.000Z

Ég var í einu enn bloggleiðangrinum áðan og fór þá að hugsa hvers vegna svona margir eru farnir að flytja sig yfir á moggabloggið? Ég prófaði það fyrir rúmu ári og leist alls ekkert á það. En ætla að kíkja aðeins á það betur. Er ekkert farin héðan langt í frá bara vildi heyra hvað ykkur finndist. Hvaða blogg kerfi er best ? skrifa nú í kommentin

moggabloggið mitt er www.ormurormur.blog.is

Fann meira að segja stórvin minn Grétar Pétur sem er farinn að blogga þar.

Vorferðalag

2007-05-29T21:57:00.000Z

Hátúnshópurinn minn skellti sér með rútu í vorferðalag austur í Fljótshlíð og Emstur. Við fengum einmana veðurblíðu og nutum dagsins og útsýnisins. Að sjálfsögðu fengum við okkur súpu eins og alla aðra þriðjudaga. Stoppuðum í Kaffi Langbrók þar sem sannur víkingur og hans frú tóku á móti okkur með þessarri dásamlegu kjötsúpu.

Hann flutti okkur svo rímur og ýmsan kveðskap meðan við snæddum. Fórum svo og skoðuðum með honum hof sem hann er að byggja að gömlum sið. Þrír fallegir minkahundar heilluðu okkur alveg og ekki síst Stefaníu.

Góður dagur í góðum félagsskap :-)

Ferming

2007-05-28T14:36:00.000Z

Fór í gær norður á Hvammstanga í fermingu hjá honum Helga Jóhannssyni. Syni Jóhanns Indriða Kristjánssonar sem er sonur hennar Auðar Jónsdóttir sem er dóttir Iðunnar heitinnar Bjarkar sem var systir hans Ödda míns.

Já eitthvað er ættfræðin nú flókin en hann Jói er nú einn af okkar nánustu fjölskyldumeðlimum þó blóðið segi nú kannski eitthvað fjarlægara. Þetta var stórglæsileg fermingarveilsla í safnaðarheimilinu. Og ekki skánaði nú ættartengslin þegar maður fór að spá í hver væri skyldur hverjum. Hann Helgi minn er ríkur strákur á 7 systkini og tvenn pör af foreldrum, fóstursystkini og ættingja úr öllum áttum. Sem sagt íslensk stórfjölskylda eins og hún gerist best. Og allir í sátt og samlyndi eins og það á að vera.

Það var æðislegt að fá loks að hitta norðurlegg fjölskyldunnar, hittumst alltof sjaldan hin seinni ár. Ekki spillti veðrið deginum og ánægujulegt ferðalag. Fleiri myndir úr fermingunni má sjá hér.

Kleppur er víða

2007-05-26T17:15:00.000Z

Ó já er soldið hugsi eftir 100 ára afmæli Kleppsspítala þeirrar merku stofnunar, þar sem haldið var upp á afmælið með glæsibrag en með miklum fordómum að mínu mati.

Þeir héldu m.a. tveggja daga ráðstefnu stórglæsilega á Grand Hóteli með mikið af merkum fyrirlesurum. En árið er 2007 og það er eins og þeir sem eru í þessari afmælisnefnd hafi ekki verið með í þjóðfélaginu síðustu kvartöldina eða svo. Jú kíkið á auglýsinguna fyrir ráðstefnuna http://www4.landspitali.is/lsh_ytri.nsf/htmlpages/index2.html#frettir_3863 og lesið neðst. "Starfsfólk geðsviðs og fagfólk utan LSH velkomið" !!!

Hvað með notendur og aðstandendur. Þeir eru ekki velkomnir eftir þessari auglýsingu að dæma, reyndar sé ég í mogganum í dag að eitthvað eru þau farin að skammast sín og þar segir á öðrum degi ráðstefnunnar að allir séu velkomnir.

Ef þetta eru ekki fordómar þá veit ég ekki hvað og verð að segja að ég er mjög móðguð fyrir hönd okkar notenda og okkar sem hafa staðið í baráttunni síðasta áratuginn.

Ég var samt á Kleppi (ekki Grand) í dag í glæsilegri afmælisveislu sem öllum var boðið velkomið að koma. Ég var með kynningarbás að kynna Vin. Fór svo á málþing um fordóma. Flott málþing en einhvernveginn ekki í takt við það sem aðrir á spítalanum eru að gera.

Ég segi bara Kleppur er víða og það fyndna við þetta er að yfirskrift Grandráðstefnunnar er Kleppur er víða.

Cusco

2007-05-25T20:53:00.000Z

Hef verið hálf slöpp í dag eins og næstum bensínlaus. Afreka lítið og heilinn í mauki þó ekki eins og í House. Nema það sé kannski smitandi..................

Palli og Frosti biðja að heilsa frá Cusco í Perú. Þeir eru búnir að fá háfjallaveiki og drullu :-) En eru orðnir góðir og skemmta sér vel. Iss held þeim hefði verið nær að vera bara á Fróni

Æ nei meinti það ekki.

Allir að mæta í 100 ára afmæli Klepps á morgun

Kveðja frá s. Afríku

2007-05-24T22:46:00.000Z

Villi bróðir hringdi kátur og hress frá S. Afríku í dag og biður kærlega að heilsa öllum. Þar er kominn vetur og snjór í fjöll eins og hér þó hér eigi að heita sumar.

Palli er í Perú, Stebbi í Noregi og Sigrún í Danmörk. Meiri heimshornaflakkararnir þessi systkini mín. Ég fór þó út úr bænum í kvöld alla leið í Kópavog á fína tónleika hjá Samkór Kópavogs þar sem Olla mágkona var að syngja. Þar frétti ég að hún hefði verið að kaupa hús í Mosó í dag tilbúið undir tréverk. Næg verkefni framundan á þeim bæ.

Hannes og Prisella eru búin að koma sér fyrir í Hátúninu og hlakka ég til að kíkja til þeirra.

Allt stefnir í að ég fari í fermingu á Hvammstanga um helgina :-) Hann Helgi hans Jóa á að fermast.

Svo ætla ég að stefna á vinagrill um helgina líka og kannski mikla spilamennsku líka. hver veit hvernig það endar.

Dóttirin í ham

2007-05-22T23:16:00.000Z

Svei mér þá veit ekki hvað ég á að segja en dóttirin er komin með nýtt blogg og þar virðist ég vera aðalumræðuefnið................

Ekki leiðinlegt að eiga svona skemmtilega mömmu :-)
Búin að uppfæra tengilinn

Ekki nóg með það heldur er sonurinn búinn að breyta um ham orðinn svo sólbrúnn og sæll í nýju útivinnunni sinni að mér stórbregður alltaf þegar ég sé hann. Svo er hann líka orðinn félagslyndur hringdi heim í dag og tilkynnti mér að hann ætli að hafa fund heima í kvöld..........

Ég bara lokaði mig inní herbergi og horfði á pólitíkina gossa

Fékk þetta sent í tölvupósti

2007-05-22T22:47:00.000Z

Þetta ætti sennilega að vera límt á spegilinn á baðinu hjá þér þar sem þú getur lesið þetta á hverjum degi. Þú gerir þér kannski ekki grein fyrir því en þetta er 100% satt!

1. Það eru að minnsta kosti tvær manneskjur í þessum heimi sem þú myndir deyja fyrir.
2. Það eru að minnsta kosti 15 manns í þessum heimi sem elska þig á einhvern hátt.
3. Eina ástæðan fyrir því að einhver hati þig er, viðkomandi vill vera eins og þú.
4. Bros frá þér getur fært einhverjum hamingju, jafnvel þótt viðkomandi líki ekki við þig.
5. Á hverju kvöldi, hugsar EINHVER til þín áður en viðkomandi fer að sofa
6. Þú ert himinn og jörð hjá einhverjum.
7. Þú ert einstök og sérstök í þessum heimi
8. Einhver sem þú þekkir ekki, elskar þig.
9. Jafnvel þegar þú klúðrar málunum, verður eitthvað gott úr því.
10. Þegar þér finnst heimurinn hafa snúið í þig baki, líttu aftur á.
11. Mundu alltaf eftir hrósum sem þú færð. Gleymdu dónalegum hreytum.

Ákvað þar sem bloggletin er alsráðandi hjá mér að setja þetta hér inn.

Já og mundu………þegar lífið afhendir þér Sítrónu /Lime, biddu þá um Tequila og salt!

Stærðfræði getur verið höfuðverkur

2007-05-15T22:30:00.000Z

Þessa skemmtilega mynd tók Örn af þremur kynslóðum að glíma við nútíma stærðfræði sem reyndist ansi snúin. Sú yngsta hafði fyrri þrautina og sú í miðkynslóðinni hafði þá seinni eftir mikið bags og hugs þriggja kynslóða.

Fór upp í Krika í dag í vettvangsferð. Leist vel á það sem smiðirnir eru að gera held það verði hægt að halda böll á pöllunum beggja vega við bústaðinn. Og flotbryggjan var á sýnum stað. Líst vel á sumarið :-) Set inn myndir af framkvæmdunum á Krikasíðuna.

timarit.is

2007-05-14T23:07:00.000Z

Mæli með www.timarit.is stórskemmtilegur vefur. Var í heimildaleit og flétti í kvöld öllum Morgunblöðum sem komu út í janúar 1993. Afar fróðlega lesning en fann ekki allt sem ég leitaði að en sumt þó. Næsta skref er febrúar 1993 :-)

Til hamingju með afmælið elsku Öddi minn

2007-05-11T00:28:00.000Z

Minn heittelskaði á afmæli í dag. Veit ekkert hvað ég á að gefa honum í afmælisgjöf. Mikið hugs hugs í gangi. Kannski dreymir mig það í nótt. Allar tillögur vel þegnar.

Já veit að það er komið miðnætti og hálftími betur bara var að sinna húsmóðurverkum eftir Eurovision. Og skellti svo í tvær brauðtertur.......

Í fyrsta skipti í mörg ár er ég alveg viss hvað ég á að kjósa í kosningum merkilegt.

Annars var þetta ánægjulegur dagur í meira lagi og ábatasamur fyrir þau félög sem næst mér standa í félagsmála stússi mínu öllu. Fór fyrir hönd Ferðafélagsins Víðsýn að sækja styrk upp á 300 þús kr til heilsutengdra ferðalaga. Um leið fékk Halaleikhópurinn líka 300 þús. kr, Sjálfsbjörg fyrir Krika 500 þús. kr. og HH Hátúnshópurinn sem er samveru og súpu verkefnið mitt gamla góða 200 þús. kr. Frábært og mörg góð og verðug málefni önnur fengu úthlutun svo ég hætti að hafa móral yfir pokanotkun. Þó ég viti vel að þeir eru ekki umhverfisvænir en hvað um það sný mér að umhverfismálunum á annan hátt.

Mér tókst það

2007-05-10T00:01:00.000Z

Það hlaut að koma að því. Gekk gjörsamlega frá sjálfri mér þegar ég tapaði mér algerlega í félagsmálunu um síðustu vikuna. Fór um landið þvers og kruss allt frá Akranesi í Hallormstað og þaðan á Neskaupstað og heim aftur beint á tveggja daga námskeið hjá RKÍ.

Það sem ég hef mér til málsbóta er að ég skemmti mér vel ;-)

Mæli samt ekki með þessu öllu á 6 dögum. Er nú að reyna að púsla mér saman fór samt á einn fund í dag. Og er nú að gera máttlausa tilraun til að taka til á skrifstofunni minni, skil ekki hvernig er hægt að drasla svona til. En þegar maður er í félagstússi á mörgum sviðum og nefndum í einu á sama tíma að perla og í fatasaum að auki þá fylgir þessu öllu alls kyns hlutir verkfæri og pappírsstaflar.

En ilmurinn úr eldhúsinu er indæll. Minn heittelskaði sem á afmæli bráðum er farinn að baka ;-) Kannski ég bara loki herberginu og taki til frammi ekki dugir lengur bara að kveikja á kertum það er orðið svo bjart úti.

gamlir taktar

2007-05-02T23:29:00.000Z

Loksins gaf ég mér tíma í dag og kíkti á vini mín í Vin. Besta stað í bænum. Skrítið þegar maður er svona upptekinn og næstum gleymir vinum sínum, les um ýmislegt um þá í blöðunum sem maður hafði ekki hugmynd um að væri í gangi þar svo sem Morgan Kane skákmót og myndlistarsýning. Ég sem hélt ég væri innsti koppur í búri.

Vin er staður sem hefur oft fleytt mér yfir margan hjallan og gefið mér orku til að taka á vandamálum hins daglega lífs. Þar er ávallt hægt að fá eyra til að skrafa í, holl ráð og áttavita eins og ég kalla það. Það er þegar maður fer að tjá sig og fær lausn vandans við tjáninguna. Ætla að vera duglegri að fara þangað á næstunni.

Fór svo á langan og duglegan stjórnarfund í Halanum, ariseraði ýmsu um austurferðina fyrir Sjálfsbjörg og skellti mér svo í leikhús nema hvað. Sá Bingó í hjáleigunni hjá leikfélagi Kópavogs og Hugleiks. Skemmti mér bærilega en var ekki alveg að ná samt leikritinu var of súrrealískt fyrir minn smekk. En leikararnir stóðu sig með mikilli prýði og öll umgerð skemmtileg.

Var að leita mér að buxum í vikunni og finn engar sem eru nógu stórar eða nógu litlar eða bara passa á mig. Gafst upp nennti þessu ekki og fór og keypti mér efni í tvennar buxur. Bjó svo snið áðan eftir uppáhaldsbuxunum mínum. Gömlu taktarnir alls ekki gleymdir. Sníð á morgun og sé til hvað tíminn leyfir þarf víst að skreppa aðeins upp á Akranes í embættiserindum :-)

Vorið er komið fuglarnir syngja við gluggan minn í kapp við verkamenn sem eru að byrja að athafna sig fyrir neðan svefnherbergisgluggann minn. Sá líka fífil í gær svo vorið er örugglega komið. Langar í sumarjakka......................

misnotkun á börnum

2007-05-02T01:55:00.000Z

Hvað finnst ykkur þegar börn á íslandi eru misnotuð í þága stjórmálaflokka á íslandi 2007.
Hvað er í gangi eiginlega. Sá börn í dag með strokk um höfuðið greinilega merkta stjórnmálaflokki. Mér líst mjög illa á þetta svo ekki sé meira sagt.

Verndum börnin okkar og virðum þau sem manneskjur. Börn hafa ekki þann þroska sem þarf til að mynda sér skoðun á stjórnmálum

Næstum búin að gera sömu mistökin aftur

2007-05-02T01:30:00.000Z

Það getur verið flókið að halda úti mörgum bloggsíðum.

Ætlaði bara að bera ykkur öllu sérstaklega Hölum og fjölskydunni kærar kveðjur frá Villa í south afríku. Þegar ég sagði honum hvað leikrit slúðrið væri helst að tala um sagði hann nú bara að það lægi við að hann færi að reka á eftir sölunni og koma leika í því stykki..................

Nú er leiklistin að komast í frí eða þannig eftir á að ganga frá eftir sýninguna og halda lokapartý, en það er allt í vinnslu. Stjórnarfundur í dag. Og svo saumaklúbburinn beint á eftir.

Á fimmtudag er líka annríki þarf að pakka niður fyrir okkur hjónin, þvo upp úr körfunni og klára að gera fyrirlesturinn sem ég flyt með Sjálfsbjörg á Neskaupstað á sunnudaginn.

Þarf svo um kvöldið að skreppa á fund upp á Akranes með félagasmálanefndinni.

Um helgina á svo að fljúga austur á Hallormstað á aðalfund BÍL ásamt Erni og Hönnu Margréti þar verður örugglega mikil vinna og fjör.

Þaðan brunum við svo á Neskaupstað ásamt Leif og Stefáni og fulltrúa TR.

Svo er ekkert meira áríðandi á dagskrá svo ég get farið að huga að þeim verkefnum sem hafa hlaðist upp á sýningartímanum. Sinna ýmsu varðandi Víðsýn sennilega fara á námskeið í næstu viku. Klára heimildarvinnuna kringum vef Halaleikhópsins sem er ærið starf þar sem mjög illa gengur að fá fólk til samstarfs. Svo er ég að smíða annan vef um leyniverkefnið. En mest af öllu hlakkar mig til þegar KRIKI verður kominn með reglulegar opnanir.

