Gamlar myndir

Var einhver að biðja um gamlar myndir? Hér koma nokkrar



Sigurður Hjálmarsson tengdafaðir minn heitinn



Svavar mágur, Olla mágkona og tengdpabbi eða þau voru hér inni en var tekin út þar sem ég frétti af æfareiðri mágkonu í Breiðholtinu yfir myndbirtingu. Sumir eru viðkvæmari fyrir gömlum myndum en aðrir og sjálfsögðu var myndin þá bara tekin niður. Eins og hún er nú skemmtileg.



Garðar mágur heitinn, ég og tengdapabbi 1980

Fleiri myndir á næstunni :-)

Undarleg flensa

Minn heittelskaði er búinn að liggja í flensu þessa vikuna. Mjög undarleg afbrigði. Hann er fárveikur á morgnana en verður svo ofvirkur þegar líður á daginn.

Nú er hann í dag búinn að taka svo svakalega til í vinnurýminu sínu að ruslapokarnir eru orðnir 4 eða 5 veit ekki hvar þetta endar eiginlega.

Á sama tíma hleðst upp ruslið á skrifborðinu mínu jú líka öllu vinnuherberginu skil ekkert í þessu eins og það er nú orðið opinberlega rólegt hjá mér.

Er að hugsa um að læsa vinnuherberginu mínu þegar ég fer í sjúkraþjálfun og sjálfboðavinnuna á morgun svo hann komist ekki í pappírshlaðana og allt dótið mitt.

Já verð víst að viðurkenna að mér er ferlega illa við að henda er safnari í mér. En kannski tek ég smá til á yfirborðinu til að friða kallinn.

Annars er Viktoría komin til heilsu fékk nýja rafgeyma í dag svo kannski fara þau bara saman út.

Kannski er orsökin sú að hann hefur verið tölvulaus síðan fyrir helgi.........

Ekki það að það séu ekki nægar tölvur á heimilinu en talva er ekki sama og talva :-)

Til hamingju Ísland

Í dag var merkilegur áfangi í Íslandsögunni þegar ný lög tóku gildi sem jafna rétt þegna landsins. Nú fá samkynhneigðir sömu réttindi og aðrir þegnar landsins til að skrá sig í sambúð með öllum þeim réttarbótum sem því fylgir, einnig rétt til tæknifrjóvgunar, frumættleiðingar ofl. ofl.

Fyrir mig hefur þetta mikið gildi og fagna ég ákaft. Í minni fjölskyldu og vinahóp eru nokkrir samkynhneigðir einstaklingar og því brennur þetta á mér en líka finnst mér þetta bara svo mikið jafnréttismál en þau hafa alltaf togað í taugarnar á mér. Þoli ekki mismunun á hvaða grunni sem er.

Skil samt ekki umræðuna sem gaus upp enn einu sinni nú í kringum sveitastjórnarkosningarnar. Þar sem skammast er endalaust yfir að konur séu ekki í 50% stöðum. Bull og vitleysa eru við ekki jöfn og er það ekki bara okkur konum að kenna að við sitjum ekki á fleiri háum stöðum. Eins og það sé einhver nafli alheimsins.

Mér finnst það ekkert jafnrétti ef sonur minn væri í framboði og næði langt en kæmist ekki að vegna þess eins að hann væri með typpi, helur ýtt til hliðar á forsendum % reglu milli kynja. Bull og þvæla.

Mér finnst að eigi að meta hvern einstakling af verkum hans og hæfileikum en ekki kyni, kynhneigð, litarhætti, ættartré eða slíku.

Já og takk fyrir kommentin María og Gugga, er samt hálffúl Gugga mín yfir að þú skildir ekki bjalla í mig meðan þú varst á svæðinu, hefði nú alveg getað hitt þig. Allavega sakna þín og ykkar allra vonandi hittumst við næst þegar þú kemur suður. Örn treystir sér ekki vestur þetta árið.

Stiklur

Er orðin smá brún í framan og á framanverðum handleggjunum :-)

Mundi eftir gönguhópnum í dag í rigningunni og hún var góð

Keppti í fótbolta um helgina í fyrsta sinn á ævinni og mitt lið vann

Sjúkraþjálfarinn minn vill að ég vandi mig betur við að anda.....

Örn er kominn með flensuna

Hef ekki komið í Krika í rúma 3 sólahringa og er komin með fráhvörf

Lopapeysan mjakast en ermalengdin vefst mikið fyrir mér

Fór á fjölskyldumót í Alviðru með fjölskyldu Frosta

Keyfti vitlausan Örn

Þvottavélin og þurrkarinn ganga hratt í dag

Hélt smá fyrirlestur á Kleppi í dag

Verð upptekin alla þriðjudaga í júlí í sumar

Sonurinn er ekki nógu mikill NÖRD til að taka þátt í raunveruleikaþætti

Fór á Þingvelli og villtist á Hengilsvæðinu á sunnudaginn

Viktoría er biluð

Kjúklingur í matinn í kvöld

Hverjir lesa þetta rugl ?

Gleðilega Þjóðhátíð

Þessi skemmtileg mynd var tekin af okkur systkinunum Villa, Palla og mér 17. júní 1965. Á þeim árum vorum við alltaf dubbuð upp á sunnudögum og sett í þjóðlega búninga á 17. júní og svo skundað í bæinn.

Merkilegt hvernig við horfum öll upp í himinninn, þori að veðja að það hefur komið flugvél og flogið yfir. Enda bjuggum við í aðflugslínu á hæsta punkti. Sem skýrir svo af hverju ég vil flugvöllin burt úr borginni. Maður lifði við það sem barn að horfa á flugvélarnar nánast strjúka þakið og horfa á þær út um þakgluggann á morgnana áður en maður fór á fætur og var stundum ekki alveg sama.

Tókum þennan þjóðhátíðardag rólega. Vöknuðum reyndar snemma með Heklu og fórum í langan göngutúr í Fossvogskirkjugarðinn, það er að segja ég gekk, Hekla hjólaði og Örn var á Viktoríu. Visitereðum svo fjölskylduna í Kleifarselinu og stefnum á grill í kvöld og áframhaldandi rólegheit. Sleppum alveg að taka þátt í hefðbundnum hátíðarhöldum nema í gegnum fjölmiðla þetta árið.

Á morgun er svo stór dagur Haladagur í Krikanum svo eitthvað verðum við vonandi fjörugri þá. Vonandi mæta bara sem flestir.

Góð og léleg þjónusta

Fór í dag með dóttur minni í búðarráp með það að markmiði að finna nýja stafræna myndavél. Við vorum búnar að googla í nokkra daga og komnar að ákveðinni niðurstöðu 3 - 4 vélar heitari en aðrar. Ákváðum að kíkja á gripina og fá að máta þær í lófa og sjá hvort sérfræðingarnir í þessum sérhæfðu búðum gætu ekki hjálpað okkur að gera upp á milli.

Byrjuðum í Ljósmyndavörum þar sem Fuji hefur alltaf verið hátt skrifað merki í okkar fjölskyldu og mikil og góð reynsla af þeim vélum. Vorum með tvær vélar í huga sérstaklega en opnar fyrir öllu. Lélegri þjónustu hef ég ekki fengið í sérvörubúð. Afgreiðslustúlkan vissi minna en ekki neitt um vélarnar og gat heldur ekki flett því upp sem við spurðum um. Að lokum kallaði hún í annan afgreiðslumann sem grúfði sig ákafur bak við tölvuskjá. Hann kom þó og svaraði fyrstu spurningunni og hvarf svo. Við vildum vita meira aftur var kallað í hann og hann svaraði með fílusvip og hvarf aftur um hæl. Svona gekk þetta í nokkur skifti. Við vorum nú ekki tilbúnar að láta koma svona fram við okkur þar sem þessar vélar 2 sem við höfðum mikinnn áhuga á voru mjög heitar hjá okkur.

Í síðasta skifti sem hann kom þá spurðum við hann hver væri raunverulegi munurinn á vélunum annar er 8000 kr verðmunur. Ekki fengum við nein svör við því en hann benti okkur þó fílulega á vefslóð sem við gætum slegið upp þegar heim kæmi ef við virkilega vildum vita þetta.

Þrátt fyrir þessa hrikalega lélegu þjónustu hjá Ljósmyndavörum áræddi ég að spyrja um verð á nýju batterí í gömlu góðu fuji vélina mína. Þá tók nú ekki betra við, þar sem ég var ekki með vélina vildi afgreiðslustúlkan fyrst að ég færi heim og næði í vélina til að sjá hvernig batterí væri í henni. Þá var mín nú orðin stúrin og bað hana vinsamlegast bara að flétta því upp, enda vélin frá þeim. Jú hafði það í gegn en þá þurfti 4 starfsmenn til að finna út úr því....... Segi ekki meir um þessa verslun en mæli alls ekki með henni þó ég mæli hiklaust með Fuji vélunum.

Fórum svo í Sjónvarpsmiðstöðina, Heimilistæki og bræðurna Ormson. Fengum fína þjónustu þó afgreiðslumennirnir væru misvel að sér þá voru þeir kurteisir og svöruðu flóknum spurningum okkar mæðgnanna eins vel og þeir gátu.

Komumst að því að vél sem var no. 2 hjá okkur í upphafi væri vænlegasti kosturinn. Miklar breytingar hafa verið á vélunum sl. ár og að mikið er lagt á sum nöfn í bransanum. Googluðum svo meir þegar heim kom og vélin sem var komin í 1 sæti er ódýrust í Elko svo þangað verður farið á morgun.

Merkilegt hún er eiginlega ódýrari þar en í fríhöfninni. Svo Palli þú sleppur við myndavélakaup á heimleiðinn frá Kína en mættir alveg kíkja eftir batterí í mína ;-)

Enn á lífi

já já allt í sóma hér á bæ bara leti eða á maður að segja notarlegheit.

Ferðin norður var stórskemmtileg. Samnemendur mínir voru mis miðaldra en allir stór skemmtilegir, maður hitti fullt af fólki sem maður var búinn að gleyma og endurnýjaði kynnin. Skipulagningin gekk öll upp og veðurguðirnir léku vel við okkur logn í Hrútafirði allan tímann og stuttermaveður. Set inn myndir fljótlega.

