Frelsi er eitthvað sem við tökum oft sem sjálfsögðum hlut á Íslandi en það búa ekki allir við sama frelsi og aðrir. Þetta er málefni sem Kjartan Jakob Hauksson hefur tekið heldur betur upp á arma sína. Hann er aleinn að róa á litlum bát hringinn í kringum Ísland alltsaman til að ma. safna fé í Hjálparliðasjóð Sjálfsbjargar sem er eini sjóðurinn sinnar tegundar. Nánari upplýsingar um þetta er á heimasíðu
Sjálfsbjargar og hvet ég ykkur öll til að lesa það og senda honum kveðjur.
Að horfa á þessa mynd sem ég stal af vefsvæði Hornafjarðar og kortið af leiðinni gerir mann ansi hrærðan. Hvernig er þetta hægt. Hvílíkur hetjuskapur. Eitt er víst að Kjartan er ofurmenni og öðlingspiltur.
Mér er algerlega óskiljanlegt hvernig hægt er að fara á svona litlum bát einn alla þessa leið sem hann er búinn að fara hvað þá að horfa á leiðina sem er framundan. Eitt er víst að ef til er hetja á Íslandi þá er það Kjartan. Gangi þér vel Kjartan
Engin ummæli:
Skrifa ummæli