Óleyst er líka bílamálið sem liggur þungt á mér þessa dagana enda bíllinn okkar búinn að vera bílaður á aðra viku. Ég verð að kaupa nýrri bíl helst nýjan en hef ekki efni á því. Þarf að fara í endurfjámögnun eða eitthvað svo endar nái saman þar til stjórnmálaflokkarnir fari að uppfylla öll l0forðin sín.

Detti úr höfði mér allar dauðar lýs

2007-05-01T23:06:00.000Z

Ég get svo svarið það að ég bloggaði í gærkvöldi og sú færsla birtist hér en er nú horfin!!!!!
Mér er algerlega ómögulegt að skilja þetta, er alveg viss um að þetta var ekki draumur því ég photoshoppaði mynd af okkur perluvinkonunum og setti inn og hún er hér í sinni möppu.

??????????????

Meðan ég skrifaði þetta datt ég niður á lausnina. Ég birti hana á annari bloggsíðu sem ég er með í vinnslu :-) Meira um það seinna, svona getur maður verið ruglaður. Svo ég bara kópíera hana og hér sem sagt kemur hún:

Mátti til að skella þessari fínu mynd af okkur perluvinkonunum þar sem við vorum að reyna að selja skartgripina okkar á handverksmarkaði í Hinu húsinu. Þetta var skemmtilegur dagur en salan dræm. Svo nú verður gripið til annara ráða til að fjármagna þetta skemmtilega hobby okkar. Allt í vinnslu.

Leiklistarveislan í Borgarleikhúsinu í gær gekk vonum framar, fullt hús og mikið fjör. Allt gekk upp í báðum verkunum sem Halinn tók þátt í og nú er ég sem sagt búin að ná þeim áfanga að stíga á svið í Borgarleikhúsinu og leika þar :-) Ekki það að ég ætli að leggja leik fyrir mig alls ekki.
Þetta Þjóðarsálarverkefni var bara svo skemmtileg og frábær hópur sem gat smækkað atriðið úr reiðhöllinni og á Nýja sviðið. Svo var partý á eftir sem Sigrún Sól bauð uppá í forsalnum. Mikið sungið og haft gaman af.

Í dag ætla ég svo í afmæli hjá mínum ástkæra mág Frosta sem bíður í pönnsur og kakó og leiklestur m.m. Til hamingju með daginn Frosti minn.

Allir saman nú

2007-04-28T01:10:00.000Z

Hjúkk gleymdi næstum að plögga um sjálfa mig er það ekki dæmigert.

Sem sagt milli 13 og 17 í dag laugardag verð ég í Hinu húsinu að selja skartgripina mína á handverksmarkaði sem er í tengslum við List án landamæra. Allir að kíkja á mig og Hönnu Margréti og Stebbu. Perluvinkonurnar allar að reyna að hala uppí kostnaðinn við skemmtilega hobbýið okkar.

Ég mæli með allir taka höndum saman og skelli sér niður á tjörn rétt fyrir kl. 13.00 og taki þátt í gjörningnum TÖKUM HÖNDUM SAMAN lalli sér svo út í Hitt hús og fari á geðveikt kaffihús og kíki á perluvinkonurnar í leiðinn.

Til hamingju með afmælið Gabríel Temitayo

2007-04-26T23:15:00.000Z

Þessi fallegi drengur er 5 ára í dag 26. apríl. Til hamingju Gabríel minn. Alltaf þegar blessuð börnin bæta við árinu skilur maður ekkert hvað tíminn líður hratt. Gabríel er sonur Lovísu Lilju dóttur Villa bróður. Ætla að reyna að kíkja við hjá honum á laugardaginn en þá ætlar hann að hafa veislu.

Já það verður annasamur laugardagur og einn af þessum dögum sem maður vill helst geta klónað sig. Skemmtilegt að hafa mikið að gera en leiðinlegt að geta ekki sinnt öllu. Eyjólfur vinur minn er að sýna í Ráðhúsin hlakka til að kíkja á það.

Það var aðalfundur í Trimmklúbbnum Eddu áðan þar er 20 ára afmæli í uppsiglingu og sundleikfimin búin í vetur og göngurnar að hefjast, hlakka til að komast í göngurútínuna aftur.

Hamingjusamt ævikvöld

2007-04-24T23:50:00.000Z

Dreif mig á pólitískan fund í kvöld og hlustaði á það sem fulltrúar allra flokka í framboði höfðu til málanna að leggja í velferðarmálunum. Ef trúa á öllu því sem þeir sögðu þá munu strax í sumar hækka allur lífeyrir til verulegra muna, og nánast enginn skattur vera greiddur af honum. Tengingin við laun/lífeyrir maka hverfa. Tryggingakerfið verður einfaldað svo allir skilji það. Skerðingum aflétt á flestum sviðum (eins og það sé ekki nóg að búa við líkamlega eða andlega skerðingu).

Ég mun fá vinnu við mitt hæfi án þess að lífeyrir skerðist. Stjórnvöld muna mótivera atvinnuveitendur svo þeir taki við öryrkjum í vinnu á sömu kjörum og "aðrir". Hægt verður að fá tannlæknaþjónustu á viðráðanlegu verði, gleraugu og heyrnartæki, allt greitt af almannatryggingakerfinu. Meira að segja verður hægt að fá niðurgreidda sálfræðiþjónusut. Börnin á biðlistanum hjá Bugl eiga góða daga í vændun, listanum verður eytt með því að færa alla þjónustuna á heilsugæslustöðvarnar þar sem verður topp þjónusta.

Nægur mannskapur fæst í umönnunarstörfin og aðbúnaður þeirra allur bættur til muna svo störfin verða eftirsótt. Ég mun fá alla þá persónulega aðstoð sem ég þarf heim til mín sérsniðna að mínum þörfum. Fötluðum verður tryggð menntun við hæfi upp öll skólastig. Ég mun ekki hætt að vera öryrki daginn sem ég verð 67 ára.

Og það merkilega við þetta allt saman þá mun líka ríkið græða á þessu öllu saman því þetta skilar sér allt aftur í vasa ríkisins í formi skatta af launatekjum sem verða þó ekki skattlagðar fyrr en eftir að 1.000.000 krónu markinu er náð á ári.

Á maður að trúa þessu öllu saman.......................................?

Til hamingju með afmælið Villi

2007-04-23T22:54:00.000Z

Hann á afmæli í dag

hann á afmæli í dag

hann á afmæli hann Villi

hann á afmæli í dag.

Hann er 47 ára í dag hann Villi

Ætti ég að hringja í hann til afríku og syngja með minni íðilfögru röddu afmælissönginn ? :-)

Í tilefni dagsins ætla ég að taka vaktina í Samverunni og súpunni og lofa að það verði góð súpa í tilefni dagsins. Endilega kíkið við milli 11.30 og 13.30 hjá Sjálfsbjörg á höfuðborgarsvæðinu. Hátúni 12.

Mátti til með að setja inn mynd af hinum fjórum fræknu systkinum sem af undarlegum orsökum hefur tekist að smala öllum nema Sigrúnu Jónu í stofusófann og það í sparifötunum.

(Ok afmælið er ekki fyrr en eftir klukkutíma en ég hef nú alltaf bráðlát verið. Verð líka að fara að sofa fyrir miðnætti svo ég vildi setja þetta inn áður bara svo enginn missi nú af þessu af næturgöltunum.)

Fermingarmyndin :-)

2007-04-22T22:45:00.000Z

Hér kemur fermingarmyndin af Bryndísi. Er hún ekki gullfalleg þessi stúlka :-) Fleiri myndir eru á heimasíðu Blikabúa en hún er víst læst svo þið sendið bara email og fáið eflaust lykilorð. Önnur stúlkan er víst eitthvað spéhrædd þessa dagana og vill ekki að hver sem er sé að skoða myndirnar sem mamma hennar skellir inn reglulega :-)

Allra síðustu forvöð

2007-04-21T23:10:00.000Z

Var að koma heim eftir frábært kvöld. Vorum að sýna næst síðustu sýningu á Batnandi manni fyrir frábæra áhorfendur. Sem voru þakklátir og glaðir sem vermir manni alltaf um hjartað. Það er nú þess vegna sem maður er að þessu.

En nú er síðasta tækifæri á morgun sunnudag 22. apríl kl. 17.00 til að sjá þessa stórskemmtilegu sýningu. Skora ég á þá sem ekki hafa enn komið að drífa sig nú, lofa góðri skemmtun. Sjá nánar á www.halaleikhopurinn.is

Ekki það að það setur að manni ákveðinn trega þegar sýningartímabilinu er að ljúka og séð fyrir endann á því. Maður er búin að leggja alla sína orku og sál í þetta verkefni og því viðbúið að ákveðið tómarúm myndist.

En ekki vantar verkefnin og enn vildi ég stundum geta verið á tveimur stöðum á sama tíma enda margt skemmtilegt framundan. List án landamæra hefst um næstu helgi og þar er ýmislegt skemmtilegt sem ég mun taka þátt í. Við förum með brot úr sýningunni og sýnum í Borgaleikhúsinu 30. apríl og líka brot úr Þjóðarsálinni það verður mikið gaman að hitta þann hóp aftur.

Svo eru nokkrir fundir hjá Sjálfsbjörg og ferðalög því tengt vestur og austur um land. Og svo norður líka. BÍL aðalfundur á Hallormstað sem alltaf er gaman að koma á og hitta það kraftmikla fólk.

Svo á að fara að koma sér á framfæri með skartgripina og vonandi selja smá uppí kostnað :-)

Nú og mér skilst að vinnan uppí Krika sé um það bil að hefjast, gaman verður að sjá hvað kemur út úr því, og hversu langt peningarnir duga.

Afmælisár Halaleikhópsins heldur svo áfram og fullt af skemmtilegum hugmyndum í gangi.

Já ég verð að segja það að ég er glöð í sinni í kvöld vonandi þið líka :-)

Gleðilegt sumar

2007-04-19T10:07:00.000Z

Gleðilegt sumar öll sömul sem lesið þetta blogg og takk fyrir veturinn.
Mátti til að setja hér inn sumarmynd af mér síðan ég var 6 ára. Minningin segir mér að við höfum alltaf getað verið svona léttklædd öll sumur í bernsku. Þarna erum við Villi mjög líklega á Þingvöllum en þangað fórum við ansi oft í sunnudagsbíltúr á sumrin og svo í kaffi á Stokkseyri til ömmu Regínu.

Vonandi verður þetta sumar gott allavega byrjar veðrið á því að gefa góðan tón. Þó svo öll birtan þessa dagana fara hrikalega í mígrenið mitt þá jafnar það sig þegar á líður. Ég fékk þær fréttir í gær að vinnu uppí Krika utanhúss lyki 1. maí og hlakka ég mikið til að koma þangað aftur, þó ekki sé nú enn á planinu að vera þar allt sumarið eins og í fyrra. En kemur bara í ljós.

Njótið sumarsins á Íslandi fegursta landi heims :-) Þar sem veðrið hefur karakter. Njótið landsins og verum kát í sumar.

Fallegar stúlkur og gjörningur

2007-04-16T23:57:00.000Z

Eru þær ekki fallegar systurnar Bryndís og Hekla :-) Svona prúðbúnar og glaðlegar. Fermingin tókst sem sagt stórvel og er öllum til mikils sóma og fermingarbarnið og aðstandendur allir glaðir. Bara varð að setja mynd af þeim inn, kemur örugglega betri mynd seinna hafði bara ekki aðra við hendina. Nú og svo langar mig að vekja athygli á grein sem Kolbrún Dögg skrifar á blogsvæði Listar án landamæra um tilurð fyrirhugaðs gjörning við tjörnina 28. apríl nk. Flott skrif hjá Kolbrúnu Dögg sjá hér: Gjörningur

Elli og Gróa

2007-04-14T23:40:00.000Z

Tíminn er fljótur að líða nú eins og endranær. Á morgun mun Bryndís hans Bjarna fermast. Mér finnst nú ekki langt síðan hún kom hér fyrst í heimsókn með ljósu lokkana, fallegu augun og brosið sitt fína. Ég held ég eldist ekki svona hratt, finnst soldið skrítið að dóttir mín sé að ferma, virkar eitthvað ellilegt á mig eða hvað ?

Alla vega er nú stórt högga á milli fjölskyldunni, Hannes og Priscela giftu sig á þriðjudaginn og óska ég þeim innilega til hamingju og vona að þau eigi bjarta og hamingjuríka framtíð saman. Þau giftu sig hjá sýslumanni og ætla að halda brúðkaupsveislu á sumardaginn fyrsta. Það verður gaman að sjá fjölskyldu hennar.

Á miðvikudaginn fylgdum við móðursystur Ödda til grafa Torfhildi Hannesdóttur mikilli sómakonu sem er nú gengin sinn veg. Mikil veisla þar í erfidrykkjunni og sjaldgæft orðið að hitta fólkið þeim megin í familýunni.

Sem sagt nóg búið að vera að gera og nóg framundan, manni ætti allavega ekki að leiðast þessa dagana. Samt er mikil depurð í mér. Já hef mikið velt fyrir mér hvort ég eigi að tjá mig um það mál hér en ætla samt að gera smá.

Þannig er mál með vexti að ég hef heyrt síðustu mánuði mikið baktal um mig og það frá manneskju sem ég taldi á meðal minna vina. Ég veit ekkert hvernig ég á að höndla þetta og finnst þetta allt að ósekju. Ekki hef ég gert þessari manneskju neitt en hún yfirfærir hin ýmsu vandamál á mig og hluti mér tengda.

Gróa á leiti er erfiður fylginautur og fer mjög illa í mína heilsu. Gigtin hefur sjaldan verið verri og ýmis gömul einkenni sem ég hef verið að mestu laus við nema dag og dag eru nú daglegir gestir og ekki síst á nóttunni sem orsakar svefnleysi og skapar vítahring sem erfitt er að rjúfa.

Ekki hef ég enn treyst mér til að ræða þetta beint við manneskjuna sem eflaust væri réttast en ég er kikken þegar kemur að því að verja mig sjálfa. Og er alveg ráðþrota í þessu máli. Eru einhverjar tillögur?

En að öðru þá ganga sýningar vel og margt skemmtilegt framundan í leiklistinni. List án landamæra nálgast óðfluga og þá hittist Þjóðarsálarhópurinn aftur það verður held ég mikið fjör.
En nú er hver að verða síðastur að sjá Batnandi mann sennilega síðustu sýningar um næstu helgi sjá hér. Nú svo ætlum við skartgripavinkonurnar að taka þátt í handverksmarkaði þann 28. apríl vonandi tekst það, tíminn er eitthvað naumur vegna æfinga í Borgarleikhúsinu.

Til hamingju með afmælið Bryndís mín

2007-04-05T21:37:00.000Z

Já tíminn er fljótur að líða þessi mynd var tekin sumarið 2004 þegar við fengum Bryndísi lánaða með okkur í sumarbústaðaviku. Hér erum við í göngunum í Skálholti.
Í dag er skvísan orðin 14 ára og ég óska henni hjartanlega til hamingju með daginn. Svo á hún að fermast þann 15. apríl nk. svo mikið er um að vera hjá henni.

Hver er Bryndís spyr kannski einhver, hún er skáömmubarnið mitt eða þannig jú hún er stóra systir hennar Heklu minnar samfeðra. Algert gull eins og pabbinn.

Gleðilega páska

2007-04-05T10:29:00.000Z

Loksins komið páskafrí eftir annir síðustu mánaða. Merkilegt hvað maður hefur mikið að gera alla daga, það leggst alltaf eitthvað til skipulagt eða bara kemur af himni ofan. Hef verið í félagsmálastússi, ráðstefnum og alls kyns útréttingum vegna hinna fjölda verkefna sem ég virðist vera farin að taka þátt í.

Alla vega nú ætla ég að reyna að hafa rólega páska með fjölskyldunni svo reikna ég með að allt detti í veisluhöld eftir það allavega ferming og brúðkaup í fjölskyldunni í sömu vikunni svo kannski verða rólegheiti ekki svo mikil og þó.

En alla vega segi ég bara Gleðilega páska og hafið það gott yfir hátíðarnar.

luðra og hamingja

2007-03-28T22:44:00.000Z

Skrítið hvernig sumir dagar geta farið alveg úr skorðum hjá manni að ástæðulausu. Í gær vaknaði ég seint og fór í tölvuna og gleymdi mér þar. Varð þess vegna á síðustu stundi upp í Húsaskóla þar sem ég var bókuð sem lifandi bók. Þoli ekki þegar ég er ekki stundvís. En allavega ég náði á slaginu inn á bókasafnið.