Hef annars verið mest að dunda mér við prjónaskap og smá fundarstúss auk Krikans. Er frekar niðurdregin en það á sér sínar skýringar, dauðsföll í kringum mig og jarðaför á morgun önnur á laugardaginn sem ég komst ekki á. Maður er alltof oft minntur á hvað lífið getur orðið óútreiknanlegt. En það leggur líka á mann þær skyldur að njóta þess í botn, meðan maður á þess kost.

Talnaspeki

Fór aðeins að vafra og datt þá inn á www.zedrus.is og fékk þessa talnaspá. Sumt finnst mér passa vel annað ekki allavega stórsniðugt. Ætla að deila spádómnum mínum með ykkur:

Persónutala: 2
Áhrif þessarar tölu auka mjög rómantískar hneigðir og vekja ástúðlegar tilfinningar. Hún er hliðholl í ástamálum, æði oft, þegar andlega hliðin ræður. Hún eykur viðræðuhæfileikann og gerir menn viðfelldna og vingjarnlega. Hún dregur að vini, því að hún skapar kurteisi og góðvild og dregur úr þrætugirni og slúðurgirni. Hún gerir þá, sem hún orkar á, mjög næma á gagnrýni og yfirleitt er endurskin hennar háttvísi og vinaþel.

Köllunartala: 8
Þessi tala leggur lið sitt öllum framkvæmdastörfum. Áhrif hennar styrkja þá, sem stjórna verslunarfyrirtækjum, iðnaðarreksti eða fjármálum, og hún er sérstaklega hliðholl þeim, sem setja sér það markmið að vinna sér stöðu, auðæfi og völd, þótt við ofurefli sé að etja. Hún veitir stefnufestu og hagsýni. En þótt hún lofi ríkulegum launum að lokum, þá er hún ekki tala skjótra og auðunninna sigra. Talan 8 táknar erfitt starf og mörg vonbriði, en sigurvonir eftir margra ára harða baráttu. Þeir, sem láta fljótt bugast, meiga ekki vænta mikils af henni, því að hún gæti orðið til þess eins, að auka áhyggjur þeirra og mistök, þegar aðrir, sem gæddir eru meiri viljaþreki, halda leið sína, þrátt fyrir öll vonbrigði og alls konar öfugsteymi.

Örlagartala: 9
Þessi tala er kjörin fyrir þann sem er viðurkenndur foringi félaga sinna. Sveiflur tölunnar 9 eru einkar kraftmiklar, og þeir, sem eru undir áhrifum hennar, eru gæddir þrotlausum dugnaði og hugkvæmni. Þeim líður best, þegar þeir eru að gera stórfelldar áætlanir og taka ákvarðanir, sem valda miklu um velferð margra manna. Þetta er ekki tala þeirra, sem “fara hjá sér” í fjölmenni eða kjósa heldur frið og kyrrlátt heimilislíf en hinn sífellda eril og æsingu þjóðmálanna. Þess háttar mönnum veldur talan 9 einungis vanlíðanar.

Andlegatala: 4 Þessi tala bendir á rótgróna löngun til þess að hafa allt í röð og reglu. Þú hefir lofsverða ábyrgðartilfinningu og meðfædda starfsgleði, svo fremi að vinnan falli þér í geð. Hins vegar gætir nokkurrar vöntunar á ímyndurnarafli, en hún getur valdið hindrunum á framförum og afrekum. Þú verður að vera á verði gegn meðfæddri hneigð til lognmollu-öryggis eða innilokunarstrits. Hræðslan við stöðumissi eða tignartap gæti orðið fjötur um fót þeim manni, sem að öðrum kosti myndi koma miklu til leiðar. Tölurnar í nafninu geta breytt þessum skapeinkennum, eða unnið gegn þeim, en þau eru eftir sem áður til í eðlinu.

Dulartala: 42 Þú átt ferðalög fyrir höndum. Margar ferðir virðast bíða þín. Ein verður á landi, önnur á sjó og sú þriðja annað hvort, og hún getur endað með sorg eða mikilli gleði. Í heild munu þessi ferðalög verða þér ávinningur, og þú munt njóta mikillar hamingju meðal vina og frændaliðs.

Miðaldrakreppa ?

Það mætti halda það alla vega. Þetta er svona fílingur þegar maður er að fara á reunion eftir 30 ár og fer að hugsa til baka. Það er svo ferlega langt síðan. Ég er sem sagt á leið í Reykjaskóla í Hrútafirði þar sem ég var veturinn 1974 - 1975 tók þar gagnfræðapróf sem þótti ansi góð menntun í þá daga. Tók líka bílpróf þann vetur og keyrði aldrei á malbiki eða sá umferðarskilti. Margt var brallað þann vetur en ekki ætla ég að tíunda það hér að sinni.

Þetta var sumarið eftir 1000 ára afmæli Íslandsbyggðar, það var áður en ártölin fóru í rugl vegna fræðimennsku. Mikil hátið sem var í Kirkjuhvammi á Hvammstanga og mikið stuð. Þetta ár fór ég líka í Húsafell á útihátíð og lenti á bömmer, já og árið sem ég keppti í spjótkasti fyrir hönd USAH á landsmóti ungmennafélaga á Akranes, en ekki orð um það meir.

Já 30 ár eru fljót að líða í raun. En þetta með miðaldrakreppuna er svosem afstætt. Fór í partý áðan þar sem veigar voru góðar, nennti ekki að detta í það !!! Já og var með þeim elstu í teytinu sem var ansi glæsilegt hjá Götuhernaðinum. Endilega kíkið á og fylgist með þeim kröftugu og skemmtilegu piltum á slóðinni www.oryrki.net

Farin í Hrútafjörðinn að hitta fullt af miðaldra liði :-)

Lífið er ljúft

Þessi helgi hefur verið alveg dásamleg. Hef getað gert það sem mér finnst best og notið þess í góðum félagsskap :-)

Kriki klikkar ekki frekar en fyrri daginn, sólin lét sjá sig og nefbroddurinn á mér er orðinn rauður.

Sá tvær leiksýningar það sem af er helginni og var næstum farin á þá þriðju í kvöld en henni var aflýst vegna veikinda hjá leikurum.

Sá áhugavarðustu áhugaleiksýninguna í gær í Kassanum. Já hissa var ég ekki það að sýningin væri ekki góð, jú jú en hún kannski höfðaði ekki til mín efnislega eins og ég er nú hrifin af öllu gömlu og góðu. En ég sá allavega 2 sýningar í vetur sem skara langt framúr verðlaunasýningunni í gæðum. En svona er nú mat manna misjafn. Leikararnir stóðu sig prýðislega flestir hverjir og tækniaðriði og öll umgerð var til mikillar fyrirmyndar. En eitthvað er það við leikstjórnarstílinn held ég sem gerði það að verkum að ekki skilaði sér textinn vel til áhorfendanna, ýktur sunnlenskur framburður þröngvað upp á annars skýrmælta leikara. Það var ekki alveg að virka og dró sýninguna mikið niður.

Kassinn jú þessi nýji salur Þjóðarleikhússinns alveg til skammar með aðgengið þar, fyrst verið var að taka í gegn og opna "nýjan" sal. Af hverju eru þá aðgengismálin látin sitja á hakanum. Þetta er alltaf sama sagan. En Þjóðleikhússtjóri stóð á tröppunum einmitt þegar mitt fólk skrönglaðist upp á hækjunum með bros og vör en stjórinn fór fannst mér hálf hjá sér. Ekki það að Tinna er búin að lyfta grettistaki í aðgengismálum í Þjóðleikhúsinu og á hún mikið hrós fyrir. Gaman var að sjá skömmustusvipinn á sumum þegar formaður vor og fleiri klöngruðust líka upp á 7 bekk í hanabjálkastiganum þau gersamlega áttu salinn eins og góðum leikurum sæmir.

Um miðjan dag í dag skelltum við María okkur svo á listahátið á Grand rokk þar sem Guðjón vinur okkar og fyrrum leikstjóri var að setja á svið barperu. Villi líka vinur og fyrrum leikstjóri og Gunnsó voru að leika í stykkinu ásamt fleira góðu fólki. Þetta var hin besta skemmtun og stóðu þau sig afbragðs vel. Skemmtilegt að stinga sér inn á sóðapöbb um miðjan dag í glaða sólskini á leiksýningu. Þetta var bara eins og maður væri á leiklistarhátíð. Leikruinn verkið og umgerðin var frábær og meira að segja jólasería ;-) skilja þeir sem þekkja. Mest á óvart kom mér samt hvað hann Villi minn ljósálfur gat sungið. Til hamingju kappar með fína sýningu.

Aðgengi á Grandrokk er ekki í lagi uppi en fínt niðri. Annað fannst mér merkilegt en er það nú samt ekki upplifunin af því að sjá fleiri tugi langdrukkinna miðaldra manna.......

Grilluðum svo í góðra vina hóp í Krikanum og slúttuðum góðum degi fyrir framan sjónvarpið eins og miðaldra fólki sæmir eða hvað ........

Rígmontin amma :-)

Prinsessan mín hún Hekla var að fá einkunnirnar sínar í gær. Og ég get ekki annað en verið stolt af minni ömmustúlku.

Íslenska 9,5

Lestur 7,8 (af 8 mögulegum)- Lesskilningur mjög góður

Skrift 7,5

Stærðfræði 8,5

Heimilisfræði, vinnubrögð til fyrirmyndar

Hönnun-smíði - Góð

Textílmennt - Mjög gott

Myndmennt - Mjög gott

Íþróttir 8,0

Sund 3. stig - Gott

Tónmennt 9,0 - Nemandi er vinnusamur, samviskusamur og áhugasamur

Dans - mjög gott - Nemandi er vinnusamur, samviskusamur og áhugasamur


Umsögn kennara:

Nemandi er vinnusamur, jákvæður, samviskusamur og áhugasamur. Vinnubrögð til fyrirmynda. Stendur sig mjög vel í náminu.

Sú stutta fær auðvitað eitthvað fyrir sinn snúð nú eru afi og amma að búa sig í sparifötin og fara með hana í Smáralindina en þar eigum við 3 saman uppáhaldskaffihús sem við förum á til aðhalda uppá þennan stórglæsilega árangur.