Geðbókin var lánuð út þrisvar sinnum til hópa úr 8 bekk og þau spurðu mig í þaula stóðu sig mjög vel. Þetta er ansi skemmtilegt verkefni hjá þeim.

Fór svo og verslaði í Krónunni upp á höfða, kom út með 6 innkaupapoka :-) Voða gaman að fara í aðrar búðir en Bónus svona á milli.

Þegar heim kom var ég þreytt og slæpt og alveg tóm í hausnum. Fattaði rúmlega fimm að ég átti að vera á námskeiði hjá Auði Eir ;-( Hrikalega spæld að missa af því og súr út í sjálfa mig að klikka á þessu.

Við drifum okkur svo eftir soðninguna á félagsfund hjá Sjálfsbjörg þar sem stjórnmálaflokkarnir komu og kynntu áherslumál sín fyrir næsta kjörtímabil. Ekki tókst nú neinum þeirra að sannfæra mig um að best væri að kjósa sig. Sama staglið og rausið um hluti sem maður veit allt um efndir á.

Á miðjum fundinum fattaði ég að ég ætti eftir að skila inn skattframtalinu fyrir miðnætti. Fylltist af stressi og rauk í það þegar heim kom og gekk illa að færa upplýsingar úr heimabankanum yfir en fattaði svo að ég ætti ekki að skila fyrr en 29 svo ég gat slakað á.

Eða hefði átt að geta það en einhvernveginn tókst mér ekki að slaka á var orðinn full að stressi og allrahanda vanlíðan og sofnaði ekki fyrr en rúmlega 4 í nótt.

Ekkert of hress í dag og er búin að átta mig á ástæðunni og vonandi bara lagast það nú eins og ætið fyrr.

Í dag var svo reynt að taka því frekar rólega, fór niður í Vin að undirbúa smá fyrirlestur sem ég verð að hjálpa Guggu með á ráðstefnu á föstudaginn. Sóttum svo Heklu og dúlluðum okkur fram eftir degi.

Og ekki má gleyma aðalfréttunum GIFTING í uppsiglingu í familýunni veit ekki hvort ég má segja meir á þessu stigi málsins. Svo bara fylgist með þegar málin skýrast. Alltaf skemmtilegt þegar tvo hjörtu slá í takt og bara mjög spennandi allt saman.

Af hauslausum kanínum tyggjandi gulrætur.

2007-03-25T20:39:00.000Z

Já lífið er leiklist það eru orð að sönnu í lífi mínu þessa dagana. Það voru tvær sýningar hjá okkur um helgina, samt var ég ekki búin að fá nóg af leiklist.

Við Hekla skelltum okkur í Þjóðleikhúsið í dag með Labba og Stebbu og sáum Sitji guðs englar. Stórgóð sýning og frábær leikmynd og umgjörðin öll. Hekla var að koma í fyrsta sinn í Þjóðleikhúsið og það var gaman hjá okkur. Þarf að vera miklu duglegri að taka hana með í leikhús. Mæli með þessarri sýningu.

Við vorum alls ekki búnar að fá nóg og skelltum okkur á aðra sýningu hjá Leikfélagi Kópavogs strax á eftir. "Allt og ekkert" heitir hún og er einskonar sögustund. Frábært hjá þeim. Leikmyndin var sófar, stólar og borð og allt stillt upp eins og um kaffiboð væri að ræða enda var þetta kaffiboð, boðið uppá kaffi og með því heimabakað bakkelsi og ávextir með súkkulaði fondú nammi namm Æði.

Við vorum 10 Halar sem fórum saman og settumst hér og þar um sviðið. Leikendur komu svo og sátu milli okkar. Mjög heimilislegt og kósý. Svo byrjuðu þau á að spjalla og ég geri mér ekki fulla grein fyrir hvar sýningin hófst, en einn af öðrum sögðu þeir okkar alls kyns sögur mis skemmtilegar en athyglisverð leið til að ná til áhorfenda. Maður var þátttakandi en samt ekki. Eftir hlé dofnuðu ljósin og sögurnar fóru að vera meira myrkrasögur vel gert hjá þeim. Maður lifði sig vel inní þetta og hreifst með.

Skemmtilegt atvik var hjá mér þegar allt var orðið myrkt og hljótt, lág músik og rómantík í gangi og við vorum að melta sögurnar í rólegheitum, þá fékk Hekla sér gulrót og fór að bryðja hana með miklum látum í þögninni. Veit ekki hvort neinn annar en ég heyrði það enda sátum við þétt saman í myrkrinu. Málið var að fyrr í sýningunni var búið að tala mikið um kanínur og hauslausa kanínu sem var jörðuð í tuppperver boxi svo sálin komst ekki til himna ..... eða eitthvað í þá áttina og það flaug í gegnum huga mér að kanínusálin væri komin hér mér við hlið.

Allavega Takk fyrir kærlega Leikfélag Kópavogs fyrir þessa dásamlegu dagsstund og skemmtun. Ég hvet alla til að drífa sig á sýninguna hjá þeim. www.kopleik.is

Nýtt met ;-)

2007-03-15T22:30:00.000Z

Ja hérna bara nýtt met hef ekki bloggað í 11 daga. Lengsta stopp so far. Ekki að það sé ekki nóg að gerast bara ..............

Leiklistin á hug minn allan og alls kyns stúss. Er líka búin að vera dugleg í perlinu og var með saumaklúbb í vikunni.

Fór líka á námskeið í að vera yndisleg hjá mínum uppáhaldspresti henni Auði Eir.

Bara er ekki í skriftarstuði þessa dagana. Er með hóstakjölt og slappleika sem ekki vill víkja þrátt fyrir miklar tedrykkjur með hunangi og alls kyns húsráðum.

Fram undan ströng helgi, var að koma af æfingu svo eru sýningar bæði föstudag og laugardag. Hekla mín ætlar að vera hjá okkur alla helgina. Foreldrarnir ætla upp á heiði í skátaútilegu. A la Hafernir.

Ingimar er kominn í nýja vinnu, byrjaði að forkælast svo nú hóstum við í kór.

Jú jú svo fengum við hjónakornin kast um síðustu helgi og keyptum okkur borðstofustóla þá fyrstu í okkar 30 ára búskap, var ekki kominn tími til. Strákarnir hafa svo verið ófáar stundir að setja þá saman sem gekk ekki alveg þrautalaust. Endaði með að ég fór og keypti handa þeim rafmagnsskrúfjárn svo nú erum við að verða svaka forfrömuð.

Hver veit svo hvenær fyrst matarboðið verði til að vígja herlegheitin. Maður er aldrei orðið heima á matartímum. Í dag var svínasteik á borðum kl. 5. Svona fer leiklistarbakterían með okkur.

Mars kominn :-) og strengd heit

2007-03-04T14:50:00.000Z

Tíminn er fljótur að líða og lítið lát á önnum sem er að mestu bara gott mál. Það hefur enn verið annasöm vika í félagsmálunum og hefur verið fundað á öllum stærstu póstunum. Og við þá yfirferð að sjálfsögðu bæst ýmislegt á verkefnalistann.

Nú er bara að forgangsraða og að muna að hvíla sig. Ég strengi þess hér með heit að fara í rúmið fyrir miðnætti alla þessa viku. Ég er orðinn hinn mesti næturgöltur og veit að það er mjög svo skaðlegt heilsu minni. Svo fremst á forgangslistanum þessa viku verður að koma sér í rúmið fyrir miðnætti. Sjáum hvernig það gengur.

Vorið er finnst mér vera á næsta leiti og hugurinn hefur leitað upp í Krika í róleg heitin þar. Hver veit hvað þetta sumar ber í skauti sér.

Mesta álagið yfirstaðið

2007-02-27T11:07:00.000Z

Jæja loksins sést fyrir endann á löngu ströngu törninni og nú er runnið upp sýningartímabilið. Frumsýning á Batnandi maður hjá Halaleikhópnum var á laugardaginn og tókst bara ansi vel þó ég segi sjálf frá. Við sýndum fyrir fullu húsi og áhorfendur skemmtu sér konunglega sýndist mér.

Einn áhorfandi bloggaði smá um sýninguna hér

Frumsýningarpartý var svo á eftir fram á rauða nótt og sló næluleikurinn þar enn einu sinni í gegn. Mikið gaman og mikið stuð.

Hjá mér hafa safnast upp verkefni meðan á törninni stóð en einhvern veginn er erfitt að vinda sér í þau. Það kemur. Fór þó að sinna stjórnarstörfum í Víðsýn í gær og tókum við Bjögga góða törn þar enda Bingó framundan á laugardaginn kl. 14.00 og svo er farið að styttast í aðalfundinn.

Ruslið á skrifstofunni minni má bíða en tek samt lag og lag og geng frá. Reyni líka að hvíla mig því þetta gríðarlega álag ofan í heilsuleysi hefur tekið sinn toll frá mér. En svona er það bara þegar það er gaman og það er það sem mér finnst skipta máli. Gleðin

Ég á ekki orð :-)

2007-02-20T00:29:00.000Z

Eins og ég hef margoft sagt er ég ekkert lítið stolt að ömmubarninu mínu. Á bara ekki orð yfir þennan góða árangur. Setti hér einkunnarblaðið hennar inn:

Annars er það helst af henni að frétta fyrir utan þetta að hún er farin að leika aftur með Halaleikhópnum. Leikur Sunnu Ólafsdóttir litla stúlku sem er í hjólastól eftir að hafa lent í bílslysi. Í leikritinu Batnandi maður eftir Ármann Guðmundsson. Og sú er nú að tækla það ekki að spyrja að því.

Nú nú svo fór hún í klippingu og stytti hárið mikla og síða um helming og það klæðir prinsessuna bara ljómandi vel. Hún ætlar svo að vera púki á öskudaginn. Hlakka til að sjá þá munderingu. Engin Silvía Nótt í ár.

Af 0kkur gömlu skötuhjúunum er lítið að frétta utan leiklistar, við eyðum orðið meiri hluta sólahringsins niðurfrá og höfum gaman af. Þó það braki í gömlum beinum og fólk sé lúið þá er uppskeran smá saman að sýna sig og frumsýning á laugardaginn :-)

Fyrirgefið öll sömul

2007-02-16T10:45:00.000Z

Nú er rétt vika í frumsýningu á Batnandi maður og dagarnir því ansi langir í annan endann þessa dagana. En flest allt gengur eins og best getur orðið. Miklir álagspunktar hafa verið undanfarna daga og það hefur komið fyrir, sem á alls ekki að gerast að ég hafi misst mig í geðillsku. Stundum við þá sem síst eiga það skilið og bið ég þá hér með opinberlega afsökunar á því og lofa að reyna að hemja mig. Nú svo hafa aðrir sleppt sér algerlega yfir mér og er þeim fyrirgefið. Þetta er mikil tilfinningavinna og reynir á alla þætti mannlegs atferlis.

Já að vera aðstoðarleiksktjóri er margbrotið starf og margir endar að halda í og aðrir sem maður þarf að reyna að sleppa þar sem aðrir eiga að halda í þá. Meðalvegurinn er vandrataður. En ég er afar stolt af leikhópnum mínum þessa dagana. Leikararnir kunna flestir textann sinn upp á 10 og stöðurnar eru að skýrast. Ekki síður er ég stolt af öllu fólkinu sem lagt hefur okkur lið á einn eða annan hátt í sjálfboðavinnu eftir vinnudag hjá sér.

Fólk er búið að þeytast um alla bæ að redda hinu og þessu. Það er búið að smíða, mála, sauma, tengja, bora, þrífa og finna út úr öllum mögulegum og ómögulegum hlutum svo fátt eitt sé talið. Allir eins og ein stór fjölskylda með bros á vör. Ef það eru ekki forréttindi að vinna með svona fólki þá veit ég ekki hvað.

Í gærkvöldi kom smíðaflokkur og lagaði áhorfendapallan okkar og ég hef grun um að þegar ég kem á svæðið í dag verði líka búið að teppaleggja þá með spánýju teppi.

En stærstu fréttirnar eru samt eflaust sá stóri sigur í sögu Halaleikhópsins að við erum að sjá fram á að geta keypt það sem okkur hefur dreymt um lengi, lengi tölvustýrt ljósaborð. Sem hópurinn ætlar að gefa sjálfum sér í 15 ára afmælisgjöf. Loksins aðgengilegt ljósaborð þannig að nú höfum við fleiri möguleika fyrir tæknimennina okkar sem hafa unnið hörðum höndum, jú hef líka grun um að þegar ég kem í dag sé verið að setja upp ljóskastara um öll loft. :-)

Til hamingju með afmælið Lovísa Lilja

2007-02-12T01:52:00.000Z

Bróðurdóttir mín hún Lovísa Lilja á afmæli í dag og svei mér þá ef hún er ekki orðin 25 ára gömul stúlkan sú. Ég sem hélt ég væri svo ung. Lovísa mín til hamingju með daginn.
Þessar myndir voru teknar í ágúst í fjölskylduboði varð bara að láta fljóta með þessa sætu mynd af ungviðunum í þessari fjölskyldu.

Gabríel Temitayo og Hekla. Eru þau ekki falleg ? eins og ættin ;-)

Sorg í huga skátanna

2007-02-09T13:07:00.000Z

Í gærkvöldi brann til kaldra kola skátaheimilið í Hraunbergi þar sem Hafernir höfðu aðsetur í allmörg ár. Mikil sorg bærðist í brjósti krakkanna sem höfðu barist fyrir að fá þetta hús á sínum tíma og unnið ómælda sjálfboðavinnu við byggingu og standsetningu þess. Dóttir mín Sigrún Ósk er ein af þeim sem aldi öll sín unglingsár og rúmlega það í þessu húsi. Og var það því stór hluti af lífi okkar þessi ár. Því miður er búið að leggja niður skátafélagið Haferni í þeirri mynd sem það starfaði á þessum árum. Blessuð sé minning þess.

Vin til hamingju með daginn

2007-02-08T10:14:00.000Z

Í dag er Vin 14 ára. Sá merki staður kominn á fermingaraldur. Ég hef verið þar viðloðandi í 13 ár og margt hefur nú breyst síðan, bæði þar og ekki síst hjá mér. Aldrei hefði mér dottið í hug að ég væri á þeim stað í lífinu sem ég er nú fyrir 13 árum og ekki er það síst þeim að þakka vinum mínum þar. Þegar ég er ekki á kafi í leiklistinn og ekki að sinna fjölskyldunni eða Krika má ganga að því nokkuð vísu að ég er þar eitthvað að stússa. Nú er á fullu undirbúningur fyrir fjáröflunarbingó Víðsýnar 3. mars nk. munið að taka frá daginn. En ég er þar í stjórn. Svo hef ég verið að sinna kynningamálum fyrir Vin sem sjálfboðaliði inn á geðdeildum og víðar. Bara gaman og mjög gefandi.

Jú jú en ég er ekki alveg hætt með þessa síðu bara smá lægð í skrifunum sem gerist alltaf reglulega. Ekki það að ég hafi ekki nóg að skrifa um. Jú jú en bara hef ekki haft þörf fyrir að koma því hér inn undanfarið.

Lífið gengur sinn vanagang. Leiklistin í forgangi svona flesta daga ekki þó alveg. Heilsufar hefur truflað aðeins og ekkert markvert finnst út úr því. Maður er bara með erfiða vinstri slagsíðu eins gott að það var þó til vinstri. Þá er hægt að lifa með því skammlaust ;-) Sjúkraþjálfarinn ætlar að fara að skifta um aðferð á hryggnum á mér svo kannski réttist þetta. En til hvaða ráða hann grípur vekur hjá mér ótta, því hann á í sínum ráðabanka mikið að sársaukafullum aðferðum........................Hitti hann á eftir og hlakka alls ekki til.

Kjaftaskurinn kominn á kreik á ný :-)

2007-01-31T23:54:00.000Z

Haldiði að dóttirin sé ekki aftur komin fram á ritvöllinn eftir langt hlé, með þennan líka litla pistil. Endilega kíkið á síðuna hennar

Annars er allt gott að frétta héðan. Leiklistin er allsráðandi í lífinu þessa dagana, stífar æfingar flest kvöld og ýmiss undirbúningur og stjórnarstörf á fullu. Mörg eru handtökin og enn fleiri hugsin.