Til Hamingju Hekla mín og líka til hamingju Sigrún Ósk og Bjarni

Dagurinn sem ekkert er að gera á

Já sá dagur kom loksins að ég var ekki bókuð á fundi, spjall eða önnur verkefni. Sem sagt ekkert að gera. Þar sem athafnaleysi á ekki vel við mig þá tókst mér að fara í hinar ýmsu útréttingar sem hafa dregist á langinn. Held ég hafi komið við í flestum hverfum austan Elliðaár og lokið hinum ýmsustu mikilvægu verkefnum.

Pikkaði svo Heklu upp og tók með mér heim. Sinnti ýmsu í tölvupósti og meira að segja straujaði allan bunkann sem safnast hafði saman. Rakti upp 8 cm af lopapeysu sem ég var byrjuð á og byrjaði aftur fannst hún eitthvað svo víð.

Nú er kl. 21.40 og engin verkefni fyrirliggjandi sem ég nenni í svo kannski ég fari bara að snemma að sofa, sýnist á öllu að það verði sól og blíða á morgun. Þá fer ég sko í Krikann.

Kriki er málið

Nú er sólin farin að skína og ég á leið í Krikann. Fyrsti dagurinn minn þar sem umsjónarmanneskja lofar góðu svo bara að drífa sig uppeftir í paradísina. Ef þið ratið ekki er komin leiðarlýsing með myndatexta og öllum upplýsingum á www.kriki.bloggar.is

Enginn langhundur í dag

Þessi dagur var frekar rólegur sat þó einn stórskemmtilegan fund í Vin með hinum athvörfunum og stöðum tengda geðfötluðum. Mikið að gerast á mörgum stöðum.


Hér er svo mynd af hótelinu sem Palli og Frosti eru á í Beijing í Kína ferlega flott endilega kíkið á myndirnar Sé þá ekki alveg fyrir mér harmonera inn í þennan lúxsús en......

Kveðja til Kína

Hugs, myndir og tiltekt

Ég er búin að hugsa of mikið í dag held ég. Komin í marga hringi. Í gær fékk ég fréttir sem komu mjög illa við mig í kjölfarið fór ég að hugsa. Flest af því er ekki birtingarhæft þar sem hugsanirnar skala allann tilfinningastigann. Niðurstaðan er engin en samt fékk mig til að hugsa minn gang í ýmsum málum. Kannski verður bara tekin vinkilbeyja í ýmsum málum. Var næstum búin að hleypa frekjunni út en sú auðmjúka og undirgefna tók völdin. Málið er í salti en æðruleysi er eina lausnin til að halda friðinn og lifa með því.

Hér koma nokkrar myndir úr Stokkseyrarferðinni með Hátúnshópnum



Stöllurnar Ríkey og Begga sem hafa af miklum myndarskap eldað fyrir okkur súpu flesta þriðjudaga undanfarna mánuði.



Jóna Haraldsdóttir sem tók á móti okkur í Menningarsetrinu með þessarri fínu gúllassúpu. Takk Jóna mín



Og Gróa móðir hennar sem kom alla leið vestan af Flateyri til að aðstoða. Eða sagan hljómar svo skemmtilega þannig. Jóna er sem sagt systir hennar Guggu svilkonu minnar sem er gift Hjálmari bróður Ödda míns. Þau fluttu aftur vestur í vetur eftir að vera búin að búa í ár á hæðinni fyrir neðan mig. Ekki veit ég hvers vegna kannski var ég svona erfiður nágranni, það skildi þó ekki vera. Alla vega sakna ég þeirra hrikalega mikið. Ástarkveðja vestur



Hér er hluti hópsins að snæða áður en haldið var í Draugasafnið



Hér erum við á horfa á Vitasýninguna og Björn Ingi messar yfir okkur, hann er maðurinn hennar Jónu.



Þá komum við að tiltektinni. Tók aðeins til í linkunum mínum. Ekki það að ég sé svo sár og svekkt út í neinn. Nei nei bara tiltekt sem hefur orðið útundan vegna anna. Setti einu sinni vinnureglu á blogginu að sá sem ekki bloggar í mánuð dytti út að tenglalistanum mínu. Stundum hef ég verið ströng á þessu stundum ekki. Stundum sér maður gegnum fingur sér við einstaka bloggar. En sem sagt nú var tiltekt.

2 tenglar hjá Árna og Daníel voru lagfærðir þar sem þeir voru búnir að flytja bloggið sitt annað.

5 tenglar duttu út þar sem þeir hafa ekki verið uppfærðir lengi, mislengi þó. Það voru Örn minn ektamaki, Sigrún Ósk dóttir mín, Jón Þór, Ásdís Jenna og Kiddi 3 þau eru Halafélagar.

3 tenglar eru í gjörgæslu og detta hugsanlega út næstu daga meðan ég hugsa málið. Það er Bjarni tengdasonur minn sem ég vona heitt að taki sig til og uppfæri hann er svo skemmtilegur penni, Lovísa Lilja dóttir Villa bróðir sem nú er flutt til London nýkomin frá S.Afríku hún fær sjens þar sem hún er búsett erlendis með búslóðina í kössum. Svo er það Óopinber bloggsíða Halaleikhópsins síða sem ég batt svo miklar vonir við en nú virðist ég ein skrifa á hana mánuðum saman svo kannski er bara best að dumpa henni. Blogg er greinilega að fara úr tísku.

2 koma nýir og sterkir inn Almar Leó Jóhannsson sem er sonarsonur Auðar systurdóttir Arnar. Já sonur hans Jóa sá yngsti. Mamma hans hún Guðný Rut er nú ekki duglega að blogga en hún setur reglulega inn myndir í albúmið sem kætir mig mikið. Bið að heilsa á Akureyri. Hinn nýji tengillinn er síða sem ég held verði heitasta síðan í sumar allavega fjallar hún um heitasta staðinn næstu mánuði það er Krikasíðan

Jú jú 2 tenglum í viðbót var bætt við það eru Reunion síður Reykjaskóla veturinn 1974-5 og Reykholts veturinn 1975-6. Reunion eru sem sagt mikið í tísku þessa dagana og þessir tveir hópar sem ég tilheyri hittast báðir í vor. Í Reykholt kemst ég því miður ekki þar sem það er sama kvöld og lokakvöldið í Halanum þetta árið en á Reykjaskólamótið skal ég ef guð og góðir menn lofa.

Kveðskapur og gömul loforð

Í ferðinni í gær kastaði einhver úr hópnum fyrriparti á Kristján Líndal, sem svo hringdi í mig í þegar heim var komið var þá kominn með seinnipart hafði notað víxlað innrým.
Megi vanda tungutak
tala sátta máli

Eins og fjandans englakvak
okkar háttinn brjáli

Var búin að lofa að setja inn myndir af Heklu á nýja hjólinu hér kemur hún:



Var líka búin að lofa mosamyndum úr Svartaskógi í Fossvogi. Hér koma nokkrar með mínum uppáhaldslit mosagrænum.

Klór í haus

Amstur daganna tekur lítinn enda enn sem komið er á þessum bæ.

Helgin fór í stórskemmtilegt og afkastamikið vel skipulagt þing Sjálfsbjargar lsf. Þar hitti maður fullt að skemmtilegu og duglegu fólki sem er að leggja mikla vinnu á sig fyrir málstaðinn.

Á sunnudaginn fór ég svo á málþing um fátækt sem Rauði krossinn hélt. Það var ansi athyglisvert og skemmtilegt að taka þátt í umræðum þar.

Ætla ekki að telja upp málefnin sem voru tekin fyrir þau hafa komið í fjölmiðlum og má finna á heimasíðum þessarra félaga.

Mánudagurinn fór í útréttingar og smá fundi og síðast en ekki síst fór ég í gönguhópinn minn sem er að komast í fullt fjör. Trimmklúbbur Eddu hittumst alltaf á mánudögum og fimmtudögum rétt fyrir kl. 17 við innganginn í Grasagarðinn í Laugardal og löbbum í klst. Allir eru velkomnir svo lesandi góður drífa sig nú næsta mánudag.

Í dag fór ég með Hátúnshópnum í menningareisu austur fyrir fjall í rútu. Keyrðum um Ölfusið með fararstjóra og forsöngvara, mikið gaman. Fórum svo í menningarmiðstöðina á Stokkseyri þar sem Jóna og Gróa tóku á móti okkur með þessari líka fínu Gúllassúpu og tilheyrandi. Skoðuðum málverkasýningur, Vitasýningu og Draugasafnið sem fékk hjartað á mér til að kippast all verulega við. Þorði þó ekki að lyfta steinhellunni sem hylur sjálfan kölska að sagt er. Gaman, mæli með safninu en varúð ekki fyrir hjartveika og passið að hafa nægan tíma það eru svo margar krassandi draugasögur sem þarf að hlusta á . Fórum svo á Minjasafn Kristjáns Líndal í Hveragerði það klikkar aldrei ef þið hafið ekki komið við þar enn þá drífa sig nú.

En að klóri í haus, þetta er orðið ferlegt ástand með mig og pólitíkina hef ekki minnsta vilja til að mynda mér skoðun í pólitíkinni eins og ég hef nú oft verið heit í henni. Finnst þetta allt vera sama sullið þetta árið á mínu kjörsvæði líst ekki vel á neinn af borgarstjóraefnunum og nenni alls ekki að leggjast í lestur stefnumála flokkanna. Hvað er að gerast eiginlega..............

Skildi þó ekki vera vöntum á tíma til að hugsa heila hugsun............

Framundan er lokatörnin í Halanum þetta leiktímabilið og tilheyrandi frágangur mála af ýmsu tagi. Nú og auðvita lokahóf að ég tali nú ekki um Aðalfundinn.

Jæja best að fara að halla sér og tæma hugann

Skamm skamm

Þetta sagði við mig maður í gær. Af hverju jú ég hafði ekki skrifað neitt í rúma viku á bloggið mitt. Meiri frekjan sérstaklega þar sem þessi elska hefur oft langar bloggpásur og flytur bloggið sitt og er með alls kyns fíflalæti.

Nei nei þetta er ýkt verulega. Ég er sem sagt á lífi en hef verið að blogga fyrir hina ýmsu félög sem ég er í og ekki gefið mér tíma í þetta hér.

En sem sagt sögur af andláti mínu og heimsreisu eru stórum ýktar er enn í Fossvoginum allavega nokkra tíma um miðja nóttina.

Þessa helgina er 33. þing Sjálfsbjargar sem heldur mér upptekinni auk Rauða krossins og að sjálfsögðu Eurovision auk vefsíðugerðar. Sem sagt enn með mörg járn í eldinum og ekkert sumarfrí í uppsiglingu.

Kannski skrifa ég aftur í dag kannski ekki, kannski skrifa ég aftur á morgun, kannski ekki, kannski er ég hætt að blogga, kannski ekki, allavega er ég enn í fullu fjöri og bláedrú núna.

Dagsformið

Já enn á lífi það er bara allt of gott veður til að hanga í tölvunni :-)

Erum dugleg að labba hjónakornin þessa dagana, það er svo æðislegt að fylgjast með gróðrinum og fuglunum vakna til lífsins. Verst með d..... Aspirnar sem eru að skríðast laufum og taka frá mér útsýnið úr stofuglugganum.

Helgin var annasöm en skemmtileg úr hófi fram. Allt gekk vel og sæl en þreytt kona sem lagðist á koddann seint á sunnudagskvöld, eða kannski var löngu kominn mánudagur.

Sýningin hjá okkur á Sunnudaginn tókst frábærlega og var án efa lang besta sýningin til þessa. Nú er að renna upp lokahelgin í þessari sýningarlotu. Enn eru nokkrir miðar til svo drífa sig. Allar upplýsingar hér

Hekla kom í dag og hjálpaði mér við brauðtertuundirbúning ofl. enda á minn heittelskaði afmæli á morgun 11. maí. Eitthvað verður til með kaffinu ef einhver stingur inn nefinu annaðkvöld. Var að hugsa þegar við vorum að þessu stússi í dag að ég er ferlega íhaldssöm þegar kemur að meðlæti í afmælum á þessum bæ. Er ekki mikið fyrir nýjungar á svoleiðis dögum. Veit ekki hvort það er hnignun eða öryggisleysi allavega geri ég mitt besta þessa dagana til að sýna húsmæðrataktana sem ég hef nú lítið sýnt undanfarin ár.

Annars var ég búin að skrifa langan pistil hér í gær en ákvað að birta hann ekki í bili. Heyrði í útvarpinu að maður var að dásama blíðuna og hvað það væri gaman að sjá allar fallegu stúlkurnar og talaði um sjónmengunina sem aðrar stúlkur illu. Varð foxill og fór í djúpar pælingar. En af tillitsemi við ykkur ætla ég ekki að birta þann óhroða í bili allavega. Þó geri ég mér fulla grein fyrir að þar með er ég að setja sjálfri mér skorður sem ég vil ekki falla í. En svona er dagsformið í dag.

Allir á Margt smátt

Plögg dagsins er Margt smátt Stuttverkahátið BÍL í samstarfi við Borgarleikhúsið. Já maður fer bara að vera daglegur gestur baksviðs þar, veit ekki hvar þetta endar eiginlega. En sem sagt mæli með því að allir drífi sig í Borgarleikhúsið á föstudagskvöldið og njóti þess að sjá fullt að stuttum leikritum. Tóm veisla nánari upplýsingar eru HÉR



Þau verk sem sýnd verða eru:

Kratavar eftir Sigurð H. Pálsson – Hugleikur

Það er frítt að tala í GSM hjá guði eftir Pétur R. Pétursson – Leikfélag Mosfellssveitar

Súsanna baðar sig eftir Lárus Húnfjörð – Leikfélag Hafnarfjarðar

Dagur í lífi Mörthu Ernsdóttur eftir Sverrir Friðriksson – Freyvangsleikhúsið

Bara innihaldið eftir Sævar Sigurgeirsson – Leikfélag Rangæinga

Geirþrúður svarar fyrir sig eftir Margaret Atwood og Shakespeare – Leikfélag Selfoss

Morð fyrir fullu húsi eftir Lárus Húnfjörð – Leikfélag Hafnarfjarðar

Aðgerð eftir Guðjón Þorstein Pálmarsson – Leikfélag Kópavogs

Í öruggum heimi eftir Júlíu Hannam – Hugleikur

Afi brenndur eftir Odd Bjarna Þorkelsson – Leikfélag Kópavogs

Friðardúfan eftir Unni Guttormsdóttur – Leikfélagið Sýnir

Maður er nefndur eftir Birgir Sigurðsson og Pétur R. Pétursson – Leikfélag Mosfellssveitar

Hannyrðir eftir Sigurð H. Pálsson – Hugleikur

Miðapantanir í síma 568 8000 og á midasala@borgarleikhus.is. Miðaverð er kr. 1.000

Bingóið gekk stórvel og fjáröflunin gekk framar björtustu vonum. En mörg voru handtökin sem úrvals lið Víðsýnarfélaga lagði á sig ásamt vinum og vandamönnum. Sérstakar þakkir fá strákarnir í Hátúni 10 fyrir allan borða og stólaburðinn. Já eins og ég segi gjaldkerinn brosti sýnu blíðasta og takk fyrir komuna kæru gestir og velunnarar.


Heppnastur allra var samt Helgi sem sést hér fyrir miðjum sal hann var að koma í Bingó í fyrsta sinn á ævinni og fékk tvisvar vinning. Miða fyrir 2 í Þjóðleikhúsið og gistingu fyrir tvo í tvær nætur á Hótel Eddu, bók að lesa og konfektkassa. Helgi var sannarlega vel að vinningunum kominn.

Annars var tiltölulega rólegt í dag eða átti að vera það svo ég fór í að skanna inn myndir frá Reykholti veturinn 1975-6 það á að vera reunion þar líka í vor. Setti þær inn HÉR. Margar skemmtilegar minningar vöknuðu við þessa yfirferð eins og Húsafellshelgin, böllin, próflesturinn, músikin ofl. ofl. vonandi tekst mér að komast. Koma tímar koma ráð.


Á meðan á allri þessari skönnun stóð tókst mér að taka aðeins til í stóru hrúgunni á skrifborðinu mínu nú sést næstum í heilan fermetra sem ekki hefur sést í síðan um jól ;-)

Á morgun fer þarfasti þjónninn í yfirhalningu veit að það er ýmislegt ekki í lagi svo ég geri ráð fyrir að á morgun verði leiðindadagur fjárhagslega. En ýmisleg erindi þarf ég samt að reka og ætla að reyna á Gulu limmosínurnar fékk mér nýja línulega kortið en ef þið rekist á mig á einhverju horninu með kort eins og túristi rammvillta, endilega kippið mér inn í bílinn og skutlið mér heim.

Allir í Bingó

Hið árlega fjáröflunar BINGÓ Ferðafélagsins Víðsýnar verður 3. maí kl.19.00 Í Hátúni 10, 9 hæð Húsið opnar 18.30

Spilaðar verða 10 umferðir Fjöldi glæsilegra vinninga:
Gisting á Hótel Eddu, miðar í Þjóðleikhúsið og Borgarleikhúsið, út að borða fyrir tvo, gjafakörfur frá Danól og Te og kaffi, geisladiskar, DVD, gjafabréf í klippingu ofl. ofl.

Spjaldið kostar 500 krónur
Allur ágóði rennur til niðurgreiðslu ferða Víðsýnar

Allir hjartanlega velkomnir

Ferðafélagið Viðsýn er félag gesta Vinjar athvarfs fyrir Geðfatlaðra.
Nánari upplýsingar um félagið er að finna á vef RKÍ

Já já meira plögg enda mikið að gerast þessa dagana. Enn meira plögg svo á morgun tökum eitt í einu.

Allt gekk vel í Borgarleikhúsinu í gær og Halaleikhópurinn stóð sig frábærlega vel. Gaman að vera á þessu stóra sviði og sjá hvað aðrir hópar fatlaðra og blandaðir eru að gera. Stórskemmtilega dagskrá og enn fullt eftir af atburðum á List án Landamæra dagskráin HÉR

Dagurinn í dag hefur nú aðallega farið í undirbúning fyrir Bingóið en verið skerpt á ýmsum járnum líka á öðrum stöðum. Fékk ekki að fara í gálgann heittelskaða í dag :-(

Plögg og afmæliskveðja

Stóri dagurinn er að renna upp 1. maí og við í Borgarleikhúsinu :-)"List án landamæra" allir að mæta frítt inn. Hér er dagskráin en nánari upplýsingar um verkin er að finna HÉR
-Leiklistarveisla í Borgarleikhúsinu.
Tími 18:00 – 20:00
- Draumasmiðjan í samstarfi við Hafnarfjarðarleikhúsið
Sýnir brot úr Viðtalinu, s.k.‘’Duff’’ leikrit

- Hreyfiþróunarsamsteypan og danshópur Hins hússins
Sýna frumsamið dansverk.

- Halaleikhópurinn.
Sýnir brot úr leikritinu Pókok e. Jökul Jakobsson

- Hugarafl og nemendur í leiklistaráfanga fyrir lengra komna í MH
Sýna spunann Mismunatengsl

- Perlan.
Sýnir Mídas Konung

- Blikandi stjörnur.
Sýna atriði úr söngleikjum


Frosti mágur (sambýlismaður Palla) á afmæli í dag til hamingju með daginn Frosti minn. Setti hér inn mynd sem lýsir honum nokkuð vel enda frábær kokkur og veisluhaldari. Vonast til að geta kíkt inn til hans í Pönnsur milli anna í dag.

Gærdagurinn fór í veisluhöld, fyrst var 40 ára afmælisveisla Hússjóðs Öryrkjabandalagsins frábær veisla sem mikill sómi var af. Takk fyrir mig.

Fórum svo í göngutúr um Fossvoginn í sól og blíðu. Verst var að ég tók símann með hann hringdi nokkuð oft. Svona er að vera með mörg járn í eldinum. Tók líka myndavélina með og tók skemmtilegar myndir af mosavöxnum trjám í Svartaskógi sem ég lofa að setja inn í vikunni.

Fórum svo í matarboð í Blikahólana þar sem Hekla sýndi okkur listir sínar á nýja hjólinu tók líka mynd af því. Frábær matur í besta félagsskap í heimi fjölskyldunni. Takk fyrir mig krakkar

Bleikar gardínur flögra um Laugaveginn

Held það sé að grípa mig bloggleti aftur og kannski maður bara hætti og þó. Er frekar andlaus í skrifum þessa dagana.