Handboltinn er að gera mig vitlausa, ég er svo mikill antisportisti að ég þoli ekki hvað hann hefur sett öll plön úr skorðum. En maður reynir að sína fíklunum þolinmæði og bítur á jaxlinn :-)

Fyrsti vísir af propslista er kominn á Halavefinn endilega kíkið á það og verið í bandi ef þið getið aðstoðað við að útvega þá hluti sem vantar. Annars er leikmyndin að rísa og byrjað að mála það sem komið er.

Mér er boðið í 80' partý á laugardaginn og klóra mér stíft í hausnum um það hvað ég eigi að fara í. Einhverjar hugmyndir? Ég er löngu búin að henda öllum flíkum svo gömlum enda hefði ég eflaust ekki passað í þær lengur :-) Hvað gerir maður í svona málum?????????

Og næstsætastur er......

2007-01-24T23:23:00.000Z

Eða finnst ykkur það ekki? Náði þessari mynd af honum um daginn. Mér finnst hún eitthvað svo lýsa honum vel. Besta mynd af honum sem ég á held ég bara. Varð bara að deila henni með ykkur.
Annars er bara allt fínt að frétta héðan úr húsinu á Sléttunni. Halinn hefur að mestu hertekið okkur skötuhjúin og okkur leiðist það alls ekki :-)

Skrapp þó aðeins í saumaklúbb í gærkvöldi og saumaði nokkuð marga krossa í Drottinn blessi heimilið myndina. Hafði ekki orku í saumavélina.

Var í læknastússi í morgun og ekki orð um það meir.

Æfingar ganga framar vonum á nýja leikritinu okkar og nú er að fara á fullt leit að búningum og leikmunum. Þannig að ekki vera hissa þó hér komi fljótlega listi inn.

Annars ber það helst til tíðinda á þessum bæ antisportistanna að nú er horft á handbolta enda raskar hann öllum æfingaplönum þessa dagana. Meira að segja ég horfði á fyrri hálfleik í dag og tapaði mér alveg yfir þjóðsöngnum. Önnur eins misþyrming á honum ég bara varð mjög hneyksluð og eins og þið vitið vonandi flest þá kemur það ekki oft yfir mig. Hélt þetta mætti bara alls ekki. Skyldi Ólafur Ragnar ekki vita af þessu. ...................

Hekla mín er ljúfust allra

2007-01-21T19:39:00.000Z

Veit ekki hvar ég væri stödd án hennar. Hún færði mér þetta ljóð í vikunni:

Amma mín er ljúf og góð

ég elska hana mikið

alltaf svo falleg og rjóð

og af hjarta mínu getur þurrkar rykið

Takk Hekla mín. Þetta var akkurat það sem ég þurfi að fá þessa vikuna.

ýmislegt í gangi

2007-01-19T11:47:00.000Z

Ekki hefur verið mikið bloggað það sem af er ári. Ekki það að það hafi ekki verið nóg að gerast heldur bara meira framtaksleysi.

Æfingatímabilið í Halaleikhópnum fór af stað á fullu strax eftir áramót og fljótlega kom í ljós að mér var falið að vera aðstoðarleikstjóri surprise surprise hélt að allir væru löngu orðnir hundleiðir á stjórnseminni í mér. En Ármann bað um þetta og ég sem sagt sagði já.

Minn heittelskaði fékk hlutverk Dr. Bjarngeirs svo nú erum við hjónakornin meira og minna með hugann niðrí Hala ef við erum þá ekki þar.

Allt fór vel af stað og frekar hefðbundið, nokkrir byrjuðu og hættu við, það vantaði lengi leikara í ákv. hlutverk en þetta hafðist allt. Mér tókst að landa einum af bensínstöðinn sem hafði verið með mér á leiklistarnámskeiði hjá Helgu Völu. Svo nú lítur þetta allt vel út.

Stjórnin er full af reynsluboltum svo ég vona að nú lendi ekki allt í stressi síðustu vikurnar. Við erum að reyna að skipuleggja allt mjög vel, vonandi ekki þó um of :-)

Leikritið heitir sem sagt Batnandi maður og er frumsamið fyrir okkur af Ármanni Guðmundssyni sem leikstýrir okkur líka.

Þess á milli er ég búin að vera heltekin af skartgripagerð síðan í desember og finnst það bara gaman. Hér fæðast nýjir og nýjir eyrnalokkar næstum daglega og stundum hálsfestar er ekki komin á fullt skrið með þær enn.

Heilsan hefur ekki verið góð en reynt eftir fremsta megni að láta hana ekki stjórna hvernig lífinu er hagað.

Nú og ekki má gleyma félagsmálunum. Félgasmálanefnd Sjálfsbjargar er að hrinda af stað mjög spennandi verkefni sem ég vona að ég verði virkur þátttakandi í. Allt stefnir í ferðlög á þeim bæ.

Ferðafélagið Víðsýn er svo komið á fullt skrið, búið að ákveða að skreppa til London í lok maí og í hressingar og hvíldardvöl að Sólheimum í Grímsnesi í ágúst. Þar er allt að fara á fullt að undirbúa hið árlega fjáröflunarbingó sem verður þann 3. mars n.k. Munið að taka daginn frá :-)

Ekki má svo gleyma fjölskyldunni sem ég reyni að sinna líka, kjötsúpufjölskyldukvöld í kvöld.

Verð vonandi duglegri að blogga á næstunni.

Takk Takk Takk

2007-01-17T11:24:00.000Z

Já takk fyrir öll skemmtilegu svörin sem komu við síðasta pistli Það var algert æði. En af gefnu tilefni þá er ég ekki í samfylkingunni !!!
Nokkrir höfðu samband og vildu commenta en kunnu það ekki svo hér koma leiðbeiningar:
Neðst undir hverjum pistli kemur nafnið mitt og tímasetningar á blogginu,
í næstu línu þar fyrir neðan kemur comment undirstrikað klikkið á það þá kemur upp það sem þegar hefur verið commentað á viðkomandi pistil neðstí í því er aftur undirstrikað post á comment klikkið á það, þá kemur gluggi sem með kassa hægra megin þar sem þið skrifið inn það sem þið viljið og endilega setjið nafnið ykkar í það líka Mjói kassinn fyrir ofan er ef þið viljið setja inn fyrirsögn. Fyrir neðan kassann er lína sem segir goggle bloggar / other / anonyminus
þar þarftu að velja milli ef þú er bloggari hjá blogspot eða gmail.com merkiðu í þá reyti en ef þú ert ekki bloggari í viðkomandi kerfum Hakarðu við other og þarf ekkert að hugsa um username og password heldur ferð bara beint í appelsínugula kassann sem á stendur publish your comment og klikkar á hann og það er nú allt of sumt. Þá ætti kommentin að vera komið á vefinn. Vonandi hafið þið gagn af þessu leiðbeiningum þvi það er svo gaman að fá öðru hverju comment. Líka svo maður hafi einhverja hugmynd um hverjir koma á þessa síðu.

Þekkir þú mig ?

2007-01-12T11:39:00.000Z

Jæja þar sem mikill bloggdoði ríkir hér á bæ þessa dagana. Ætla ég að taka áskorun frá Arndísi og setja hér inn spurningarlista sem ég vona að þið nennið að svara, bara svona til gamans.

1. Hver ert þú?
2. Erum við vinir?
3. Ef þú þekktir mig ekki, og mættir mér eitthversstaðar, myndirðu halda að ég væri á föstu eða lausu?
4. Hversu vel telurðu þig þekkja mig?
5. Láttu mig hafa gælunafn og útskýrðu afhverju þú valdir það.
6. Lýstu mér í einu orði.
7. Hvað er mest einkennandi við mig?
8. Hvaða búðir elska ég að fara í?
9. Hvernig leist þér á mig þegar þú sást mig fyrst?
10. Þegar þú hugsar til mín hvaða fimm hlutir detta þér fyrst í hug?
11. Hvernig stelpa er ég, og í hvaða týpu flokkarðu mig?
12. Hvað minnir þig á mig?
13. Ef þú gætir gefið mér eitthvað hvað myndi það vera?
14. Hversu vel þekkiru mig?
15. Hefur þig einhvern tímann langað til að segja mér eitthvað en ekki getað það?
16. Ætlarðu að setja þetta á bloggið þitt svo ég geti skrifað um þig?
17. Lokaorð til mín?

Fyllist depurð

2007-01-11T14:38:00.000Z

Eins og ég hef nú gaman af öllu jólastússinu þetta árið þá fyllist ég depurð núna þegar ég er að reyna að taka niður jólaskrautið. Það er eitthvað óvenju erfitt þetta árið, samt vil ég ekki hafa það uppi lengur núna.

Stóra stundin er alveg að fara að renna upp

2007-01-04T12:19:00.000Z

Loksins er 4. janúar runnin upp. Dagurinn sem ég er búin að hlakka svo til. Fyrsti samlestur á leikritinu sem hann Ármann hefur verið að skrifa fyrir okkur. Batnandi maður heitir það og fjallar um togarajaxl sem lendir í vinnuslysi og ákveður að nýta sér kerfið til fullnustu enda hafi öryrkjar það svo gott. Hann lendir í ýmsu og Hátúnsklíkan, Sporðdrekinn, Maskarinn, Kerfiskelling og boccia kemur við sögu. Nánari lýsing á leikritinu er að finna á www.halaleikhopurinn.is

Þetta leikrit leggst vel í mig allavega er ég búin að hlægja mikið af þeim pörtum af handriti sem ég hef þegar séð. Svo nú er bara að sjá til hvort maður fái einhver verkefni í kringum leikritið eða hvort maður er úti í kuldanum...........

Allavega vona ég að fjölmenni mæti á fyrsta samlesturinn sem byrjar kl. 20.00 í kvöld. Hlakka til að hitta alla Halana og kannski einhverja nýja. Enda eru allir velkomnir næg eru handtökin sem þarf að manna.

Gaman gaman sem sagt í dag.

Til hamingju með afmælið Ísak Orri og Svavar og Rebekka og Auður

2007-01-03T17:35:00.000Z

já ekkert lát er á afmælunum þessa dagana. Í dag 3. jan. er Ísak Orri 11 ára, Ísak er sonur Jóa hennar Auðar, hennar Iddu heitinnar systir hans Ödda míns. Er þetta nokkuð langsótt. Hann er einn af þeim sem ég er alltaf að skreppa til Akureyrar að heimsækja. Nú er hann staddur á Kanaríeyjum ásamt stórfjölskyldunni. Til lukku með daginn Ísak minn.

Stórfjölskyldunni já Svavar mágur er þar líka en hann á afmæli á morgun. Til hamingju Svavar minn vonandi hafið þið það gott á Kanarí.

Rebekka Bjarnadóttir vinkona mín og ferðafélagi verður 60 ára þann 6. jan. nk. Við höfum ferðast mikið saman og leitast við að fá að vera saman í herbergi ef þess er nokkur kostur. Við erum líka saman í stjórn Víðsýnar og í sjálfboðaliðahóp RKÍ sem sér um kynningar á geðdeildum. Góð kona og merkileg. Hér er hún uppstríluð að fara í kvöldmat á fína hótelinu í Malaga í fyrravetur. Til hamingju með daginn Rebekka mín.

Auður uppeldissystir hans Ödda og frænka verður svo 50 ára þann 8. janúar nk. við vorum í svaka flottir fjölskylduveislu hjá henni á gamlárskvöld nú er hún á Kanarí. Hér er hún með yngsta barnabarnið í fanginu hann Almar Leó bróðir hans Ísaks. Til lukku Auður mín.

Jæja nóg af afmæliskveðjum þennan mánuðinn, sé til hvort ég nenni að setja inn áramótamyndirnar. Annars er að helst að frétta fyrir utan leikhúslífið að ég stútaði myndavélinni minni góðu á gamlársdag mér til mikillar hrellingar. Hún er búin að reynast mér vel og hefur verið mér einkar kær. Það á eftir að koma í ljós hvort það er hægt að lagfæra hana. Og hvort það borgar sig. .......

Til hamingju með afmælið Hannes og Pálmi Þór

2006-12-31T16:44:00.000Z

Tveir heiðursmenn eiga afmæli í dag þeir Hannes mágur minn og Pálmi Þór bóndi í Árholti. Sendi ég þeim báðum kærar afmæliskveðjur.

Hér mun ekki koma neinn áramótapistill að sinni. En ég vil nota þetta tækifæri og óska lesendum mínum Gleðilegs nýárs og þakka fyrir liðið ár. Sérstaklega vil ég þakka fjölskyldu minni fyrir alla þolinmæðina og umburðarlyndið við mig. Og vinum fyrir vináttuna og kærleikann.

Til hamingju með afmælið Óskar Örn og Inga Aðils

2006-12-30T14:17:00.000Z

Þessi strákur á afmæli í dag orðinn 12 ára undarlegt hvað tíminn er fljótur að líða. Mér finnst ekki langt síðan hann var oggupínulítill í fangi stoltra foreldra sinna. Óskar minn til hamingju með daginn, sjáumst á morgun.

Ferðafélagi minn hún Inga Aðils á líka stórafmæli í dag, við Inga höfum brallað ýmislegt saman ferðast innanland sem utan og tekið þátt í að safna fyrir geðsjúkrahús í Gambíu, þessi mynd var tekin þegar við vorum að pakka í gám til að senda út síðast. Til hamingju Inga mín.

Jólamyndirnar

2006-12-26T22:37:00.000Z

Jæja þá er maður búinn að njóta jólanna. Mikið um fjölskylduboð og mikið gaman. Borðað á sig gat hvað eftir annað. Já sem sagt dásamleg jól. Sem ég ætla að lýsa með myndum að þessu sinni. reyndar gleymdist myndavélin fyrr en upp úr 10 á aðfangadagskvöld en hvað með það.

Palli bróðir og Frosti voru sem sagt hjá okkur í mat og við borðuðum ma. gamaldags lambahrygg. Vorum svaka ánægð með hann öll sömul. Við vorum svo róleg og afslöppuð að við næstum gleymdum að opna pakkana en það hafðist og ýmislegt skemmtilegt kom úr þeim. Eftir eftirréttin var svo skundað upp í Blikahóla í kaffi til Sigrúnar Óskar og fjölskyldu.

Hér er Bryndís orðin að þessari líka fegurðardís. Takið eftir eyrnalokkunum sem ég bjó til handa gellunni minni.

Hér eru Palli og Frosti búnir að koma sér vel fyrir í sófanum, myndavélin komin á loft.

Hekla fékk þennan fína grjónastól og er þarna komin með bók í hönd en það er hennar uppáhald. Enda fékk hún þær margar þessi jólin.

Hér eru systurnar Hekla og Bryndís saman í sínu fínasta pússi, þær eru á flissstiginu svo vonlaust er að ná mynd af þeim saman en það var reynt mikið þetta kvöld. Takið eftir ljósakrónunni :-)

Á jóladag var svo fjölskyduboð Ödda megin 14 manns í hangikjeti og alles hjá okkur þetta árið. Við settum upp langborð í stofunni hér eru Dabbi, Óskar, Auður, Steini, Jóhann og Svavar.

Hinu megin sátu Hannes, Örn, Olla, Ingimar og Bjarni. Á myndina vantar mig Sigrúnu og Heklu, en við vorum öll á svæðinu.

Að sjálfsögðu var farið að spila á eftir hér eru Svavar, Sigrún og Hannes að taka Trivjal Persuit ýmsir fleiri tóku í það en voru eitthvað á vappi þegar myndinni var smellt af.

Auðvita var spilað á mörgum borðum í eldhúsinu var Hættuspilið í gangi. Hér eru Óskar Örn, Jóhann Auðunn, Hekla, Dabbi, Auður og Olla í slagnum.

Óskar Örn er mikill spilakappi og kom og hjálpaði mér í Trivjalinu sem ég er vonlaus í og bjargaði heiðri mínum. Takk Óskar minn.

Siggi Haukur bættist svo í hópinn þegar á leið kvöldið og brá sér strax í jólasveinagerfi enda mikill jólasveinn, þó það nú væri fæddur á jólunum. Hér er hann að hrella Steina pabba.

Jóhann Auðunn kom öllum á óvart og dró upp gítar og spilaði og söng fyrir okkur af mikilli innlifun. Frábært hjá honum það vantar ekki hæfileikana á þeim bæ. Takk Jóhann

Annan í jólum var svo næsta fjölskylduboð hjá Palla og Frosta þar sem við vorum og Lovísa og Gabríel. Hér er hann í nýju peysunni sem strákarnir gáfu honum. Mikið er skreytt hjá Palla ma. má sjá að grímurnar á veggjunum fengu jólasveinahúfur.