Merkilegt því í dag hringdi í mig maður og bað mig að taka að mér stórt og mikið verkefni þar sem reynir verulega á rithæfileikana. En ég var nú ekki tilbúin að taka það að mér tel að í það stóra verk þurfi að minnsta kosti sagnfræðing og ekki er það nú alveg mín deild. En maðurinn gaf sig ekki og taldi upp kosti mína og tókst næstum að sannfæra mig um hversu frábær penni ég væri. En ég náði andanum eftir allt hrósið og sagði nei takk.

Reyndar merkilegt þessi merki maður og vinur minn hefur komið mér til að taka að mér hin ólíklegustu verkefni gegn vilja mínum og mörg stór skref hef ég stigið fyrir tilstuðlan orða hans. En þetta var to much svo maður bregði fyrir sig útlenskunni sem ég er svo góð í eða hitt þó.

Annars leið þessi dagur áfram í tómri sælu þrátt fyrir að byrja heldur seint sökum lítils nætursvefns eftir gott Halapartý fram eftir nóttu.

Við hjónakornin drifum okkur á aðalfund Sjálfsbjargar á höfuðborgarsvæðin sem gekk stórvel og félagið í góðum gír. Var skellt í talningu atkvæða, fer að verða sérfræðingur í atkvæðatalningu með þessu áframhaldi. Á heimleiðinn var komið við hjá Bleika grísnum og fylltir nokkrir gulir pokar af góðgæti.

Mætti dótturinni og tengdasyninum í dyrunum heima ásamt prinsessunni sem var alsæl enda voru þau að koma frá því að kaupa flunkunýtt hjól 20" 6 gíra með alls kyns aukabúnaði. Gamla hjólið bar sitt barr ekki eftir áreksturinn við steinvegginn í fyrra sumar. Og kjarkurinn hjá þeirri stuttu að lagast enda þrjósk eins og amman.

Hekla var ekki í rónni fyrr en hún fékk pabba sinn til að setja það saman hjá okkur svo hún gæti farið út með afa á skutlunni til að prófa nýja gripinn. Auðvitað dreif Bjarni bara í þessu og það tók sinn tíma, svo við mæðgurnar redduðum bara Pitsuveislu fyrir alla fjölskylduna meðan Bjarni skrúfaði og skrúfaði.

Hvað er betra en góð stund með familíunni ;-)

En amma gamla er með leiklistarbakteríu á háu stigi svo ég stakk af úr öllu geiminu og gleðinni og fór í leikhús að sjá Systur hjá Hugleik með Labba og Stebbu. Lenti í merkilegri reynslu á leiðinni. Lögðum fyrir framan TR og gengum yfir götuna sé þá konu stökkva út úr bíl og grípa gardínur sem lágu í hrúgu ofan á kommóðu á miðjum laugaveginum og henda þeim inn í bíl og bruna í burtu. Þetta var einhvern veginn svo óraunverulegt í henni Reykjavík.

En þegar betur var að gáð var heil hrúga af ýmsu dóti á gangstéttinni (alveg eins og í útlandinu) og miði á vegg sem stóð gefins. Það var víst að hætt þarna antikbúð. Við Stebba förum að kíkja á þetta og sjáum að ma. var þarna hellingur af bleikum velúr gardínum af flottustu sort. Við gripum gæsina og skelltum þeim í skottið, kæmi mér ekki á óvart að þessi fínu tjöld ættu eftir að verða að glæsilegum leiktjöldum.

Þrátt fyrir fögur loforð var familían svo upptekin af hjólinu að það gleymdist að mynda fyrstu hjólaferðin á fína gripnum en ég bæti úr því seinna. Reikna með að sú stutta mæti hér með hjólið innan skamms. Það er að segja ef hún verður ekki strokin að heiman en hún gerði víst heiðarlega tilraun til þess í morgun þar sem henni fannst foreldrarnir ekki alveg nógu góðir. Pakkaði niður og smurði nesti en gafst svo upp og borðaði nestið úti á svölum ;-) Ef hún er ekki skild mér þá veit ég ekki hvað. Held samt örugglega að hún hafi sofnað sæl í kvöld eftir að foreldrarnir splæstu í hjólið.

Margir hnútar hnýttir

Í gær tóks mér loks að hnýta marga hnúta. Eins og alþjóð veit er ég félagsmálafrík og í gær held ég ég hafi hnýtt einhvern hnút í nánast allar nefndir og verkefni sem ég tek þátt í þetta árið nema sundleikfimina. Haldiði að ég hafi ekki gleymt henni. Fussum svei og skamm.

Dagurinn byrjaði í mikilli tölvuvinnu þar sem ýmsir hnútar voru hnýtti td. varðandi kynningarmálin fyrir 1. maí ofl. ofl. Heyrði í Villa mínum á msn sem var önnum kafinn en glaður í bragði og biður að heilsa öllum. Vonandi fer ég nú að fá að sjá kallálftina.

Þá brunaði ég niður á mitt annað heimili þessa dagana Sjálfsbjargarhúsið með ársreikninga fyrir Stínu sem situr sveitt yfir bókhaldinu enda farið að styttast í aðalfund og nú er leitað um allt að góðu formannsefni en það hlýtur að sleppa fyrir horn eins og annað.

Hitta fullt af Sjálfsbjargarfélögum og Hölum þar sem hin ýmsu mál voru reifuð fram og til baka. Fundaði svo smá með Grétar Pétri vegna Stokkseyrarferðar sem við erum að skipuleggja fyrir Samveru og súpu hópinn okkar á þriðjudögum. Nokkrir hnútar hnýttir í viðbót.

Brá mér þá niður í Vin en þar er ég ásamt félögum úr ferðafélaginu Víðsýn á fullu að skipuleggja fjáröflunarBINGÓ 3 maí nk. Fullt af flottum vinningum hafa safnast og nú er þetta allt að komast á fullt skrið. Lenti svo á planfundi þar sem farið ver yfir verkefnin sem framundan eru hjá Vin.

Þar er eitt spennandi kynningarverkefni sem ég ætla að taka fullan þátt í en það felst í að fara inn á Geðdeildar og kynna starfsemi Vinjar og fyrir hvað hún stendur. Fyrirhugað er að stofna sjálfboðahóp innan RKÍ utan um þessa vinnu sem ég of fleiri höfum svo sem sinnt í mörg ár ne nú eftir að notandi var ráðinn sem umboðsmaður þá lítur þetta allt miklu miklu betur út. Hitti hann á föstudaginn. Sjá nánar um það á heimasíðu Hugarafls

Gaf mér svo smá tíma í kaffispjall heima með Labbakútunum þar sem atvinnumál voru efst á baugi og partýundirbúningur. Já það stefnir allt í Halapartý á föstudagskvöldið og svo ætlum við á 3 systur hjá Hugleik á laugardaginn. Spennnandi helgi framundan.

Heyrði í Kristjáni Líndal sem rekur stórmerkilegt Minjasafn í Hveragerði, safninu var næstum því lokað vegna fjáreklu en nú slapp það fyrir horn. Safnið er aðgengilegt og mjög skemmtilegt. Mæli hiklaust með heimsókn þangað. Það voru aldeilis góðar fréttir og óska ég Kristjáni góðs gengis í framtíðinni.

Hnýtti svo ýmsa hnúta varðandi félagsmálanefndina enda þing að fara að koma.

Svo var stóri dagurinn í gærkvöldi Halaleikhópurinn fór í Borgarleikhúsið og var með sína fyrstu æfingu þar fyrir 1. maí. Allt gekk smurt eins og vél þannig að við erum tilbúin fyrir átökin og hlökkum mikið til. Sýningin verður kl. 18-20 við erum 3 á dagskránni síðust fyrir hlé.

Eftir að heim kom loks seint í gærkveldi voru svo enn fleiri hnútar hnýttir í tölvupóstsamskiptum. Og þreytt en sæl kona sem skreið inn í rúm að verða 2 í nótt.

Nú er ég á leið á fund niður á BÍL þar sem fleir hnútar verða hnýttir varðandi Stuttverkahátiðina Margt Smátt.

Áframhaldandi annir

Dagbókin:

Vaknaði við að tærnar á mínum heittelskaða kitluðu mig í lærið URRAÐI af bræði og það áður en ég vaknaði. Grey kallinn sagði bara fyrirgefðu og sneri sér á hina

Dreif hann samt á fætur og brunaði niður í Sjálfsbjörg í Samveru og súpu fékk þessa fínu Aspassúpu, ætlaði að funda smá en ekki gafst tími til þess

Við Sóley drifum okkur á málþing upp í Orkuhúsi um List án landamæra merkilegar umræður og stórmerkileg dagskrá þessa fram til 13 maí. Ýmislegt áhugavert í gangi sem ég á örugglega eftir að taka þátt í. Allavega erum við að fara að sýna í Borgarleikhúsinu 1. maí en nánar um það síðar HÉR er slóð á bækling með dagskrá hátiðarinnar

Heim þar sem Labbi sat í kaffi og spjalli um daginn og veginn

Ingimar eldaði svo fyrir okkur hjónin takk elskan

Fór svo í saumaklúbb í kvöld þar sem ég saumaði og saumaði og er næstum búin með bútasaums dúkinn sem ég byrjaði á fyrir 3 árum :-)

Þegar heim kom tók svo við heimasíðugerð og tölvupóstsamskipti vegna fjölmargra verkefna sem eru fyrirliggjandi

Svaraði svo símanum örugglega 20 sinnum út af einu og öðru meðal annars miðasölu á Pókók nú er orðið uppselt 7. maí og lífið er ljúft

Allt stefnir í að um helgina verði Halapartý og leikhúsferð pantaði miða á Þrjár Systur hjá Hugleik á laugardagskvöldið, ef fleiri hafa áhuga á að koma með bara panta miða, sjáumst hress. Möguleikhúsið er víst aðgengilegt nema klósettið.

Á morgun er svo æfing í Borgarleikhúsinu fyrir 1. maí. Setti í gærkvöldi inn myndir í albúm frá Reykjaskóla veturinn 1974 -1975 það má kíkja á það HÉR Góða skemmtun

Meiri myndir

Þessi jólin varð Villi hamingjusamur fékk draumadúkkuna sína.



Hér er mamma með Villa, Stebba og Palli sennilega upp í Heiðmörk eða á Þingvöllum í sunnudagsbíltúr alltaf var sól í þá daga.