Gabríel er mikill íþróttaálfur og þurfti mikið að hoppa og sófinn var góður lendingastaður. Hann þurfti að hafa hælana út úr sokkunum svo hann gæti stokkið hærra :-) Hann naut þess að vera eina barnið og fékk alla athyglina.

Hér er hann í peysunni sem Stebbi sendi honum frá Noregi.

Ingimar Atli og Örn dasaðir eftir dásamlegan mat. Já það er ekki annað hægt að segja en við höfum mikla matarást á Frosta sem klikkar aldrei. Takið eftir öllum seríunum hans Palla ;-)

Við reyndum að ná þeim mæðginum Lovísu og Gabríel saman á mynd en árangurinn var ekkert glæsilegur en samt ....

Bókin um stafakallana vakti mikla lukku hjá Gabríel spái því að hann verði fljótt læs.

Palli fór að rifja upp gamla takta við að setja saman Lego en eitthvað er honum farið að förlast kallinum, en þeir skemmtu sér stórvel við þetta. Lovísa ætlar held ég að taka þetta sundur og setja aftur saman þegar heim kemur. Ég sem hélt þetta væri barnadót :-)

Gleðileg jól

2006-12-24T15:52:00.000Z

Kæru ættingjar, vinir og aðrir bloggarar ég óska ykkur Gleðilegra jóla og blessunar yfir hátíðinar set hér inn slóð á Jólaguðspjallið

Megi friður vera með ykkur

ýmislegt bilar þegar verst á stendur

2006-12-19T09:47:00.000Z

Í síðustu viku fór viftan yfir eldavélinni og í gær fór bíllinn minn kæri að hökta. En einhvern veginn reddaðist þetta nú allt saman. Bíllinn slapp beint inn á verkstæði og þeir gerðu við hann strax, þetta voru bara kerti og kertaþræðir sem vildu fá endurnýjun fyrir jól. Og í þessum skrifuðu orðum er rafvirkinn mættur með nýja viftu og er að setja hana upp. Svo hér verður ekki steikarbræla á jólunum.

Annars er allt í gúddý og rólegheitum hér. Hekla og Ingimar settu upp jólatréð í gær og skreyttu svo það er englaþema í ár ;-)

Jólagjafirnar eru flestar komnar í hús svo nú eru það matarinnkaupin sem eru efst á verkefnalistanum. Annars ætlum við að skella okkur í jólaljósaferð til Reykjanesbæjar seinnipartinn og njóta aðventunnar með góðum hóp af Hátúnssvæðin.

Mont mont

2006-12-16T12:26:00.000Z

Já hún Hekla mín er nú eitthvað til að monta sig af. Var að fá þessar fínu einkanir úr samræmdu prófunum sjá HÉR. Þetta finnst mér mikil gæfa að eiga svona auðvelt með að læra og falla inn í skólakerfið á þessum síðust og verstu tímum. Hekla mín til hamingju með einkanirnar.

Palli til hamingju með afmælið

2006-12-15T10:33:00.000Z

Palli litli bróðir minn er 44 ára í dag. Til hamingju Palli minn. Skellti hér inn mynd sem mér finnst svolítið týpísk fyrir Palla og lýsa honum ágætlega. Hún er tekin heima hjá honum í haust. Eins og sjá má er hann mikið fyrir sjónvarp og hér má sjá tvo af skjánum sem eru í stofunni. Hvað þeir eru margir veit ég ekki ;-) En einnig má sjá hitt sem er stór partur af Palla það eru myndir og munir frá fjarlægum heimshlutum. Palli er duglegur að ferðast um heiminn.

Annars er allt gott að frétta þó bloggletin sé viðvarandi þessa dagana. Saumavélin hefur átt hug minn allan. Var að enda við að sauma hárautt utan um allar sessurnar á stólunum mínum og svuntu í stíl. Auk annars tilfallandi.

Nú og ekki má gleyma föndrinu sem er alltaf að ná nýjum hæðum. Fór á námskeið í lampagerð á þriðjudaginn og gerði þennan líka fína jólalampa úr hleðslusteini og servettum. Svo kláraði ég jólakortin í vikunni og setti í póst 54 og öll handgerð. Æ þetta finnst mér svo skemmtilegt.

Nú og svo eru bara 9 dagar til jóla og jólasveinarnir mínir farnir að týnast af fjöllum einn af öðrum. Já ég er jólastelpa og elska þennan árstíma.

Sigrún Jóna 60 ára

2006-12-11T16:12:00.000Z

Í dag er Sigrún Jóna systir mín 60 ára. Hef ekki náð í hana í síma enn. En held áfram að reyna. Til hamingju með afmælið elsku besta systir.

Jólapera :-)

2006-12-10T21:55:00.000Z

Fór í kvöld á Jólaperu á Grand rokk þar sem Villi var að leikstýra. Frábær sýning og skemmtileg. Kom brostandi hringinn út. Þetta er stutt 45 mín. og tóm gleði. Frábærar rýmislausnir, góður söngur (hjá flestum) búningarnir skemmtilegir og skartgripirnir æði. Eitthvað fyrir okkur stelpurnar. Mæli hiklaust með þessari skemmtan tvær sýningar eftir næsta sunnudag, kostar bara 500 kall. Ekki má gleyma að Gunnsó vinur minn fór á kostum sem vitringur.

Róleg vika

2006-12-09T13:47:00.000Z

Já það er lítið jólastress á þessu heimili þetta árið. Var á msn að ræða við vinkonu mína í gærkvöldi og hún var að spyrja hvað ég ætlaði að afreka um helgina. Hún varð hálf hvumsa þegar ég sagðist aðallega hafa þau plön að liggja í leti og bara gera það sem mig langaði til.

Mér finnst ekkert atriði að mæta á allar uppákomur sem eru í auglýsingaskyni að mestu út um allan bæ. Er bara búin að kaupa eina jólagjöf og pollróleg með restina. Ekki það ég gef mjög fáar jólagjafir og bara til allra allra nánustu fjölskyldumeðlima.

Við Hekla, Stebba, Labbi og Ásdís fórum á fimmtudagskvöldið í Þjóðleikhúskjallarann á jólabónusdagskrá Hugleiks og var það hin besta skemmtun, þó verkin væru misvelheppnuð. Söngurinn var frábær og greinilega miklir hæfileikar meðal Hugleiksfélaga.

Þjóðleikhúsið stóð sig aftur á móti ekki eins vel. Okkur var sagt það væri komin þessi fína lifta niður í kjallarann og ekkert vandamál með aðgengið. Raunin varð önnur. Áður en við lögðum af stað hringdi ég í starfsmann sem ég þekkti og spurði hvar við ættum að fara inn. Jú jú bara gamla innganginn næst Þjóðmenningarhúsinu. Ok við mættum þangað ekkert nema tröppur. Líka hinum megin þar sem skábraut er þegar verið er að sýna uppi. Ég fór inn að spyrjast fyrir, enginn vissi neitt og enginn starfsmaður Þjóðleikhússins tiltækur. Við fórum að þreyfa okkur áfram fundum lyfturnar 2 mjög fínar. Ok ekkert mál strákarnir kippa þeim sem eru í hjólastólum upp útitröppurnar. En þá tók nú ekki betra við stóra fína lyftan virkaði bara alls ekki. Fjöldi stráka kom og reyndi að ýta á alla takka en ekkert gekk. Á endanum varð að bera stólana niður og upp aftur. Lyftan niður í salinn var aftur á móti fín en reyndar aðeins bakdyramegin týbískt. Mér finnst þetta skömm fyrir Þjóðleikhúsið að hafa þetta ekki í lagi og mann á svæðinu sem getur sett út skábrautir og annað sem til þarf. En Hugleikur var frábær.

En sem sagt framundan er enn sem komið er róleg helgi. Ætla reyndar að kíka á Jólaperu – helgileikinn um Jósef frá Nasaret á Grand rokk á sunnudagskvöldið þar sem Villi ljósálfur er að leikstýra.

Ó engin desemberfærsla

2006-12-06T10:51:00.000Z

Hef bara ekki verið í bloggstuði enda hugurinn um víðan völl eins og endranær.

Helgin var góð en strembin. Jólabingóið hjá Sjálfsbjörg gekk vel og var bara gaman. Kórinn klikkaði ekki og er ég stolt að mínum manni þar. Svo var farið á jólahlaðborð á Sögu mjög vel heppnað góður matur og félagsskapur sem hélt saman fram eftir nóttu.

Sunnudagurinn hófst svo á heimsókn í Ikea dótturinni fannst þetta ekki tækt að ég hefði ekki komið í nýju búðina svo það var farin fjölskylduferð þangað. Held foreldrarnir hafi verið að reyna að blekkja Heklu til að setja eitt og annað þaðan á óskalistann enda eru þau með eindæmum mikil Ikeafön :-)

Þá var haldið í hið árlega og yndislega smáköku boð hjá Ollu mágkonu sem bakaði ógrynnin öll af smákökum ofl. og bauð allri fjölskyldunni. Þetta er einn af þeim siðum sem mér finnst ómissandi. Takk Olla mín.

Á sunnudagskvöldið var svo haldið úr bænum og við skelltum okkur í leikhús í Mosó og sáum Varaðu þig á vatninu þetta var góð kvöldstund með miklum hlátri. Vel gert hjá mosfellingum. Takk fyrir mig.

Mánudagurinn rann svo upp með fundarhöldum fyrst fyrir Halann í fjáröflunarskyni og svo niður í Vin þar sem við vorum að taka formlega við hinum höfðinglega styrk frá Fons til Ferðafélagsins Víðsýn með kjötbolluveislu. Um kvöldið datt ég svo í jólakortagerð og er búin að handgera góðan bunka ;-)

Í gær var svo jarðaför sem tók daginn að mestu. Mikill heiðursmaður kvaddur. Fór svo í saumaklúbb í gærkvöldi var ekki afkastamikil þar. Komst að því að fjaðrir eru ekki heppilega í vængi á englum ?

Í dag er ég svo á leið úr bænum aftur nú til Reykjanesbæjar með Víðsýn ætlum að skoða bítlasafnið og heimsækja Björgina og fara svo jólaljósarúnt á heimleiðinni.

Hláturmild stjórn

2006-11-30T23:37:00.000Z

Ekki mikið að segja frá í dag var í allskyns sjálfboðavinnu og fundarstússi. Samráðshópur athvarfanna var í dag og mætingin mjög góð. Skemmtilegur hópur sem er að ná saman þar. Partur af Viðsýn átti svo örfund um áríðandi mál. Leysum það.

Hleraði að stjórnarfundurinn í Halanum í gær sem ég missti af hefði verið ansi skemmtilegur. Ármann kom með part af handritinu til að kynna stjórninni og mér skilst að þau hafi velst um af hlátri. Það lofar góðu fyrir skemmtileg vor og gott leiktímabil eftir áramót. Nú er bara að taka ákvörðun hvort maður vill vera með eða gera eitthvað allt annað. Ekki það að það sé nein spurning í mínum huga og þó. Stundum virðist grasið grænna hinumegin.

Allt stefni í mjög svo skemmtilega og annasama helgi hjá mér jólabingó með meiru hjá Sjálfsbjörg, Jólahlaðborð með öllum skemmtilegustu vinum mínun, Jólasmákökuteyti hjá Ollu, umm hlakka til svo leikhúsferð á sunnudagskvöldið. Þetta er það sem mér líkar að hafa fullt að gera þó skrokkurinn reyni af veikum mætti að mótmæla þá hlusta ég ekki núna takk.

Ingimar til hamingju með afmæli

2006-11-29T11:52:00.000Z

Litla barnið mitt eins og ég kalla soninn í gríni er 26 ára í dag. Til Hamingu með daginn ástin mín. Mikið eru nú árin fljót að líða, kúturinn liggur í langri og strangri flensu en hefur vonandi list á góðum mat í kvöld. Já og Halli minn til hamingju með daginn í gær.

Dóttirin kom í gær og hjálpaði okkur við að setja upp jólaljós. Nýju fínu ljósin komin í stofugluggan, ákváðum að henda seríunni úr eldhúsglugganum hún var eitthvað léleg svo nú er það bara rúmfó í dag og endurnýja. Mikið var ég sæl með þetta. Já og Palli hillusamstæðuljósin fóru í rúst en dóttirin gat lagað þau án þess að sprengja öryggi :-)

Eitt og annað smálegt af jóladóti er að týnast upp með diggri aðstoð Heklu sem er ekki sátt við skreytingastefnuna fyrir jólin heima hjá sér. En fær útrás hér.

Hey svo er það nýjasta æðið. Fórum fjórar vinkonur á námskeið í skartgripagerð á mánudagskvöldið í Perlukafaranum. Ferlega gaman og merkilegt manni tókst að gera ansi flotta hluti, þó ég segi sjálf frá. Hið merkilega var að við gerðum allra hálsfesti og eyrnalokka en þetta var svo ólíkt hjá okkur að það var ekki findið. Held ég eigi eftir að dútla við þetta áfram. Gaman gaman.

Búin með allt ?

2006-11-26T23:10:00.000Z

Ég er búin að hitta nokkra undanfarna daga sem hæla sér af því að vera búin með allt fyrir jólin. Skil þetta alls ekki þó ég leggi mig alla fram.

Hvað er að vera búin með allt ? Jú sumir segja kaupa jólagjafirnar allar. Mér finnst ekki allt búið þá. Jú á mínu heimili tíðkast að pakka þeim inn og koma þeim af sér. Trúi ekki að fólk sé búið að því. Hvað með aðventukransinn er búið að búa hann til og brenna hann niður? Er fólk búið að senda jólakort trúi því ekki heldur. Er fólk búið að skúra skrúbba og bóna? Aumingja það þá verður grútskítugt hjá þeim á jólunum. Er fólk búið að fara á jólatónleika, baka, föndra, kaupa jólafötin, setja eða taka úr skónum, finna barnið í sér og svona mætti lengi telja. Skil ekki alveg þennan hugsunarhátt eða framsetningu.

Hvað með að njóta aðventunnar hverrar trúar sem maður svosem er þessarrar tilbreytingu í skammdegi Íslands. Njóta samverunnar með fjölskyldu og vinum. Njóta þess að gera þær jólahefðir sem tíðkast í hverri fjölskyldu. Njóta þess að vera til. Æ var bara að hugsa.......

Tókst að halda mér rólegri ;-)

2006-11-26T23:01:00.000Z

Já það tókst nokkuð vel að slappa af þessa helgina. Tókum í gúrku í gærkveldi með labbakútunum þar til þumalputtinn gafst upp. Svaf svo út í morgun. Lá svo í sófanum fram eftir degi við blaðalestur og sjónvarpsflettingar. Þurfti reyndar að rífa mig upp um miðjan dag þar sem neyðarástand skapaðist á heimilinu enginn ostur til .......... Þar sem straujárnið gaf upp öndina í stíl við hin heimilistækin var farið í musteri mammons og verslað í einn poka eða svo. Nágrannarnir kíktu svo í kaffi og spjall. Já svona næstum tóm leti alla helgina og kósýheit.

Öddi fór svo í Bridge í kvöld og ég tók mig til og reif niður allar gardínur heimilisins. Á morgun verða svo gluggarnir þvegnir. Og þá fyrst byrjar gamanið og jólakassarnir verða opnaðir hver á fætur öðrum. Hlakka mikið til að setja upp nýju seríuna sem ég keypti eftir jól í fyrra á útsölu í stofugluggann. Vígði nýja straujárnið áðan, það virkar vel.

Bráðum koma blessuð jólin.....................

Allt að róast

2006-11-25T17:32:00.000Z

Jæja þá fer að róast hjá mér aftur eftir verkefni haustsins.

Föstudagurinn hófst með mikilli baráttustöðu fyrir utan ráðherrabústaðinn. Þar sem við komum saman meðan ríkisstjórnarfundur var og mótmæltum svikum menntamálaráðherra við Fjölmenntina á Túngötunni. Mikil stemming var og gaman, allir ráðherrar fengu afhenta ályktunina frá baráttufundinum á miðvikudag og útprent af mbl.is, þar sem menntamálaráðherra lofaði að tryggja málefninu nægt fjármagn. Við vorum nú að hugsa sum meðan við stóðum þarna fyrir utan undir eftirliti lögreglu að ekki þyrftum við nú meira fjármagn en sem næmi tveimur ráðherrabílum sem stóðu þarna svartir og gljáfægðir á meðan.

Skunduðum svo á Alþingi þar sem setjast átti á þingpalla meðan atkvæðagreiðsla um fjárlögin stæðu yfir. En lýðræðið er nú skrítið þar núna ekki má hleypa meir en 28 upp þar sem ekki eru fleiri sæti. Man nú vel þá tíð ekki fyrir margt löngu að maður stóð þarna í stöppu að fylgjast með. Kannski erum við orðin svo hættulegur flokkur öryrkjaskríllinn að ekki sé þorandi að leyfa okkur að sitja á þingpöllunum. Allavega var okkur úthýst.

Í gærkvöld var svo lokasýning á Þjóðarsálinni frábær sýning og skemmtilegt samstarf sem nú er lokið. Mikill tregi í gangi. Flott lokapartý með rauðu þema. Ég á eftir að sakna þess hóps þar er á hreinu.

Gallinn við leiklistarverkefni er að þau eru svo krefjandi yfirleitt að maður dettur oftast í tómarúm fyrst á eftir. Í þessu tilviki var þetta kannski ekki svo krefjandi fyrir mig en maður kynntist fullt af fólki sem maður á kannski ekki eftir að hitta svo mikið meir. Snökt snökt.

Í dag dreif ég mig svo á fund hjá Kvennahreyfingu ÖBÍ þar sem minn kæri prestur séra Auður Eir flutti erindi og kom færandi hendi. Alltaf mannbætandi að eiga stund með þeirri konu. Og öllum hinum sem komu.

Stebba kom svo í kaffi og við áttum saman notalegt spjall yfir kaffibolla og skipulögðum ýmislegt og skráðum okkur ma. á námskeið í skartgripagerð ásamt 2 öðrum vinkonum eigum bara eftir að segja þeim frá því :-)

Svo drifum við hjónakornin okkur upp í fjöllin og heimsóttum dóttur okkar og fjölskyldu þar sem okkur var boðið upp á dýrindis marenstertu og notalegheit.

Ætla nú að kveikja á kertum og hafa það kósi áfram það sem eftirlifir dags.

Útfríkun

2006-11-22T22:50:00.000Z

Félagsamálafríkið í mér fríkaði út í dag algerlega. Sagði hér einhvern tímann að ég væri félagsmálafrík og held sú nafngift hafi sannað sig vel í dag.

Í morgun átti ég leynifund með vinkonu (ekki orð um það meir).

Kl. 1 fundur í Tryggingastofnum þar sem ég var sem fulltrúi Sjálfsbjargar. Samstarf um kynningarmál neglt niður. Stuttur góður og árangursríkur fundur sem líka ber með sér fleiri verkefni.

kl. 2. fundur í Vin með Guggu vegna heimsókna í sjálfshjálparhópa í Borgarnesi og Akranesi annaðkvöld. Alltaf jafn ljúft að vinna með henni og gefandi.

Kl. 4. Baráttufundur hjá Geðhjálp vegna Fjölmenntar þar sem allt stefnir í að þeim góða skóla verði lokað um áramót þrátt fyrir fögur loforð. Skipulögð mótmæli samþykkt ályktun ofl. Kröftugur og góður fundur þar sem mikill hiti var í fólki. Gæti skrifað langhund um skólann og hvað hann hefur gert fyrir mig, mína nánustu vini ofl. ofl. en ætla að sleppa því núna. Kannski seinna.

Kl. 6.15 var svo stjórnarfundur hjá Halaleikhópnum sem stóð í rúma 2 tíma....
Mikið að ræða og afgreiða. Enda mikið starf framundan.

Allavega þegar ég loks skreið heim var ég dauðþreytt.

Á morgun eru svo bara 2 fundir ;-)

Bullmolar

2006-11-22T00:31:00.000Z

María sendi mér þessar yndislegu ambögur vildi bara deila þeim með ykkur.

Íslenskan er lifandi mál, ekki satt? ;-)
Það er ekki hundur í hettunni -(...það er ekki hundrað í hættunni...)
Það er ljóst hver ríður rækjum hér -(...það er ljóst hver ræður ríkjum hér.)
Þetta er ekki upp í kött á nesi -(...ekki upp í nös á ketti)
Mér er nú ekkert að landbúnaði...
Allt fór afsíðis sem gat farið afsíðis...
Þessi peysa er mjög lauslát...
Þau eiga þvílíka myllu, lifa eins og greifingjar og leika á alls eggi...
Hann sló tvær flugur í sama höfuðið...
Þarna hefði ég sko viljað vera dauð fluga á vegg...
Ég sá svo sætan strák að ég fór alveg fram hjá mér...
Ég var svo þreyttur að ég henti mér undir rúm...
Hann sat bara eftir með súrt eplið...
Og, nú, góðir farþegar, er einmitt fengitími melóna...
Ég hreinlega vissi ekki í hvorn fótinn ég átti að setjast...
Þar stóð hundurinn í kúnni... -(Þar lá hundurinn grafinn... Þar stóð hnífurinn í kúnni.)
Maður fer í bæinn til að sjá sig og sýna aðra...
Svo handflettir maður rjúpurnar...
Já, fólk núorðið er svo loðið á milli lappanna...
Hún nagaði sig í handakrikann
Mestu handfarir sem riðið hafa yfir Vestmannaeyjar
Flísarnar eru miklu varanlegri en allt annað
Falla á mann tvær grímur
Hellti upp á eina Pizzu Fauk saman við yfirmann sinn
Má ég millileggja þetta á reikninginn ykkar
Erfitt fyrir fólk með skammtímaþunglyndi
Ég var svo horuð að ég leit út eins og Sóríasissjúklingur
Það væri nú til að kóróna alveg mælinn
Eins og að skvetta eldi
Það gengur alltaf allt á afturendanum á henni
Sumir taka alltaf allan rjómann
Getum ekki horft hvort á aðra
Kannski þykknar í mér pundið
Þetta var svona orðatækifæri
Hún á náttúrulega að fá greitt fyrir afturgengið orlof
Skírður eftir höfuðið á honum
Flokkast undir kynferðislegt álag
Það er enginn millivegur á þér
Við verðum að leggja okkur í spor barnanna okkar
Fór í klippingu og lét rótfylla á sér hárið
Hjartað hamaðist í höfðinu á henni
Sérðu snjóhryllingana
Kemur seint eftir dúk og disk
Augun voru alveg risastór við hliðina á höfðinu
Við verðum að reka okkur vel á
Ég skal sko troða því niðrí hann
Reisa sér hurðarás yfir öxlina
Vissi ekki í hvort skrefið ég ætti að stíga
Vissi í hvora löppina ég átti að fara
Málið með vexti
Vitum aldrei okkar ævi fyrirfram
Stilla fólki uppfyrir vegg

Kjötsúpukvöld og rólegheit

2006-11-20T13:38:00.000Z

Eftir angur síðustu viku ákvað ég að skella kjötsúpu í stærsta pottinn minn og bjóða fjölskyldunni í mat. Allir sem á landinu voru komu nema Gabríel sem var upptekinn annars staðar. Þetta var notaleg stundi sem maður gerir allt of lítið af.

Á sunnudaginn lá maður svo bara undir teppi í vonda veðrinu og hafði það kósý, föndraði smá en aðallega slöppuðum við hjónakornin á og var ekki vanþörf á.

Stebbi bróðir hringdi svo í gærkvöldi og áttum við langt spjall saman. Hvað er meira virði en góð fjölskylda. Alla vega er ég mjög ánægð með mína þó meiri partur hennar sé erlendis.

Ekki er séð fyrir endann á ævintýrinu

2006-11-17T17:34:00.000Z

Fengum hringingu frá tryggingarfélaginu í dag. Bíllinn talinn ónýtur....................
Of dýrt að gera við hann.

Þeir bjóða smáaura fyrir elskuna mína og málið dautt.

Nú eru góð ráð dýr og vandfundin.

Bílastyrkur ekki í boði fyrr en 1. mars kerfið er svo seint og óliðlegt arg.......

Þurfum stærri bíl og því dýrari en buddan leyfir sama hvað hún er undin.

Fórum og skoðuðum bílaliftur í dag.............

Kíkið á þetta . Jón bílabreytir mælir með þessu fyrir Örn eða Caddy life.........

Nú er mikið hugs hugs í gangi og rýkur úr kollunum á okkur.

Allar tillögur velþegnar.

Stiklur

2006-11-16T23:24:00.001Z

Rakst á þetta á netinu vildi bara deila þessu með ykkur. Eitt af mörgum verkefnum sem ég er á kafi í.

Annars lítið að frétta ég er enn miður mín eftir áreksturinn. Skil þetta bara alls ekki.

Er dottin í jólaföndrið með misjöfnum árangri.

Leiklistarnámskeiðið búið.

Kafi líka í félagsmálum, fundir flesta daga eða vinna kringum það.

Gigtin í stuði, öll stirð og stíf með tilheyrandi verkjum og sársaukafullri meðferð.

4 sýningar eftir á Þjóðarsálinni svo ef einhver á eftir að sjá þessa skemmtilegu sýningu þá drífa sig og panta miða í síma 694-8900

Víðsýn fékk frábærar fréttir í dag svo við brosum allan hringinn. Traustur styrktaraðili skaut fótum undir okkur til lengri tíma :-)

Gott og slæmt

2006-11-13T23:55:00.000Z

Já sumir dagar eru skrítnari en aðrir. Í dag var ég á frábæru námskeiði með Ron Coleman um þá sem heyra raddir og hvernig maður fæst við það. Afar merkilegur og fræðandi dagur og ekki síður skemmtilegur og gefur manni ýmsar góðar vonir.

Þurfti að rjúka í hádeginu á mjög mikilvægan fund og fór á hundraðinu niður í bæ. Komst þá að því að viðkomandi lá í veikindum ;-) Finnst nú að opinberar stofnanir geti nú látið mann vita. En allavega varð það til þess að ég fór og gat klárað námskeiðið.

Fór svo og sótti Heklu við skelltum okkur á kaffihús og fórum svo að sækja leikhúsmiða sem ég vann á leikhús.is á Sitji Guðs Englar í Þjóðleikhúsinu. Erum báðar fullar tilhlökkunar eftir að nota þá. Gaman gaman.

En gamanið átti eftir að kárna heldur betur. Skutlaðist eftir Ingimar og tók smá aukakrók fyrir hann, haldiði að ég hafi ekki lent aftan á öðrum bíl, skil þetta ekki enn, var ekki á mikilli ferð, með fulla athygli, engin hálka, en þegar bílinn fyrir framan mig og bílinn fyrir framan hann snarhemla þá var bara minn bíll ekki eins fljótur að stoppa og bomm.

Guði sé lof engin slys á fólki en bíllinn minn er mikið skemmdur að framan hinn lítið. Og ég í órétti. Ég er svo fúl að ég ætla ekki að reyna að lýsa því einu sinni. Sem betur fer er ég enn með hann í kaskó, en samt..................

Dreif mig samt í saumaklúbb í gær þar sem við þæfðum engla, ég reyndar líka jólasvein, kláraði ekki en náði geðinu aðeins upp. Set mynd inn þegar ég klára.

Að heyra raddir

2006-11-09T23:39:00.000Z

Munið að taka frá mánudaginn

Takk Hugarafl og Hekla snillingur

2006-11-08T22:59:00.000Z

Í gær fór ég í yndislegan göngutúr út í óvissuna með samráðshóp úrræðanna eins og við köllum okkur. Það er hópur sem hittist mánaðarlega og fundar. Þetta er hópur sem samstendur af flestum þeim úrræðum utan stofnana sem eru í boði fyrir geðfatlaða.

Á síðasta fundi var ákveðið að prófa að stefna fólki saman í gönguferð. Hugarafl reið á vaðið og skipulagði fyrstu gönguna. Hist var á Hlemmi þar sem óvissuferðin hófst, kalt var í veðri en 12 vaskir göngumenn mættu til í slaginn.

Fyrst var gengið niðurá Snorrabraut þar sem listaverk Kjuregej Alexandra Argunova gerði á vegg kringum garðinn sinn. Síðan var kíkt í glugga á gallerí og haldið upp á Skólavörðuholtið gegnum húsasund. Sundhöllin og Heilsugæslustöðin skoðuð að utan. Og svo skelltum við okkur upp í turn á Hallgrímskirkju það var mjög gaman að rifja það upp. Síðan skoðuðum við garðinn hjá listasafni Einars Jónssonar. Þá gengum við niður Þingholtið eftir hinum ýmsu stígum og skoðuðum bakgarða og gömul hús. Ég gekk Válastíg í fyrsta sinn held ég örugglega. Enduðum svo í listakaffi á Listasafni Íslands.

Þessi ferð var einstaklega vel heppnuð og samstaðan og stemmingin einstök. Hugaraflsfólk fær mikið hrós frá mér og þakklæti fyrir þessa dagsstund.

Annars er lífið leiklist og félagsmál eða ég er að reyna að hafa það svoleiðis þessa dagana. En gigtarfjandinn vill líka stjórna einum of finnst mér. Spurningin er hvort okkar verður þrjóskari þessa dagana. Þoli ekki þegar völdin eru tekin af mér.

Næstum búin að gleyma að segja frá afrekum prinsessunnar, hún var að fá úrslit úr skólaprófunum fyrir helgi og eins og vanalega er ég að rifna úr stolti. Er annað hægt.

Íslenska: Verkefni 8,5, Vinna 9,5, Próf 9,5. Umsögn: Vinnur vel. Mætti vera vandvirkari. Hefur gott vald á stafsetningu.

Lestur: Lesskilningur 10.0 Lestur/framsögn 7,4. Umsögn: Lesskilningur mjög góður.

Stærðfræði: Verkefni 10,0, vinna 9,0, próf 9,5. Umsögn: Er mjög vinnusöm. Skilningur mjög góður.

Náttúrufræði: Vinna 9,5, próf 8,0.

Næturævintýri

2006-11-02T22:54:00.000Z

Var að koma úr 40 ára afmæli hjá Samkór Kópavogs, frábærir tónleikar. Takk fyrir Olla mín.

Er annars hálf beygluð öll í dag. Fann fyrir ellinni einhvernveginn. Rifbeinin eru búin að vera í stuði síðustu daga og kvalirnar mig lifandi að drepa, en ég læt það svo sem ekkert aftra mér. Ég er mjög meðvituð um að leyfa ekki verkjum og vanlíðan ná tangarhaldi á lífi mínu. Þau eru búin að fá sinn tíma og nú er minn tími.

Veit ekki hvort þið skiljið hvað ég er að fara. En það er þannig að maður er líkami og sál og það er hægt að skilja að líðan á þessum tveimur sviðum, þó þau séu nátengd eins og ég veit best sjálf. Þegar ég á svona daga eins og undanfarið þá reyni ég að passa að hafa heilann svo upptekinn að líkaminn komist sem minnst að.

Æ hvaða bull er þetta ég get ekki einu sinni útskýrt það sjálf ;-)

En allavega þá var Hekla hjá okkur í gær og dag enda komin í viku vetrarfrí og múttan flogin til Köben, alltaf jafnindælt að hafa prinsessuna hjá sér. Nema í nótt hún var komin með hita í gærkvöldi og sofnaði snemma. Kl. 2 í nótt reis hún upp í rúminu með látum og vildi á fætur því hún gæti ekki sofið. Þetta er svo ólíkt minni sem er alltaf eins og hugur manns. Sú stutta var bara æst og sjóðheit. Mér tókst að lempa hana og knúsa hana í ró aftur og uppí rúm til okkar kom hún og sættist á að fara að sofa aftur. Eftir smábags með kodda og sængur sofnaði hún öfug í rúminu á milli okkar. Sem sagt höfuðið til fóta.

Ég var rétt að sofna aftur þegar hún byrjaði mikinn stríðsdans með fótunum sem voru rétt við andlitið á mér. Svoleiðis gekk það alla nóttina og svefn minn varð ekki mikill. Komst að því í morgun að ég væri gömul ;-( Er það nema von ég segi ekki annað.

Sú stutta er að hressast og ég líka ;-)

Lífið er leiklist......líka eftir 50 ára aldur

2006-10-26T22:34:00.000Z

Jæja þá er maður orðinn 49 ára. Finnst það ekkert merkilegt og þó þá er svolítið merkilegt að maður skuli tóra enn, miðað við allar orusturnar í lífsins ólgusjó. Já þær hafa verið frekar margar og sumar ansi harðar í þessu lífi. En ég er sátt.