Hefðbundin jólauppstilling áður en við fórum að standa í fínu röðinni en það kom sennilega ekki til fyrr en Palli var fæddur og farinn að geta staðið



17 júni líklega þetta er Villi í Matrossufötunum sennilega 4 ára og Palli í fínu útprjónuðu peysunni frá Sveinsínu ömmu Sigrúnar Jónu. Frábært handverk því miður er þessi peysa ekki til lengur var orðin morkin þegar ég ætlaði að fara að setja Ingimar Atla í hana.

Til hamingju með afmælið Villi

Elsku besti bróðir í heimi (jú jú hinir eru ágætir líka) Til hamingju með afmælið í dag. Vonandi verður þú ekki hlekkjaður við eldavélina eða kassann í Greyton í dag. Fór með aðra lúkuna ofan í stóra myndakassann og skannaði inn nokkrar myndir og set hér til skemmtunar.



Þetta er mynd tekin í útilegu við Hafravatn sem við félagarnir í Leynifélaginu Kátir Útlagar fórum í. Þetta var mjög öflugt leynifélag sem við vorum fjögur í ég Villi, Skúli og Guðbjörg. Við funduðum reglulega inní súðaskáp, saumuðum á okkur búninga og ferðuðumst mikið upp að Silungarpolli þar sem við áttum eyju sem við skýrðum Útlagaeyju upp úr Miranda. Já það voru ljúfir dagar. Sennilega hefur Skúli tekið myndina því hann vantar. Jú við vorum tæknivædd og áttum myndavél á þessum tíma, sennilega er þetta kringum 1968-9.



Þessi mynd er tekin í miklum gleðskap sennilega kringum 1997 þegar Sigrún Jóna og Steen komu til Íslands og líka Stebbi og vinur hans Salya og voru hjá mér í dálítinn tíma þá var sko skvett úr klaufunum eins og sjá má.



Villi hefur alltaf verið uppátækjasamur og eitt árið fór hann á floater niður laugaveginn í fullum herklæðum á víkingaskipi á Gaypride



Þessi er greinilega tekin af okkur systkinunum árið sem Palli fermist 1976 þarna tók Villi mikinn vaxtakipp eins og sjá má á apahöndunum



Þessi er tekin af þeim hjónakornunum á fertugsafmæli Villa fyrir stuttu síðan eða eru árin orðin 7 mikið er tíminn fljótur að líða



1999 var slegið til brúðkaups hér eru þeir Villi og Guðmundur og pabbi að staupa sig held þetta sé rétt áður en pabbi hélt víðfræga ræðu og sló eftirmynnilega í gegn. Verst er að ég man hana ekki almennileg rétt til að hafa hana eftir en endilega Villi og Guðmundur kommentið um ræðuna.



Villi og Lovísa Lilja á brúðkaupsdegi Villa 27. 7. 1999



Þetta er heim á Grettisgötunni í penthousinu á Tower einhvern Gaypride daginn. Daginn sem við fengum að sjá Frosta í fyrsta sinn :-)



Þessi fjölskyldumynd er tekinn 1994. Þegar mamma er enn heima en greinilega orðin mjög lasin. Á myndina vantar Sigrúnu Jóna minnir að þessi myndataka hafi verið fyrir ættfræðirit eða eitthvað svoleiðis, alger hryllingsmynd en svolítið fyndin líka krakkarnir að vaxa hvorki börn né fullorðin

Fleiri myndir vildu ekki inn núna en lofa fleirum næstu daga.

Martröð sýningarstjórans

Í gær var skelfilegur dagur í lífi mínu sem sýningarstjóri. Ég skil ekkert í mér að hafa tekið þetta að mér enn einu sinni. Fyrir 4 árum var ég lóðsuð inn í þetta án þess að hafa nokkra hugmynd um hvað það væri. Síðan hefur eitt leitt einhvern veginn af öðru og í ár er ég sýningarstjóri hjá Halaleikhópnum fjórða árið í röð. Þvílík della, aldrei lærir maður af reynslunni. Hnippið í mig á næsta ári í janúar 2007 og minnið mig á 21. apríl 2006.

Sýningarstjóri ber ábyrgð á sýningunni að allir mæti sem koma að sýningunni og geri það sem fyrirfram hefur verið ákveðið, ss. leika, lýsa, aðstoða, miðasala osfrv. Einnig að grípa inní ef eitthvað fer úrskeiðis og leysa mál sem koma uppá hvað svo sem það er. Passa að sýningin gangi eðlilega fyrir sig, byrji á réttum tíma og þess háttar. Auk ýmissa fleiri atriða sem ég er alltaf að gera mér betur og betur grein fyrir með reynslunni.

Á ýmsu á maður von í þessu starfi og undarlegar eru sumar reddingar sem maður hefur farið í en ekki átti ég von á aðaluppákomu gærdagsins.

Ég vissi að einn af okkar bestu leikurum var búinn að vera veikur og raddlaus svo við tók strang bænahald um að röddin og heilsan verði með þeim hætti að hann gæti leikið. Frétti um morguninn að hann hefði lítið sofið um nóttina vegna hósta svo ekki lofaði það góðu. En um hádegi ræddum við saman og hann var ansi rámur en ætlaði að reyna. Heyrði aftur í honum seinna um daginn þar sem hann staðfesti komu sínu. En ekki leist mér of vel á röddina. En treysti mínum manni enda stóð hann sig frábærlega í sýningunni þrátt fyrir að vera sárlasinn.

Við vorum með fullt hús í gær sem alltaf er gleðilegt sérstaklega á tímum hinnar miklu samkeppni þegar verið er að leika í öllum húsum bæjarins.

Það er regla hjá okkur að allir mæti 2 tímum fyrir sýningu nema um annað sé samið og það hefur gengið eftir, stundum hafa sumir verið pirraðir yfir þessu en eitt verður yfir alla að ganga eða svo höfum við haft það. Í gær varð mér ljóst mikilvægi þessarar grundvallarreglu.

Sumir hafa fengið að teygja tímann vegna vinnu og annars og allt í lagi með það enda allt undir kontról. Í gær mættu allir nema tveir á umsömdum tíma þegar klukkutími var í sýningu fór ég að ókyrrast ekki það að ég treysti þessum leikurum ekki til að skila sér heldur bara svona einhver hugboð. Sendi sms á þá og annar birtist fyrir horn en í hinum heyrðist ekki neitt.

Stressið fór að taka völdin hjá mér og ég hringdi í kauða en það var slökkt á símanum. Fór að sinna ýmsu öðru og fékk aftur stresskast og hringdi aftur sama slökkt á símanum. Hringdi í heimsímann náði tali af móður hans hún var búin að leita af honum í tvo tíma og búin að hringja um allt að leita af honum. Úbs nú fór maginn í hnút áhorfendur að streyma í hús og leikarinn týndur.

Leikarahópurinn fór líka að ókyrrast verulega. Ég reyndi að halda andliti hafði ekki guðmund um hvað ég ætti eiginlega að taka til bragðs. Gat eiginlega ekki talað við formanninn sem var inn í förðun og gjaldkerinn var á tali við áhorfendur. Milljón hugsanir streymdu um hugann. Hvað gerir maður í þessum aðstæðum.

Sendi sms á tvo vini hans, ekkert svar. Hringdi á vinnustað hans og fékk samband áfram og það slitnaði, þetta skeði þrisvar. En símastúlka fullvissaði mig um það sem ég svo sem vissi að hann ynni ekkert svona lengi. Bað samt um í örvæntingu minni að það yrði leitað að honum á vinnustaðnum og hann beðinn að hringja í mig. Eitthvað hefur ég hljómað undarlega því það var gert og þetta er sko ekki vinnustaður þar sem spáð er í svona hluti.

20 mín í sýningu og ég úti á plani bak við hús í símanum að hringja í allar áttir að leita andskoti leið mér illa. Tek ákvörðun um að hleypa áhorfendum í salinn og fer að hugsa um hvern andsk ég geti sagt við fólkið. Næ í rassgatið á gjaldkeranum og dreg hana út mér á trúnó um málið við hárreittum okkur og hugsum saman í marga hringi og komumst að engri niðurstöðu.

Fer inn og ræði aðeins við leikarana og þar voru komnar upp ýmsar hugmyndir um afdrif kauða og lausnir á málinu. Þó ekkert nothæft í hvelli. Já ef loftið í Halanum var ekki rafmagnað þessar mínútur þá veit ég ekki hvað. Alveg gleymdi ég og Stebba að setja plöntur í blómavasann í leikmyndinni og ýmislegt fleira smálegt gleymdist í spennunni.

12 mín í sýningu kom sms: kem eftir 5............

Hjúkk þvílíkt adrenalínsflæði. Kauði hafði bara ruglast á dögum og verið með slökkt á símanum en var á vinnustaðnum enn og kom brunandi í taxa 5 mín fyrir sýningu. Knúsaði hann bara og sagði Gleðilegt sumar. Já skil ekkert í mér að taka þetta að mér. Svo ég treysti bara á að þið minnið mig á þetta í janúar 2007.

En eftirá ræddum við saman leikarahópurinn og ýmsar fyndnar hugsanir komu í ljós hugurinn er svo merkilegt fyrirbrigði og frjósemi hugsana fór í hámark á ýmsum stöðum og örugglega mætti skrifa heilt leikrit um það sem fór fram í huga þessa hóps sem stóð að þessari sýningu sem byrjaði aðeins 3 mín of seint og tókst bara mjög vel. Þrátt fyrir allt adrenalínið og loftleysið ég gleymdi nefnilega í hamaganginum fyrir sýningu að kveikja á annari viftunni sem sér um súrefnisflæði í salnum og svo var logn og blíða úti sem er ekki uppáhaldsveður okkar á sýningarkvöldum.

En allt er gott sem endar vel og í dag birtist svo langþráð gagnrýni um sýninguna í Mogganum og er ég bara nokkuð glöð í bragði og stolt af mínu fólki eftir lesturinn. Það var svolítið langt síðan gagnrýnandinn kom og ég fór að grúska í því í vikunni hvers vegna þetta kæmi ekki og frétti að það stæði á birtingu í Mogganum það hefur verið einhver stífla það og ég átti ansi furðulegt samtal við starfsmann mbl um birtingar en hvað um það kannski ýtti það við allaveg kíkið í Moggann í dag og ef einhver á eftir að koma á sýningu þá eru síðustu forvöð sýningum fer að ljúka.