Var spurð að því áðan hvort ég héldi ekki upp á síðasta afmælisdaginn áður en ég yrði 50 ára. Það er nú ekki eins og ég ætli mér að leggjast í kör við 50 ára aldurinn. Annars hefur það nú verið þannig að ég hef alltaf verið frekar lítið fyrir að halda upp á mín eigin afmæli en samt hafa alltaf komið einhverjir í heimsókn úr familíunni og vinir og maður átt eitthvað með kaffinu. En núna nennti ég því ekki, átti að vera á leiklistarnámskeiði í kvöld og fór og naut þess er með strengi í maganum ég hló svo mikið. Hvað er betra en það.

En kannski ef ég nenni skelli ég í eitthvað gummulaði um helgina eða ekki. Kemur í ljós. Á morgun er stjórnarfundur í Víðsýn þar sem við ætlum að taka stefnuna fyrir ferðalög næsta árs. Miklar pælingar þar í gangi. Svo er sýning á Þjóðarsálinni föstdagskvöld og sunnudagskvöld og eitthvað partý í uppsiglingu. Svo það er nóg við að vera svo sem. Það var saumaklúbbur í gær og mikið gaman eins og venjulega. Fékk þessar fínu hugmyndir fyrir næstu verkefni og hugsanlega jólagjafir ef ég verð dugleg ;-)

Hekla mín kom og gladdi mig í dag. Við skelltum okkur á kaffihús og nutum dagsins, komum við í búð þar sem ég lét minn heittelskaða gefa mér nýjan jakka :-) Sigrún kom svo og færði mér blóm áður en ég rauk í leiklistina.

Ég þakka öllum sem sendu mér kveðju í dag. SMS rigndi inn það fyrsta rúmlega 8 í morgun mér fannst það nú samt full snemmt en hefði átt að hafa vit á að slökkva á símanum áður en ég fór í bólin mjög seint eins og oftast þessa dagana.

Leiklistin tekur af manni skarið

2006-10-22T13:37:00.000Z

Já það er óhætt að segja að lífið snúist um leiklist og meiri leiklist þessa dagana. Er að leika með Einleikhúsinu nokkur kvöld í viku, leiklistarnámskeið hin kvöldin og tölvuvinnsla í sambandi við Halaleikhópinn í frítímum. Skemmtilegt líf.

Í gær fór ég svo á námskeið hjá Leikfélagi Selfoss þar sem var verið að taka fyrir hvernig er hægt að nota ljós í leikhúsi. Farið í alls kyns lýsingar, tæki og tól. Frábært námskeið sem eflaust á eftir að nýtast vel, vel utan um það haldið og allt tipp topp. Til hamingju Leikfélag Selfoss og takk fyrir mig.

Bjarni kom áðan og reddaði hillumálunum í búrinu svo nýji fíni frystisskápurinn fær sitt fína pláss án þess að taka allt búrið. Takk Bjarni minn veit ekki hvernig ég kæmist af án þín kæri tengdasonur. Svo ætlar hann líka að smíða sökkul undir nýja fína ísskápinn minn. Svo allt fer að verða tipp topp og jólaundir búningur má bara fljótlega fara að fara í startholurnar. Ekki það við Hekla perluðum smá jólaskraut í vikunni, já það var svo margt sem kom í ljós þegar tekið var til í búrinu.

En er rokin á leiklistarnámskeið.......

Yfirlýsing

2006-10-21T20:09:00.000Z

Ég er hlynnt hvalveiðum og fagna því að Hvalur 9 skuli hafa veitt fyrsta hvalinn í dag.

Still a live ;-)

2006-10-18T23:00:00.000Z

já bara hef ekki haft neina löngun til að tjá mig hér síðustu daga. Ekki það sé ekkert að gerast, jú heldur betur allt á fullu as usual.

Það kom þrýstingur á mig utanfrá til að tjá mig um tvenn óskyld málefni. Þar sem ég er með eindæmum þrjósk og sérvitur, þá fór það í andstæðu sína ég hætti að tjá mig opinberlega um þau málefni í bili. En nota bene hef rætt málin út, við þrýstingsaðilana.

Annars bara allt í jolly. Er að leika á fullu og mjög stolt af þeirri sýningu. Er á kafi í félagsmálunum og á leiklistarnámskeiði. Á leið á ljósanámskeið og kannski annað til sem greint verður kannski frá síðar.

Sá flík sem mig langar óskaplega í og plataði kallinn til að gefa mér hana í næstu viku ;-)

Aðalfundur ÖBÍ var mestan part dagsverkið í dag og á morgun. Lítur svo vel út með að ég fái að sjá Prinsessuna mína næstu daga, þar sem hún er í samræmdum prófum (9. ára finnst ykkur þetta hægt?) og verður með stuttan skóladag. Hún er núna annars önnum kafin við að semja jólalagið í ár fyrir okkur. Já við erum báðar jólastelpur :-)

Á kafi í öllu mögulegu

2006-10-12T22:57:00.000Z

Já það er ekki hægt að segja annað en það séu búnir að vera annasamir dagar hjá mér undanfarið. Hef ekki einu sinni haft tíma til að skrifa um það hvað þá meira.

Komin út úr skápnum, er sem sagt formlega orðin leikkona í leyniatriði í leiksýningu í næsta bæjarfélagi. Frumsýndum á sunnudaginn eftir að vera búin að vera með 2 forsýningar. Allt gekk upp og svo var náttúrulega frumsýningarpartý með tilheyrandi bravör. Ég er mjög stolt af vinnu okkar vinanna í þessu verki en eitthvað fór það illa í gagnrýnanda Morgunblaðsins sem finnst við vera að láta misnota okkur í áhættuatriðum og að fatlaðir séu hafðir að sýningargripum. Ófaglegri gagnrýni hef ég aldrei lesið áður á síðum þessa virta blaðs. En fjöldi vina minna og vandamanna er þegar búin að sjá herlegheitin og er glatt með sýninguna svo ég er sæl en skora bara á ykkur hin að kíkja. Allar upplýsingar HÉR (nema um mig)

En nóg um það í bili allavega. Fór í saumaklúbbinn minn á mánudaginn og kláraði loksins alveg jólalöberinn sem ég hef verið að vinna að í 3 ár. Set inn mynd seinna.

10. okt. á alþjóðlega geðheilbrigðisdaginn fór ég svo á ráðstefnu um geðheilbrigðismál þar var alger dýnamík í gangi allt vitlaust vægast sagt út af umræðunni um lyfjamálin. En merkilegir hlutir gerast ótrúlegustu lyfjasinnar viðurkenna að hafa ekki skoðað nægilega aðrar hliðar meðferðar. Hef svo verið að funda um þau mál öllsömul og kynna Vin uppi á geðdeildum.

Nú svo hófst leiklistarnámskeiðið í Halanum á þriðjudaginn og þar var mikið fjör. Á morgun verður svo félagsfundur í Víðsýn þar sem næsta ár verður skipulagt. Mikið gaman og mikið fjör.

Ískápurinn minn gaf upp öndina í öllum þessum ósköpum. Kostar um 40 þús að gera við hann. Og ekki garanterað að það endist mörg ár. Svo við tókum ákvörðun um að endurnýja bara. Uppdata. Eftir miklar vangaveltur og margar búðir enduðum við á að fjárfesta aðeins meira en upphaflega var lagt upp með. Keyftum ísskáp og frystiskáp og DVD spilara með hörðum disk sem hægt er að taka uppá.

Framundan er sem sagt félagsfundur, námskeið, breytingar í búri og eldhúsi (hjálp óskast föstudagskvöld), ráðstefna laugardag, fullt af sýningum framundan og svo þarf víst líka að þvo uppúr óhreinatauskörfunni og margt margt fleira. En svona líkar mér lífið best.

AAADD

2006-10-07T18:50:00.000Z

Mikið gengur nú illa að taka það rólega á mínu heimili. Ætlaði að nota föstudaginn í rólegheit en afrakstur dagsins voru þessar fínu doppóttu gardínur sem ég saumaði fyrir hana Heklu mína, stytti blússu og ýmislegt fleira á saumavélinni. Fór svo í göngutúr með Labbakútunum.

Kvöldið fór svo í æfingu á leyniverkefninu mínu, allt gekk vel og allt að smella svo bráðum verður farið að plögga. Þegar heim var komið seint og um síðir var svo skellt í Scrabbl fram eftir nóttu. Já svona fór nú um þau rólegheit.

Í dag var ég svo að sinna sjálfboðaverkefninu okkar í Vin og stóð ég í bás í Ráðhúsinu í allan dag og var að kynna Vin. Fór í snúninga vegna stuttbylgjuútvarps og er á leið á generalprufu.

Kannski er að verða eins komið fyrir mér og konunni sem sendi mér eftirfarandi pistil :

Á þetta við þig ???

Mér fannst alveg ótrúlegt að lesa svona nákvæma lýsingu á degi í lífi mínu en var samt alveg ótrúlega ánægð með að fleiri þjáðust af þessu sama. ...... Ég sendi ykkur þetta og bið ykkur að hafa það í huga þegar þið undrið ykkur á því hvað ég hef sjaldan samband - ég er full af vilja en það verður því miður minna úr verki !

Ég hef á seinni árum verið plöguð af alvarlegum sjúkdómi sem nýlega hefur fundist greining á, en engin lækning við, enn sem komið er. Eftirfarandi er lýsing á dæmigerðum degi þegar einkennin blossa upp : Ég ákvað einn daginn að þvo bílinn og hélt áleiðis að bílskúrnum, en tók þá eftir að bréf höfðu borist inn um lúguna. Ég tók bréfin og ákvað að fara í gegnum póstinn áður en ég færi að þvo bílinn. Sorteraði póstinn og ákvað að henda ruslpóstinum en tók þá eftir að ruslafatan var orðin full og lagði því reikningana sem höfðu borist, frá mér á eldhúsborðið og ætlaði út með ruslið, en ákvað þá að fara og borga þessa reikninga, fyrst ég yrði við bílinn hvort eð er. Fór inn í herbergi til þess að ná í veskið og bíllyklana en sá þá ný e-mail í tölvunni og ákvað að svara þeim strax svo ég gleymdi því ekki. Ákvað að ná mér í kaffibolla fyrst. Á leið inn í eldhús tók ég eftir því að blómið í borðstofunni var orðið heldur þurrt. Hellti nýlöguðu kaffi í bolla og ákvað að vökva blómið áður en lengra væri haldið. Náði í blómakönnuna og ætlaði að fylla hana með vatni þegar ég tók eftir því að fjarstýringin af sjónvarpinu lá á eldhúsborðinu. Ákvað að fara með hana á sinn stað í sjónvarpsherberginu fyrst, svo ég fyndi hana örugglega um kvöldið þegar ég settist fyrir framan sjónvarpið að horfa á uppáhaldsþáttinn "Sex in the City". Á leið í sjónvarpsholið rakst ég á handklæði sem ég ætlaði að setja í þvottavélina sem beið full af þvotti. Fór þangað og setti í vélina en fann þá gleraugun sem ég hafði verið að leita að fyrr um morguninn. Lagði fjarstýringuna frá mér í þvottahúsinu og fór með gleraugun inn í svefnherbergi þar sem ég ætlaði örugglega að finna þau þegar ég færi í rúmið að lesa uppáhaldsbókina mína......ef ég finn hana. Stoppaði í svefnherberginu þar sem dagurinn hófst og mundi ekki lengur hvað ég ætlaði upphaflega að fara að gera !!! Í lok dags hafði ég því hvorki þvegið bílinn né borgað reikningana, ekki vökvað blómin eða þvegið þvottinn, ekki farið út með ruslið, heldur ekki svarað e-mailunum og var auk þess búinn að týna fjarstýringunni, bíllyklunum og veskinu og kaffið beið kalt á eldhúsborðinu.

Ég skildi ekkert í þessu því ég hafði verið á fullu allan daginn í ýmsum snúningum. Ég hef nú uppgötvað að þetta er alvarlegt vandamál sem ég ætla að leita mér hjálpar við. Þessi sjúkdómur kallast á fagmáli AAADD eða "Age Activated Attention Deficit Disorder", á íslensku "Aldurstengdur athyglisbrestur".

Rólegur dagur

2006-10-05T22:48:00.000Z

Hér á bæ hef ég hamast við að taka því rólega og vera skynsöm. Það er ekki alveg mín deild, en eitthvað verður að gera til að losna við hægri slagsíðuna. Pantaði tíma loksins í sjúkraþjálfun, bókaði mig næstu 8 vikurnar. Kvíði ferlega fyrir fyrsta tímanum, veit alveg hvað þarf að gera til að rétta mig við og það er svo sársaukafullt. Svitna við tilhugsunina og gengur illa að hugsa ekki um það. Bilun.

Hekla mín kom í dag og dreifði huga mínum, hjálpuðumst við að læra á metrakerfið, það sem þessi stúlka er klár. Ó ég er svo stolt af henni og veit að þetta er ekki sjálfgefið og er afar þakklát fyrir hversu vel henni gengur að læra. Hún er með alla hugsanir um bækur, bókaormur á háu stigi eins og hún á kyn til þessi elska. Trúði mér fyrir því í dag að það besta sem hún gerði væri að liggja uppí rúmi og lesa góða bók með tónlist á. Mér finnst það æði, þó ég geri mér fulla grein fyrir því að það eru aðrir hlutir sem ekki gengur eins vel á, eða mættu vera framar á hæfnislistanum. En við erum nú bara svona í þessari fjölskyldu.

Fór í kvöld og fræddi sjálfboðaliða RKÍ á 1717 símanum um Vin og geðveikina ásamt Guggu í Vin og Garðari Sölva vini mínum sem brilleraði í Kastljósinu í kvöld . Skora á ykkur að kíkja á það. Merkur maður hann Garðar Sölvi.

Jú jú í sama Kastljósi má ef vel er gáð sjá eina vísbendingu enn í leyniverkefninu.

Bykoblaðið rokkar

2006-10-05T11:44:00.000Z

Lá uppí sófa í gær og las allt sem ég komst yfir, gat varla hreyft mig fyrir verkjum. Þegar ég fór að flétta Byko auglýsingablaðinu eins og ég væri að fara að byggja. Fékk líka þetta rosa hláturskast sem var sársaukafullt, en þetta var svo fyndið. Það var verið að auglýsa " klósettsetu með dempurum ". Hafiði séð svona er þetta kannski í öðru hverju húsi þó það hafi alveg farið fram hjá mér. Skyldi líka fást klósettsetur sem eru sjálfhreinsandi, já og kannski upphitaðar.

Á mínu klósetti er sem sagt bara hvít plain öryrkjaseta og virkar vel.

Dóttirin er að tapa sér í kommentunum. Ja við getum alveg haft hesta sem 3. vísbendingu. Ætlaði samt að hafa það randir........

3. okt. og jólin ekki að nálgast mjög hratt

2006-10-03T22:49:00.000Z

Hjá mér eru jólin ekki alveg í augsýn, þrátt fyrir að ég sé mikið jólabarn í mér svona flest ár, það er að segja þegar geðheilsan leyfir. En í dag sá ég jólaljós komin í stofuglugga hér í nágrenninu og tvö tré komin með jólaljós í Kópavogi. Mér finnst þetta of snemmt svo vægt sé til orða tekið.

Jæja svo er ég stolt af sjáfri mér, tókst að segja NEI við stórri áskorun ;-)

Næsta hint í leyndóinu er rafmagnskefli.

Frábær helgi og slagsíða til hægri !!!

2006-10-02T23:05:00.000Z

Ég var ásamt fimm félögum úr Halaleikhópnum og fullt af öðrum áhugaleikhúsfólki á haustfundi BÍL á Selfossi alla helgina. Ég held ég verði að segja að þetta sé með bestu fundum sem ég hef verið á lengi. Vandamálin krufin og lausnir við öllu á borðinu eftir helgina.

Föstudagurinn fór í snöggsoðið stjórnarnámskeið sem gagnaðist mér helling og mínu félagi, þó svo við séum nú frekar félagslega sinnuð, þá er svo margt sem snýr að BÍL og hin praktísku atriði við stjórnun leikfélaga.

Á laugardeginum vaknaði ég öll skökk og snúin, með herlega verki í hægri síðunni sem lituðu helgina fyrir mér, því miður en svona er það þegar vefjargigtin gerist líka félagslega sinnuð, verst fannst mér nú samt að hún gerðist hægrisinnuð í þetta skiftið.