Blóm í tilefni dagsins

Ég segi bara Gleðilegt sumar og takk fyrir veturinn og sendi ykkur blóm í tilefni dagsins, of þreytt eftir strangan dag til að blogga en það kemur, mikið að gerast.

Með lífið í lúkunum

Ég fékk stóran hnút í magann í dag og vissi að ég yrði nú að taka á honum stóra mínum. Já það getur stundum verið erfitt að vera foreldri jafnvel þótt börnin séu löngu vaxin úr grasi.

Sonurinn náði sem sagt þeim stórmerkilega áfanga í dag að taka bílpróf með glans að sjálfsögðu. Ég er nú nokkuð stolt af honum og segi bara til hamingju Ingimar minn.

En þá kom að martröð allra foreldra þegar litla barnið manns sest undir stýri á fjölskyldubílnum. Úff það var sko stessandi og ég í aftursætinu. Veit ekki hvort okkar foreldragerpanna var hræddari en létum sem ekkert væri og létum strák keyra okkur upp í Breiðholt og til baka aftur og meira segja leggja í þrönga stæðið í bílageymslunni.

Auðvitað stóð minn strákur sig eins og hetja og á eflaust eftir að verða afbragðsbílstjóri eins og mamman......

Annars hafa páskarnir verið ansi rólegir og notalegir. Fórum í afmæli til Hönnu og skvettum aðeins úr klaufunum á miðvikudaginn. Vorum svo með hrygg og alles á skýrdag og krakkana í mat. Það er alltaf svo notaleg.

Lágum svo bara í leti og lásum og lásum og slöppuðum af, fórum aðeins að viðra Viktoríu og kanna Fossvoginn aftur eftir vetrarfrí. Á páskadag var okkur svo boðið í Páskalambið til Steina mágs. Það klikkaði ekki frekar en vanalega. Takk Steini.

Í gær fórum við aðeins upp í Krika til að kanna aðstæður og máta okkur á pallinum með hitabrúsa og teppi. Áttum fína stund sem lofar góðu fyrir komandi sumar.

Gleðilega Páska

Meiri uppfræðsla

Á föstudaginn langa var Jesús krossfestur á Hausaskeljarstað (Golgata) ásamt tveim ræningjum sér til sitthvorar handar.

Nei nei ekkert að tapa mér í trúmálunum bara......

Annars liggjum við skötuhjúin bara í leti allavega þar til annað verður ákveðið.

Spurningin hvað á að gera í sumar er að verða ansi ágeng

Af hverju þarf maður alltaf að gera eitthvað á sumrin og tala um það í marga mánuði?

Engin plön tóm óvissa

Krikinn heillar

Hekla spyr um hina árlega Akureyrarferð, en æ stundum þarf að brjóta upp vanann

Það er ekki eins auðvelt að fara í óvissuferðir og áður eins og ég elska þær nú mikið, nú stjórnar aðgengi öllu og merkilegt er að það er miklu miklu miklu dýrara að ferðast þar sem aðgengi er gott fyrir hjólastóla td. í gistingu en annarstaðar. Fúlt og ekki á öryrkjaprísum.

Það er liðin sú tíð að maður hendi tjaldi og svefnpoka í skottið og fari bara þangað sem hugurinn ber mann án umhugsunar. Nú þarf að skipuleggja í hörgul og það er ekkert skemmtilegt og ógeðslega dýrt.

Já held að Krikinn heilli bara mest eins og er en koma tímar koma ráð.

Bara svona til að minna á

Í tilefni dagsins (úbs kominn annar dagur) set ég hér inn eina af uppáhaldsmyndunum mínum. Dreymir um að eiga eina svona stóra og litríka hangandi í fínu borðstofunni minni fyrir ofan antik borðstofusettið mitt. Ó það er svo gott að láta sig dreyma .....



Annars minnir þessi mynd mig orðið endalaust á uppáhaldsbókina mína Da Vincy lykilinn ef þið eruð ekki búin að lesa hana þá er núna tækifærið um páskana.

Nú og fyrir trúleysingjana sem eru ekki vissir um hvers vegna skírdagur er yfir höfuð til þá upplýsist hér með að þann dag fyrir um það bil 2000 árum borðaði
Jesú síðustu kvöldmáltíðina með lærisveinum sínum og þvoði fætur þeirra. Gamla sögnin ,,að skíra" merkir að þvo eða gera hreint (sbr. skíra gull). Af því er nafn þessa dags komið, skírdagur.

Survivor var leiðinlegur. Fylgist sennilega ekki nógu oft með þetta tímabilið.

Fór bara í rúmið snemma að lesa Ísfólkið, magnaðar bækur sem hægt er að lesa aftur og aftur.

Skrítið að vera ekki að fara neitt alla páskana ekki einu sinni fyrirhuguð fjöldkylduboð eins og alltaf hefur nú verið báðum megin en mín fjölskylda er flúin land einu sinni enn og veit ekki með hina familíuna en nýafstaðin glæsileg ferming.

Kannski maður þurfi að gera eitthvað í þessu sjálfur, en letin er að drepa mig, eða ég er bara loks að slaka á eftir törn síðust mánaða, var lang lang þreytt.

Ætla í hádeginu að fá mér súpu og spjall hjá Sjálfsbjörg.

Er að skilpuleggja fjárölfunarbingó 3 maí fyrir Víðsýn, munið að taka þann dag frá nánari uppl. síðar.



Fékk skemmtilegan tölvupóst í gærkvöldi, Reykjaskólamót í júní en þar var ég veturinn 1974 til 1975 og tók tvö merkileg próf, bílpróf og gagnfræðaskólapróf. Held ég mæti pottþétt, kannski ég fari að grafa eftir gömlum myndum og skelli inn. Þessi er af skólaspjalinu. Þekktuð þig mig á myndinni ?

Meiri stiklur

Enn fullt af drasli á skrifborðinu mínu, tými ekki að eiga við það

Full óhreinataukarfan

Gólfin hrein og hreint utan á hjónarúminu

Réttur hússins í kvöldmatinn

Hreinsaði lyklaborðið mitt áðan orðið eins og nýtt

Það leiðinlega við að vera ekki í skóla lengur er að það kemur ekkert páskafrí !!!

Held ég fari bara að fylgjast með Survivor eða sauma eða

Myndir frá hundasýningunni

Þetta var hreint út sagt gargandi snilld þessi kynning á hjálparhundum fatlaðra set hér inn örfáar myndir að þessum elskum


Þetta er töfri sem sýndi okkur nokkur dansspor. Hann kann að dansa við Silvíu Nótt lagið ma.



Þetta er Tryggur og Auður Björnsdóttir amma hans hér er Tryggur orðinn leiður á þessu spurningaflóði sem dundi yfir og fer að láta vel að ömmu sinni



Hér er Erró blindrahundur sem kom að fylgjast með ásamt eiganda sínum en auðvitað vildum við líka sjá snilld hans



Hér klæðir Tryggur Auði úr sokkum

Hundadans :-)

Kynning á hjálparhundum

Hér á landi er ekki algeng sjón að sjá fatlað fólk með hjálparhunda. Þjónustuhundar, eins og þeir eru kallaðir, hafa verið þjálfaðir af Auði Björnsdóttur, sem er ein af fáum íslendingum sem hefur menntað sig til þess að þjálfa slíka hunda.

Miðvikudaginn 5. apríl næstkomandi mun Auður kynna hlutverk hjálparhunda í Halanum í húsi Sjálfsbjargar Hátúni 12 (norðan megin) kl. 17:00 með aðstoð Tryggs, en auk þess mun hundurinn Töfri dansa fyrir áhorfendur.

Við hvetjum alla þá sem hafa áhuga á að kynna sér mismunandi hlutverk þjónustuhunda að mæta á fundinn!

og svo

Meira ....

Hef ekki orðið yfir það

Góð helgi

Sýningin gekk mjög vel

Þvoði gluggana að utan í sólinni í morgun

Bauð vini mínum upp á kaffisopa og spjall

Þvoði og þurrkaði 2 vélar af þvotti

Visiteraði í familíunni

Skilaði ömmustelpunni

Keypti hóstamiktúru

Sunnudagssteikin er komin í ofninn

Síminn hefur ekkert hringt í dag

Engin heimasíðugerð í dag

Enginn fundur í dag en tveir á morgun

Ferming um næstu helgi

Drasl á skrifborðinu mínu sem ég nenni ekki að taka til í

Kalt úti í sólinni

Hekla fór í póstkassann fyrir hádegi

Sonurinn farinn í sturtu

Kallinn kominn í bridge við tölvuna

Kannski ég kíki í blöðin og setji tærnar upp í loft meðan steikin kraumar í ofninum og gratíneruðu kartöflurnar

Já er það ekki bara ágætis hugmynd

Vonlausar væntingar

Finnst einhvern veginn að ég eigi núna að skrifa eitthvað gáfulegt hér

En það bara kemur ekki

Stundum er maður bara ekki í stuði

en það er gott veður úti og inni

Hugsa ég fari bara að lesa Ísfólkið nenni ekki í Bónus

Nenni ekki í póstkassann að ná í blöðin og kl er orðin 14.05

Er samt löngu vöknuð

Látum þetta duga í dag

Ekki gleyma fundinum í kvöld

Kosning á þing Sjálfsbjargar

Á fundinum verða kosnir fulltrúar Sjálfsbjargar á höfuðborgarsvæðinu til setu á þingi Sjálfsbjargar, lsf. sem verður haldið 19. - 21. maí 2006. Fundurinn hefst kl. 19:30 þriðjudaginn 28. mars í félagsheimilinu Hátúni 12.

Mætum nú öll og styðjum okkar fólk :-)

Bland í poka

Afslöppunin er alveg að takast. Tókst að sofa til hádegis tvo daga í röð um helgina og vera á náttfötunum til 2 svo það er mikil framför fyrir morgunhanann minn.

Tvær sýningar voru um helgina og gengu þær bara nokkuð vel, ég er stolt af Hölunum mínum eftir helgina. Allir lögðust á eitt að gera sitt besta og útkoman var góð. Enn er hægt að fá miða allar upplýsingar á www.halaleikhopurinn.is. Í dag er svo alþjóðlegi leiklistardagurinn sjá nánar hér

Sorgaratburður varð á heimilinu á laugardaginn ég fór að vera dugleg og skipti um peru í fína lampanum frá Ömmu Villu erfðagóssinu mikla. Fannst skermurinn eitthvað rykugur og fór með hann út á svalir í sólina til að dusta hann aðeins. En greyið var orðinn svo fúinn að þegar ég rétt snerti hann lauslega hrökk efnið í sundur :-( Það var mikil sorg. Amma mín saumaði þennan skerm þegar ég var barn og mér hefur alltaf fundist hann sá flottasti í heimi. Nú eru góð ráð dýr. Þó mér sé ýmislegt til lista lagt og hafi saumað nokkra lampaskermi á minni löngu æfi legg ég ekki í svona meistaraverk. Svo nú auglýsi ég eftir flinkum skermagerðaraðila. Ég græt innra með mér enn yfir skerminum merkilegt hvað maður getur tengst dauðum hlutum sem jú hafa sál.



Ég varð fyrir merkilegri lífsreynslu í vikunni var að fara í verslun og á planinu fyrir utan hitti ég mann sem ég þekki ekki neitt en les reglulega bloggið hans þar sem hann er frábær penni. Fannst þetta ferlega hallærislegt fór eiginlega í flækju en strunsaði bara fram hjá uppáhaldsbloggaranum mínum eins og ég vissi ekkert hver þetta væri. Hefði kannski átt að biðja hann um eiginhandaráritun á USB-tengið mitt :-) Já netheimar eru merkilegir maður fer að fylgjast með hinum ýmsu málum sem manni koma kannski ekkert við. En allt eru þetta opnar síður. Hvað á maður að gera í svona málum? Nú væri gott að fá komment.... Á maður kannski ekki að lesa blogg frá fólki sem maður þekkir ekki? Eða þarf maður að biðja um leyfi? Hvað finnst ykkur?

Ein ráðvillt en af gefnu tilefni er þessi bloggsíða opin almenningi en gaman væri að vita hvort einhver les bullið í mér

Leiklistarbakterían tekur öll völd

Já það er óhætt að segja að maður sé aðeins að hressast af síþreytunni en önnur veira hefur aftur á móti tekið völdin heldur skemmtilegri finnst mér alla vega.

Í dag skellti ég mér á opinn samlestur í Borgarleikhúsinu á Viltu finna milljón. Það var gaman að sjá hvernig atvinnumennirnir og landslið leikara gerir þetta. Merkilegt fannst mér að sjá hversu lítill munur er á vinnubrögðum er hjá þeim og okkur í okkar litla sæta leikhúsi Halanum. Aðeins fleiri í kringum leikarana en annars bara eins og hjá okkur.

Viltu finna milljón, eftir Ray Cooney, er farsi af betri gerðinni með óteljandi hurðaskellum, misskilningi, lygi, ástarmálum, morði ofl. sem gerir verkið afar spennandi og hlægilegt. Spái að þetta sé verk sem mun verða til þess að ýmsir fá magakrampa og bakföll af hlátri.

Svo er ég búin að bóka mig í leikhús með vinum á fimmtudaginn á WOYZECK hlakka mikið til. Æfing hjá okkur á miðvikudaginn og svo tvær sýningar um helgina. Já það er óhætt að segja að það kemst lítið annað að en leiklist og meiri leiklist þessa dagana.


Næstu sýningar á Pókók eru á föstudagskvöldið kl. 20.00 og sunnudagskvöldið kl. 20.00. Nánari upplýsingar eru á heimasíðu Halaleikhópsins

Enn á lífi

Sorry hvað ég er löt að blogga þessa vikuna. Held bara ég hafi alveg klárað orkuna síðustu vikurnar. Síþreytan hefur tekið öll völd og daglegir hlutir eru orðnir erfiðir. En þetta er ástand sem ég þekki vel og þarf bara að gefa sinn tíma. Svo rís ég aftur upp fílefld vonandi innan skamms. Hafið bara þolinmæði með mér á meðan.

Frumsýningin gekk mjög vel þrátt fyrir að tvo leikara vantaði vegna veikinda, smá breyting og íhlaupaleikari af bestu sort redduðu málunum. Um frumsýningarpartýið ætla ég að hafa sem fæst orð enda er skrifað um það á hinum ýmsu stöðum á netinu. En ég alla vega skemmti mér vel.

Húsbóndinn er á hægum batavegi og ætlar að leika á morgun. Miðasala og allar upplýsingar eru á www.halaleikhopurinn.is nú er tækifærið til að drífa sig í leikhús og skemmta sér vel.

Allt er þegar þrennt er

Já ég vona að það sé mikill sannleikur fólginn í þessu orðatiltæki. Allavega eru þrír meðlimir Pókóksliðsins núna fjarverandi vegna alvarlegra veikinda. Fyrst veiktist ein leikkonan og mun ekki geta verið með okkur næstu mánuðina, svo fótbrotnaði miðasölustúlkan og í dag fékk minn heittelskaði eiginmaður og leikari bráðasýkingu og mun ekki geta verið með næstu daga alla vega.

Og generalprufa í kvöld og frumsýning á MORGUN !!!

Já ég varð svolítið trekt verð að viðurkenna það. Milljón hugsanir þjóta gegnum hugann og ekkert stopp á flæðinu í heilabúinu, vantar allar umferðarstjórnum á þann bæ.

En það kemur alltaf maður í manns stað og sem betur fer hefur Halinn á að skipa miklu af úrvalsfólki sem leysir vandamálin en dettur ekki um þröskuldana. Einn gamall og reyndur leikari datt inn í dag og Villi leikstjóri greip hann á staðnum. Já Jóndi ætlar að leysa Ödda minn af og gerir það eflaust vel.

Töfrarnir eru að skapast í leikhúsinu enn eru hvöss horn hér og þar en þetta verður örugglega fínslípað á laugardagskvöldið enda mikið af úrvalsleikurum með okkur þetta árið eins og ævinlega. Ég hef alla vega tröllartrú á mannskapnum held að hann geti vel unnið saman sem ein heild. Hlakka til frumsýningarinnar.

En tröllatrú mín á heilbrigðiskerfinu er ekki eins mikil. Þegar kom í ljós að við þyrftum að láta athuga fótinn á kalli hringdi ég upp á slysó til að athuga hvert ég ætti að fara með hann, jú jú komdu en það er 2 tíma bið og ekki hægt að skrá sig í röðina gegnum síma þó maður væri staddur í næsta húsi.

Og það varð raunin eftir innskráningu sagðist stúlkan hleypa honum framfyrir þar sem ástandið á honum var svona slæmt. En við biðum samt í tvo tíma á biðstofunni og svo inni líka langa stund áður en doksi kom. Jú jú bráðasýking þarf að fara í ræktun og fá sýklalyf í æð á 8 tíma fresti í einhvern tíma. Þurfi að vera með lyf í poka að leka inn í klukkutíma.

Svo kom rúsínan í pylsuendanum. Það er ekkert pláss á spítalanum fyrir hann allt fullt og enga heimahjúkrun að fá það er svo mikið að gera hjá þeim. Nei nei hann fárveikur maðurinn þarf að koma á 8 tíma fresti á spítalann til að fá lyf í æð og fara heim á milli. Hvað er eiginlega að í þessu kerfi ? ? ? ? ?

Við erum að tala um mann með gerfifót (sem hann nota bene má ekki nota í bili) og í hjólastól. Æ það er gott það er ekki langt að fara.

Stressið tekur völdin

Nú er farið að styttast í frumsýningu og stressið alveg um það bil að taka völdin. Merkilegt hvernig það getur farið með mann. Vakna kannsi á morgnana allt of snemma heltekinn af þeirri hugsun að ég verði að gera hitt eða þetta helst strax.

Já handtökin við uppfærslu á leikriti eru milljón allavega, sem betur fer höfum við margar fúsar hendur sem vinna saman að sameiginlegu markmiði. Og gengur bara þokkalega vel þó manni finnist allt vera á deadlina sumar stundir þá held ég þetta smelli nú allt saman og galdurinn verður til sem gerir hverja leiksýninga að töfrastund.

Já ég elska leiklistarstúss þó síðasta vikan sé strembin þá skilar það sér vonandi eftir frumsýningu.

Reyndi að kúpla mig aðeins út í dag. Fór á aðalfund hins merka ferðafélags Víðsýnar. Þar var ég náttúrulega göbbuð inn í stjórn með hraði og rússneskri kosningu. Þetta merkilega félag er að springa heldur betur út. Hvorki meira né minna en 3 utanlandsferðir síðasta starfsár auk styttri ferða innanlands. Hvern hefði grunað það þegar við stofnuðum þennan anga 1999 hæðstu hugsjónir voru kannski 3 nátta innanlandsferðir einu sinni á ári.

Mörg spennandi verkefni eru fyrirliggjandi þetta árið eins og ferð í júní til Hafnar í Hornafyrði og í Ágúst á norrænt geðhjálparmót í Danmörk. Vonandi get ég lagt eitthvað af mörkum við undirbúning þess.

Hitti svo Guðmund besta mág í heimi á kaffihúsinu okkar þar sem við áttum notarlega stund saman. Hann er nú á leið út aftur til Villa bróðir :-(

Vá orðin svaka fræg

Jess aldeilis dagur mar. Haldiði að Silvía Nótt sú eina og sanna hafi ekki bara bankað uppá hjá mér í morgun og boðið mér að koma með sér til Aþenu sem förðunardama. Vá held varla vatni yfir þessu.

Við eyddum deginum í að prufa okkur áfram með make up og það verður sko flott nú skal sko heimurinn rokka feitt þegar þessi útgáfa sést.

Hommi og Nammi komu líka en ég nennti ekkert að mála þá og lífvarðasvínin lét þá bara dúsa fram á gangi hleypi sko ekki hverjum sem er inn til mín. Enda var Silvía Nótt líka orðin þreytt á þessum beljökum og leyfði mér að keyra sig á Kiunni minni í hin ýmsu partý þegar leið á daginn og limman bara elti helvítis dónarnir.

Ég tók fullt af myndum en út af þið vitið samningunum í Eurovision má ég víst ekki birta þær en USS set eina hér þið segið ekki frá........