En sem sagt á laugardaginn var svo mikið málþing um framtíðarsýn fyrir Leiklistarskóla BÍL. Það var mjög áhugavert og margt skemmtilegt kom fram. Best þótti okkur Halafélögum þó að heyra, að loksins virðist vera að allir séu að ná þessu með það að aðgengið þurfi að vera í lagi. Meira að segja höfuðandstæðingurinn (nefni engin nöfn) hafði umpólast í þeim efnum. Óvíst er um framtíðarhúsnæði en nokkrir fýsilegir kostir sem fara í athugun hjá staðarvalsnefnd. Mikill dýrðarljómi er yfir öllum sem hafa farið á lengri námskeiðin á Húsabakka, hreint eins og fólk hafi gengið í sértrúarsöfnuð og frelsast. Það er frábært, sérstaklega þar sem fólk er farið að átta sig á að skólinn býr í hjarta nemandanna en ekki steinsteipunni og dalnum. Flott var að heyra að þau félög sem hafa verið duglegust að senda nemendur í skólann eru að verða sjálfbær vonandi fáum við nú tækifæri til að fara að mennta okkur þegar skólinn verður kominn í aðgengilegt húsnæði.

Á laugardagskvöldið var svo haldið í Tryggvaskála það fína og fræga hús til hátíðarkvöldverðar í boði Leikfélags Selfoss. Þar var mikið fjör og gaman, góður matur og fín skemmtiatriði. Höfðinglegar móttökur. Hægri síðan rak mig samt í rúmið um miðnætti en þá var ball að hefjast á hótelinu.

Á sunnudagsmorgninum var svo haldið áfram að funda og sett upp skyndihjálparnámskeið fyrir leikfélög í dauðateygjunum og fjallað um hvað eina sem snýr að rekstri leikfélaga. Framtíðin skipulögð og ákveðið að á íslandi skildi halda alþjóðlega leiklistarhátíð 2010. Frábær fundur og mjög gagnlegur.

Var ansi þreytt eftir helgina og slagsíðuna, tók það rólega í dag. Fékk ansi stóra áskorun í dag varðandi 10 okt. veit ekki hvort ég á að hrökkva eða stökkva. Sef á því í nótt. Stundum verður maður nú að segja nei er það ekki?

Í kvöld var svo æfing í leyniverkefninu mínu. Meira um það fljótlega. Fyrsta hint : tengist fánalitunum ;-)

Til hamingju með afmælið Guðmundur

2006-09-29T00:03:00.000Z

Ég hvet fólk til að fara inn á www.visir.is og í vef tv og skoða myndbandið um Jökulsárganga Ómars Ragnarssonar Það er alveg stórkostlegt og predíkun Hildar Ýr Bolladóttur er æðisleg.

Af mér er annars lítið að frétta, félagslífið í miklum blóma. Stjórnarfundir hér og þar. Saumaklúbburinn kominn í gang og haustfundur BÍL um helgina á Selfossi. Já manni leiðist ekki þessa dagana. Er núna bara í tölvuhangsi, jú kom ýmsu í verk í tölvunni en nenni ekki að strauja eða pakka niður eða stytta buxurnar sem ég ætla í austur. Dottin í krosssaum og sauma af miklum móð, en vildi óska ég hefði betri sjón. Þarf soldið að rekja upp en þar er ég þolinmóð merkilegt eins og ég er nú mikil óhemja yfirleitt.

Besti mágur í heimi Guðmundur Aðalsteinn er 46 ára í dag. Sakna hans og Villa bróður en þeir eru á hótelinu sínu í Greyton, S. Afríku. Endilega kíkið á heimasíðuna. Elsku mágur til hamingju með daginn.

Skrítinn þjóðflokkur

2006-09-28T23:18:00.000Z

Íslendingar eru alltaf samir við sig, öfgafullir og samtaka eða sundraðir og fallnir. Hver hefði trúað því að 15000 manns kæmu á haustkvöldi saman til að mótmæla Kárahnjúkavirkjun. Eftir allan þennan tíma. Meðan örfáir nenntu að koma og mótmæla dag eftir dag í fyrra á Austurvelli. Aðstæður hjá mér þetta kvöld voru þannig að ég var upptekin í fjölskyldumálunum. En hefði gjarnan vilja vera með. Merkilegt hvernig fólk skiftist í tvo hópa annað hvort er þetta frábært hjá Ómari eða þeir sem segja að þetta sé tóm della. Ég stend með Ómari og ber mikla virðingu fyrir þessum eldhuga og náttúrubarni sem hefur verið ötull í áratugi við að kenna þjóðinni að bera virðingu fyrir landi sínu. Hver man ekki eftir Stiklunum td. eða öllum flugferðunum með myndavélina þegar náttúran lætur á sér kræla. Ég segi bara Áfram Ómar.

Hér er slóð á frábærar myndir sem hann sýndi á breiðtjaldi á Austurvelli. Njótið.

Í kvöld var svo annar eldhugi sem kom því í gegn að það skildi myrkva borgina. Nei þá var samstaðan farin út um þúfur. Ég kom mér fyrir ásamt mínum heittelskaða á frábærum útsýnisstað. Því miður var skýjað en mig langaði að njóta dulúðar myrkursins. Götuljósin slökknuðu eitt og eitt, frábær sjón. En því miður voru fyrirtæki borgarinnar til skammar, þar voru flóðljós sem lýstu í allar áttir og auglýsingaskilti blikkuðu og bílljós út um allt. Hvar var samtakamátturinn þá. Ég vona bara að þetta verði gert aftur og þá markvisst unnið í því að fá atvinnurekendur til að taka þátt.

Strange world

2006-09-26T23:14:00.000Z

Mín skoska vinkona Elaine sendi mér þetta hér.

Langaði bara að deila þessu með ykkur.

Með stjörnur í augunum

2006-09-25T23:57:00.000Z

Bloggleti, já samþykkt.

Búið að vera mikið að gera í félagsmálunum síðustu daga og djamminu og góðir gestir rekið inn nefið hver á fætur öðrum.

Var með kynningu á lannsanum á föstudag fyrir Vin ásamt sjálfboðaliðahópnum litla en frækna.

Svo var ég á kafi í undirbúing fyrir félagsfund sem var í Halanum á laugardaginn, með matarveislu og alles. Frábært 45 mættu í það heila og getum við ekki annað en verið sátt við það.

Fór á Álftanesið í leyniverkefninu mínu og horfði á stjörnur og norðurljós með sjávarnið sem undirleik og fullt af skemmtilegu fólki. Gæti alveg hugsað mér að búa á Álftarnesi á sjávarlóð.

En sem sagt mikið félagslíf og djamm og tóm sæla.

Setti húfuna hans Bjarna á hold, fæ engin komment með hugmyndum. Keyfti mér "Drottinn blessi heimilið" mynd til að sauma út. Sit nú aum í fingurgómunum og stíf í hálsi.

Framundan eru áframhaldandi annir held þetta verði bara ansi fjörlegur mánuður þegar upp er staðið. Og engin haustmynd tekin enn þetta árið.

Hönnunarleiðangur

2006-09-18T13:39:00.000Z

Leitin að hönnun húfunnar fyrir Bjarna ætlar að vera erfið rakst á þessa og get ekki annað en deilt þeim með ykkur. Held enginn þessar hæfi honum. Hvað finnst ykkur?

Prjónaæði

2006-09-17T18:04:00.000Z

Sannkallað prjónaæði hefur gripið mig þessa dagana. Var að klára rokkarahúfu á soninn og er strand í hugmyndum. Þarf að uppfylla áskorum um að prjóna húfu á tengdasoninn en er alveg lens. Bráðvantar flotta hugmynd á Bjarna. Endilega hjálpið mér í þessu máli ;-)

Annars allt í rólegheitum. Hekla var hjá okkur um helgina og lærði og lærði og lærði. Viss um að ég þurfti ekki að læra svona mikið heima þegar ég var 9 ára. En hún stóð sig vel og gerði allt samviskulega og vel. Eyddum svo laugardagskveldinu í Lúdó spil eftir gömlu reglunum eins og sú stutta orðaði það.

Í dag var svo unnið í leyniverkefninu. Meira seinna um það.

Það stefnir svo í metaðsókn á félagsfundinn hjá Halanum næsta laugardag. Þegar búnir að skrá sig 28 í matinn. Gaman gaman.

Til hamingju með afmælið Stefán Þórður

2006-09-15T13:20:00.000Z

Stebbi bróðið sem býr í Noregi á afmæli í dag, verður 51 árs.

Til hamingju með daginn Stebbi minn.

Samtaka nú

2006-09-14T17:22:00.000Z

19 líf eru 19 lífum of mikið. Stoppum vitleysuna strax. Skrifum undir hér

Þú getur lagt þitt af mörkum með því að skrifa undir yfirlýsingu um betri hegðun í umferðinni

Krikapeysa no. 3

2006-09-11T16:43:00.000Z

Krikapeysa no. 3 tilbúin ásamt húfu og vettlingum í stíl. Hekla var mjög glöð og ánægð með peysuna. Og ég auðvitað full af monti.
Annars bara allt á fullu í hinum ýmsu verkefnum sumum enn leyndó, skýrsla seinna.

Mér fannst hressandi að fá haustlægðina. Vona að þeir sem töluðu um vont veður í sumar sjái muninn ;-)

Villi farinn aftur til S. Afríku sakna hans strax.

nornaveisla !!!

2006-09-09T03:25:00.000Z

Je dúda mía nornaveisla og mín prinsessa bara 9 ára sjá myndir HÉR

Gullkorn dagsins

2006-09-07T16:40:00.000Z

Hvaða stunur eru þetta í þér ?

Ég er að syngja

Þessar setningar duttu út á mínu heimili í dag :-)

9 ár liðin á örskotsstund

2006-09-06T13:11:00.000Z

Hekla mín er 9 ára í dag. Til hamingju með afmælið dúllan mín. Þessi 9 ár eru svo fljót að líða. En samt hefur svo margt gerst á þeim tíma. Þegar hún fæddist var ég mjög veik og hún kom með vonina inn í líf mitt og hefur verið mér sannkallaður lífsengill alla tíð. Held ég hefði ekki lifað af þennan tíma hefði hún ekki komið til með sínu ljúfa brosi og viðmóti. Við höfum alltaf verið mjög nánar og þakka ég foreldrum hennar sérstaklega vel fyrir að leifa mér þá hlutdeild sem ég hef fengið í hennar lífi.

Nú er hún að undirbúa afmæli fyrir bekkjarsysturnar. Það á að vera nornaþema. Hér að ofan er mynd af henni í Krikanum sem hún elskar eins og við gömlu hjónin.

Tómas sonur Sigurrósar á líka afmæli í dag er 5 ára. Til hamingju með afmælið Tommi minn.

Spilaborð og píanókonsert

2006-09-05T10:27:00.000Z

Besti tengdasonur í heimi kom færandi hendi á sunnudaginn, var búinn að sérsmíða eldhúsborð fyrir mig. Alveg eins og draumaborðið mitt nema bara miklu miklu flottar með framlengingu og skúffu fyrir spilin og hvað eina :-) Elsku Bjarni minn takk fyrir.

Annars leið helgin meira og minna í alls kyns fjölskylduboðum og fjöri. Matarboð hjá Palla og Frosta með allri familýunni á laugardag og svo krakkarnir í mat hér á sunnudag. Mér fannst það ansi notalegt. Soldið var gengið með vinum okkar en ganggírinn minn er ekki góður þessa dagana. Gigtin í stuði en það lagast vonandi fljótlega.

Fór á æðislega tónleika í gæri í Listasafni Íslands, sá fyrsti af fjórum undir heitinu Töframáttur tónlistar sem Gunnar Kvaran býður uppá. Í dag var það ungur snillingur Víkingur Heiðar Ólafsson sem flutti okkur nokkur stutt verk. Alger unaður svo var leiðsögn um safnið á eftir sem ég auðvitað nýtti mér. Sem sagt menning í botn þann daginn og svo skellt sér á kaffihús á eftir og náð í skottið á Villa mínum.

Raddir

2006-09-02T12:39:00.000Z

Að heyra raddir hefur mér alltaf fundist mjög merkilegt fyrirbæri. Þekki nokkra sem heyra raddir og hef hlustað á sögur þeirra, þetta er einhver allt önnur vídd sem erfitt er að setja sig inní, en raunveruleikinn.

Ekki eitthvað hörmulegt eða til að óttast þetta er bara svona og stundum er þetta til mikillar gleði og sköpunar. Kona sem ég kannast við sem er með geðklofa greiningu sagði mér í gær frá því þegar hún var sem veikust og heyrði raddir þá komu undurfögur ljóð til hennar í gegnum raddirnar. En þegar hún fór að taka lyf við sjúkdómnum þá hurfu raddirnar og ljóðin. Mér finnst þetta ákaflega sorglegt hvernig lyf geta breytt jákvæðum þáttum persónu til að lækna annað sem kannski er ekki eins viðráðanlegt. Allavega þá er nú búið að semja lag við eitt ljóða hennar og var það frumflutt um helgina. Mig hlakkar óskaplega til að fá að heyra það.

Ég er sem sagt komin á fullt í undirbúningsvinnu með Guggu í Vin við að undirbúa námsstefnu sem verður í nóvember fyrir fólk sem heyrir raddir og fagfólk til að vinna með þessu. Ron Coleman kemur og heldur dags námskeið.

Verst að ég man ekki tölurnar en það er þó nokkur prósentuhlutfall fólks sem heyrir raddir, kem með þær seinna. Það eru ekki allt geðsjúklingar heldur heilbrigt fólk sem heyrir raddir og skynjar ýmislegt og lifir góðu lífi með því. Þeta ættum við Íslendigar nú að vita með alla álfana, huldufólkið og vættina allt í kringum okkur.

Já sem sagt þetta er eitt af þessum spennandi verkefnum sem fram undan eru. Í kvöld er svo loksins fjölskyldurdinner þar sem öll mín fjölskylda nær loks saman, það er þeir sem eru á landinu. Frábært

Tilvistarkreppa eða ekki

2006-08-30T22:55:00.000Z

Hef haft of mikinn tíma til að hugsa undanfarið stórhættulegt fyrir konu eins og mig. Með minn ofvirka heila. Komst svo sem ekki að neinni sérstakri niðurstöðu sem heldur lengi í einu. Er svo fljót að skifta um skoðanir þessa dagana að það er hætt að vera findið.

Var í Krikanum á vaktinni í dag í síðasta sinn þetta sumarið. Veit ekki hvar ég væri stödd núna ef þetta einstaka tækifæri hefði ekki komið upp í hendur mínar í sumar. Náttúran er æði og eitthvað svo heilandi. Maður kemur kannski dapur og æstur en fer heim pollrólegur og glaður. Paradís á jörð.

Stússaði í félagsmálum í morgun og kvöld. Veturinn framundan sem í gær virtist verða eitthvað grár og fyrirkvíðanlegur er allt í einu að verða spennandi og fjölbreyttur. Alla vega eru ýmis tækifæri í burðarliðnum á hinum ýmsu sviðum.

Er búin með Krikapeysu 3 og prinsessan alsæl með hana. Prjónaði hálfa húfu í stíl við hana í Krikanum í dag og ákvað á heimleiðinni í kvöld að rekja hana upp. Hönnunin er að þvælast fyrir mér en lausnin komin í kollinn. Litli putti kvartar en fær þá bara að vera hommaputti og vekur upp gamlar og góðar minningar.

Kraftaverkin gerast enn sonurinn er sennilega búinn að landa píparasamning byrjar á mánudaginn. Til hamingju Ingimar Atli ég vissi að þú gætir þetta.

Hlýnun jarðar

2006-08-27T10:58:00.000Z

Fékk þessa í pósti frá vinkonu í gær og stóðst ekki mátið að skella henni hér inn finnst hún svo táknræn

Var samt að velta því fyrir mér hvort nokkur af lesendum mínum gangi í naríum eins og gefnar eru upp fyrir árið 2006?

Ég er annars mjög gamaldags eftir þessum staðli að dæma er greinilega enn í 1950 eða svo ;-) Enda kannski ekki mikið annað sem hentar mínu fagra vaxtalagi.

Fallegasta stelpa í heimi :-)

2006-08-23T23:40:00.000Z

Var að fara í gegnum myndir sem ég hef tekið í Krika í sumar og varð að skella þessari inn. Tekin á mánudaginn síðasta daginn í sumarfríinu hjá Heklu þar sem hún naut sín í paradísinni okkar.